San Juan 8:38 - Biblia

³⁸ “Kua che aikuaaka aï pewe wae, jae ko cheRu uechaka chewe wae. Erëitu pe reta piyapo peï peru jei waeño,” jei Jesús chupe reta.

Guaraní Pe (Western): Simba

³⁸ Chemiari peve cheRu ndive aico yave aecha vae re, jare pe reta piyapo peru umɨmbeu peve piyapo vaerã vae rupi —jei Jesús.

San Juan 8:38 Iomraidhean Croise

San Mateo 3:7

Pëti ara jeta fariseo reta jare saduceo reta wi yuweru Juan oï wae pe, echa’ä jae reta uipota tëi uyembɨsakambuka ɨ pe. Erëi Juan uecha reta yawe, jei chupe reta: “¡Pe reta ko jae upurumbɨtawɨ wae reta!” jei chupe reta. “¿Këraita pa añawe pipota peoyepe waerä Tumpa iarasɨ wasu oata oï peré wae wi?” jei chupe reta.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 14:24

“Erëi cherau’ä wae reta ndarau uyapo chiñee rupi. Jáeramo, ¿maera pa ayekuaakata chupe reta jayawe?” jei. “Kua aporomboe aï wae chiñeeño’ä ko. Jae ko cheRu chembou wae iñee etei,” jei Jesús chupe reta.

San Juan 3:32

Jae uecha mbaembae ara pewa jare uyandu wi. Jáeramo jae uikuaaka kawi ma yandewe jokua mbaembae ara pewa re. Erëitu opaete seri wɨrowia’ä jae mbae umɨmbeu wae.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

San Juan 5:30

Jare Jesús jei wi judío itenondewa reta pe: “Cheiño chepuere’ä mbae ayapo. Jayawe jokua ara che jae yawe ɨwɨ pewa reta jeko rewa, ayapota’ä aï cheño aipota wae rupi. CheRu ko jeita oï chewe mbae jae waerä. Jáeramo jupi ko jokua mbae che jaeta aï wae, echa’ä mbaetɨta ayemɨngeta aï che aipota waeño. Ayemɨngetata aï chembou wae uipota wae,” jei chupe reta.

San Juan 8:26

“Añetete che ime jeta mbaembae re chepuere tëi jae pewe pumbɨjeko waerä. Erëitu che jaeño amɨmbeu ɨwɨ pewa reta pe jokua chembou wae jei chewe wae etei. Jare jae jekuaeño uyemɨngeta jupi rupi kawi,” jei chupe reta.

San Juan 8:41

Jáeramo Abraham jae’ä ko perukue. Pe reta ime penoi ambɨe peru. Jare jokua peru jekoño pemomoe peï,” jei Jesús chupe reta. Jayawe jae reta jei: “¡Awasa rupi uyekuaa wae’ä ko ore reta! ¡Tumpaño ko jae oreru!” jei reta.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.