San Juan 8:44 - Biblia

⁴⁴ “Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Guaraní Pe (Western): Simba

⁴⁴ Aña guasu co jae peru, jare pe reta pipota piyapo peru uipota vae rupi. Peru jecuaeño upuruyuca ico, jare uyapo'ã etei añete vae rupi. Echa'ã añetete vae pegua'ã co. Jae co aña guasu. Jáeramo jecuaeño iyapu. Echa'ã jae co iyapu vae jare omboe ɨvɨ pegua reta iyapu vaerã —jei—.

San Juan 8:44 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Mateo 12:34

“¿Këraita ra jayawe pe pepurumbɨtawɨ wae reta pepuere pemoë ñee ikawi wae? Ndarau pepuere, echa’ä pepɨa kachi oï. Yande pëti pëti wae yandepɨa pe oï wae rupi ko yayemɨngeta,” jei.

San Mateo 13:15

Echa’ä jae reta ipɨatäta uyeyapo chekotɨ. Iyapɨsa oyopɨ reta awɨye waerä uyandu chiñee. Jare usapɨmi reta awɨye waerä uecha mbaembae ayapo wae. Erëi jae reta moná uyandu chiñee yawe jare uecha reta ayapo wae yawe, ipɨa rewe uikuaa kawita reta jare uyerowata reta chekotɨ che aepɨ reta waerä,’ jei Tumpa.” Jukuärái jei Isaías,” jei Jesús chupe reta.

San Mateo 13:38

“Jare jokua koo uyembɨjaanga oï opaete ɨwɨ re. Jare trigo ikawi wae uyembɨjaanga oï kía reta ikota Tumpa ndiwe wae re, Tumpa oï ma yawe opaete wae imburuwicha wasurä jaeño mái pewa. Jae reta ko Tumpa taɨ reta. Jare kapii ikawi mbae wae uyembɨjaanga oï jokua uyeyokui Añawasu pe wae reta re. Jae reta ko jae Añawasu taɨ reta.

San Juan 6:70

Jayawe Jesús jei chupe reta: “Che etei ko puparawo pe doce wae reta. Erëitu ime pëti pepɨte pe aña pe uyeyokui oï wae,” jei.

San Juan 7:17

“Erëi pe reta, ¿këraita ra pikuaa jokua che aporomboe wae ou ra ko chewiño ani ou ra Tumpa wi? Che tae pewe, tenonde imeta ko piñeñono piyapo rani waerä Tumpa jei wae rupi. Jayawe ramo pikuaata che aporomboe wae ou ko Tumpa wi wae,” jei.

San Juan 8:38

“Kua che aikuaaka aï pewe wae, jae ko cheRu uechaka chewe wae. Erëitu pe reta piyapo peï peru jei waeño,” jei Jesús chupe reta.

San Juan 8:41

Jáeramo Abraham jae’ä ko perukue. Pe reta ime penoi ambɨe peru. Jare jokua peru jekoño pemomoe peï,” jei Jesús chupe reta. Jayawe jae reta jei: “¡Awasa rupi uyekuaa wae’ä ko ore reta! ¡Tumpaño ko jae oreru!” jei reta.

San Juan 8:55

Erëitu pe reta pikuaa’ä Tumpa. Che aikuaa ko. Che jae yawe, ‘Aikuaa’ä,’ chaputa tëi ko pe reta papu rami. Erëi che aikuaa ko, jare ayapo aï jae jei wae rupi,” jei chupe reta.

Hechos 13:10

“Elimas, nde ko jae Añawasu pe ndiyeyokui wae, jare opaete jupi wae jare añetete wae jowaicho ko nde,” jei. “Nde ko jae upurumbɨtawɨ wae jare jupi mbae ndiyapo wae. Nde jekuaeño nembɨyea mbaembae añetete wae Tumpa rewa añetete mbae wae ndiwe,” jei chupe.

Hechos 24:9

Jare opaete judío reta joko pe ñonoï wae uechaka ikawi iko chupe reta Tértulo jei wae.

Hechos 5:3

Jayawe Pedro jei chupe: “Ananías, nde ndiyapɨsaka ma Satanás jei wae re jare nemaeño ma ndiyembɨtawɨka. Jáeramo ndipota tëi ndapu Espíritu Santo pe, jare nemɨmbɨre ndeyupe ndeɨwɨ jepɨkue,” jei.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

2 Pedro 2:4

Yaikuaa Tumpa uiporarakata oï chupe reta, echa’ä araɨwa retawe ipuere’ä oyepe Tumpa iarasɨ wi arakaete uyawɨ reta Tumpa kotɨ yawe. Echa’ä Tumpa ara wi omombo reta pɨ̈tumimbiete oï wae pe, jare joko pe uñeñapɨ̈ti ñonoï reta ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

1 Juan 2:21

Jare che aikuatía aï pewe pumɨmɨräta waerä jokua pikuaa wae re. Jare pe reta pikuaa kawi peï pëti apu ou’ä ko añetete wae wi.

1 Juan 2:4

Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

1 Juan 3:12

Awɨye yaiko Caín rami. Caín Añawasu pewa ko jare uyuka tɨwɨ. Jare ¿mbae jeko pewa ra uyuka? Echa’ä Caín jeko kachi ko, erëi tɨwɨ uyapo jupi wae.

1 Juan 3:15

Jare ime yawe kía uñamɨtäa umae ïru hermano re wae, Tumpa pewarä jae upuruyuka ma. Jare pe reta pikuaa kawi pëti upuruyuka wae mbaetɨ etei ko onoi tekowe opa mbae wae.

Judas 1:6

Jare yanemandúa wi arakae mbae uasa amokue araɨwa reta pe. Yepe tëi Tumpa umee chupe reta mbaepuere ara pe, erëi uwäe ara jae reta uipota’ä jokua mbaepuere jare opa ueya reta jenda ara pewa. Jáeramo Tumpa omombo reta kiape pɨ̈tumimbiete oï wae pe, jare joko pe jae reta uñeñapɨ̈ti ñonoï ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.

Apocalipsis 9:11

Jare jokua tuku reta imburuwicha wasu ko jae araɨwakue. Jae ime onoi mbaepuere opaete jokua ɨwɨkua wasu juwa mbae wae pe ñonoï wae reta re. Jare jae jee ko hebreo ñee pe Abadón. Jare griego ñee pe jae jee ko Apolión.