San Juan 8:34 - Biblia

³⁴ Jayawe Jesús jei chupe reta: “Che tae pewe añetete wae, kía jekuaeño uyawɨ oï Tumpa kotɨ wae, teko kachi ipionerä iko wae rami ko,” jei.

Guaraní Pe (Western): Simba

³⁴ —Añete che jae peve —jei Jesús—, iyoa vae uyeyocui oĩ mbaeyoa pe.

San Juan 8:34 Iomraidhean Croise

San Mateo 5:18

“Che tae pewe añetete wae, ara jare ɨwɨ imeño oï rambuewe, ndarau etei ukañɨ jae reta uikuatía wae wi pëti awe ñee michi mii yepe. Jare jukuäraita oo oï kuri opa uyeyapo rewa Tumpa ipɨayemɨngeta jokua kuatía reta pewarä wae,” jei.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

Hechos 8:23

Echa’ä aikuaa aï ndepɨa pe oï jeta mbaembasɨ, jare mbae kachi ime mbaepuere onoi nderé,” jei Pedro Simón pe.

Romanos 6:12

Jáeramo ime penoi yawe jokua kɨrëɨ mbae kachi piyapo waerä wae, awɨye etei pemaeño jokua kɨrëɨ perete re tuyembɨiya. Perete kua ɨwɨ pewa ko jare ndarau ɨma iko. Jáeramo awɨye piñemee mbae kachi wae piyapo waerä perete pɨpe.

Romanos 6:16

Echa’ä yaikuaa ñaï ñañemee ma yawe kía pe yayapo waerä jae jei wae, yayeyapo ma ko ipionerä. Jayawe yande ñañemee yayawɨ waerä Tumpa jei wae yawe, jokua oïta yandepatrón rami. Jare jokua jaeño ueruta oï yandewe mano – jae ko yanembɨsɨrɨta oï Tumpa wi jaeño mái pewa Tatawasurenda pe. Erëi Tumpa peño yayeyokui ñaï yawe, jekuaeño yandereko oya katu oo oï jupi wae re.

Romanos 6:6

Yanemandúa kawi ñaï kërái yaikose wae re. Jaeño yaikose yande yae wae rupiño, jare jukuärái jeta yayawɨse Tumpa kotɨ. Erëi yarowia yawe Cristo re, Tumpa ñaneñono pëti ramiño Cristo re yaiko waerä. Jáeramo Cristo uyekutuka kurusu re yawe, yandereko indechikue uyekutuka wi jae ndiwe rami. Jáeramo yepe tëi amo wese pe ime ñanoi kɨrëɨ mbae kachi yayapo waerä, erëi jokua kɨrëɨ ndarau ye ma mbaepuere ime onoi yanderé. Ndarau ma yaiko jokua kɨrëɨ pe täta rupi yayeyokui waerä.

Romanos 7:14

Jayawe yaikuaa jokua mbaembae Tumpa uikuaaka Moisés pe uikuatía waerä wae ikawi ko, echa’ä Tumpa wi etei ko ou ramo. Erëi che ko jae kuimbaeño, jare yawái mbae ayawɨ Tumpa kotɨ. Añetete teko kachi ipionerä aiko wae rami ko che.

Romanos 7:25

Jaeño ko Tumpa cherepɨta chuwi yandeYa Jesucristo rupi. Jare jokua re amee yasurupái Tumpa pe. Jayawe añetete che aiko parawete kuärái: Chepɨa pe aipota tëi aiko kawi opaete Tumpa jei wae rupi. Erëi ime wi oï chepɨa pe jokua kɨrëɨ che jae wae rupiño aiko waerä. Jare jukuäraiño aiko yawe, jekuaeño ayawɨ Tumpa kotɨ.

Romanos 8:21

Echa’ä yepe tëi añawe opaete Tumpa jembiapo reta ikumewa oo oï, erëi pëti ara Tumpa uepɨta oï kuri reta. Jukuärái uyapota oï jokua ara jae opa umbɨyapɨ yawe mano yandewe, yande jae taɨrä yaiko wae reta pe. Joko wi ramo Tumpa jembiapo reta yande ndiwe uyekouta ñonoï reta Tumpa imbaepuere jupiete ye wae re. Jukuärái ko Tumpa ipɨayemɨngeta.

Efesios 2:2

Jukuärái pe reta pikose, echa’ä jekuaeño pemomoe piko kua ɨwɨ pewa reta jeko kachi wae re. Piyeyokuise piko Añawasu pe. Jae ko opaete aña reta imburuwicha, jare yandepuere’ä yaecha wae. Jae ko espíritu ikawi mbae wae jare uparawɨkɨ oï imbaepuere rewe opaete Cristo re wɨrowia mbae wae reta ipɨa pe.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

2 Pedro 2:19

Jae reta jei tëi wi: “Tumpa yandeyora ma ko. Jáeramo yandepuere yaiko yande yae wae rupiño,” jei reta tëi. Erëi añetete jae reta mbae kachi wae pe täta rupi uyeyokui wae reta ko, echa’ä teko kachi imbaepuere pe ñonoï reta. Jare mbae uyemɨmbaepuere yanderé yawe, ñanerenoi ipo íɨwɨ pe.