San Juan 8:40 - Biblia

⁴⁰ Erëi jukuärai’ä piyapo peï. Echa’ä añawe yepe tëi che aikuaaka ma pewe añetete wae Tumpa jei chewe wae, erëitu pe reta pipota cheyuka peï. Abraham uyapo’ä jokua nunga mbae.

Guaraní Pe (Western): Simba

⁴⁰ Ẽrei añave pipota cheyuca, yepe tẽi amɨmbeu ma peve añete vae. Jae co Tumpa umɨmbeu cheve vae. Cuarãi'ã uyapo Abraham —jei—.

San Juan 8:40 Iomraidhean Croise

San Juan 7:1

Kua jaɨkue rupi Jesús jare jemimboe reta ndiwe yuraa tëta wasu reta rupi ɨwɨ Galilea pe. Jesús uipota’ä oo ɨwɨ Judea pe, echa’ä joko pe uipota judío itenondewa reta uyukaka ramo.

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

San Juan 8:56

“Jare perukue Abraham arakaete uikuaa kawi iko che ayuta aiko wae jare jae uyerowiaete iko jokua re. Tumpa uechaka chupe chewäe ara jare jae ipɨakatu iko jokua re,” jei Jesús chupe reta.

Romanos 4:12

Jae nunga wi Abraham ko jae orerukue, opaete ore nduyembɨcircuncidaka wae reta. Erëi jaeño orepuere ndoe jukuärái, nomomoe yawe jae jeko. Kua uipota jei jaeño ndorowia yawe Tumpa re kërái Abraham wɨrowia jese rami ndei jae uyembɨcircuncidaka mbowe.

Gálatas 4:16

Erëi añawe, ¿jae yerá che perowaicho amɨmbeu pewe añetete wae re?

Gálatas 4:29

Jare jokua arakaete uasa wae, jokua etei wi uasa oï yandewe añawe. Echa’ä arakaete Agar imembɨ Ismael jee wae uiporaraka Isaac pe. Jare jukuärái jokua Abraham taɨ jae jei wae rupiño uyekuaa wae uiporaraka jokua taɨ Espíritu Santo imbaepuere rupi oa wae pe. Jae ramiño wi añawe rupi Moisés arakae uikuatía wae uipota uyapoka yandewe wae reta uiporaraka ñonoï yandewe yande Espíritu Santo rupi yaiko wae reta pe.

Apocalipsis 12:17

Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Apocalipsis 12:4

Jare juwai pe uipɨsɨ mbɨte seri yasɨtata reta omombo ɨwɨ kotɨ. Jare jae uyemboɨ kuña imembɨ oata wae jowai opa waerä tëi jou chuwi imembɨ oa yawe.