San Juan 8:32 - Biblia

³² Jare jukuärái pikuaata añetete wae, jare jokua pembopoikata oï,” jei chupe reta.

Guaraní Pe (Western): Simba

³² Jare picuaata añete vae, jare añete vae peyorata co —jei.

San Juan 8:32 Iomraidhean Croise

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Mateo 11:29

“Che añemɨmichi jare ayembutuicha’ä etei. Jáeramo piñemee mii chewe che pomboe waerä. Jare jukuärái piyapo yawe, peputuuta añetete pewa,” jei.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:17

Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 16:13

“Erëi Espíritu Santo ou ma yawe, jae pembɨarakuaa kawita añetete wae rewa. Echa’ä ñee jae uikuaakata oï pewe wae jae iñeeño’ä ko. Tumpa jei chupe wae, jokua ko uikuaaka yuapɨ yeta oï pewe. Jare jae uikuaakata oï wi pewe mbaembae taɨkue rupi uasata oï kuri wae,” jei.

San Juan 17:17

Jayawe iñono tee reta jae reta yureko waerä niñee rupi. Echa’ä niñee añetete ko,” jei.

San Juan 6:45

“Pëti kuimbae Tumpa iñee arakae umɨmbeu wae uikuatía cheré wɨrowiata wae reta re kuärái: ‘Tumpa etei omboeta oï opaete jae reta.’ Jukuärái uyekuatía oï,” jei. “Jayawe opaete kía kía uyapɨsaka jare uyemboe cheRu re wae reta yuweruta chekotɨ,” jei chupe reta.

San Juan 7:17

“Erëi pe reta, ¿këraita ra pikuaa jokua che aporomboe wae ou ra ko chewiño ani ou ra Tumpa wi? Che tae pewe, tenonde imeta ko piñeñono piyapo rani waerä Tumpa jei wae rupi. Jayawe ramo pikuaata che aporomboe wae ou ko Tumpa wi wae,” jei.

San Juan 8:36

“Jare tëta iya taɨ onoita mbaepuere ombopoika waerä uyeyokui wae reta. Jayawe che Tumpa Taɨrä aiko wae pombopoika yawe, añetete piyembopoikata ko,” jei Jesús chupe reta.

Romanos 6:22

Erëi añawe, ime yawe jokua kɨrëɨ mbae kachi piyapo waerä wae, jokua kɨrëɨ ndarau ye ma onoi mbaepuere peré. Ndarau ma piko jokua kɨrëɨ pe täta rupi piyeyokui waerä, echa’ä Tumpa peyora ma ko chuwi jare añawe täta rupi piyeyokui peï Tumpa pe. Jare jokua ikawita oï pewe, echa’ä opa ara rupi jekuaeño pereko oya katu oo oï jupi wae re. Jare jae nunga wi perekowe opa yawe kua ɨwɨ pe, imeta penoi tekowe opa mbae wae.

Romanos 8:15

Jayawe mbaetɨ ko ikawi yakɨye waerä Tumpa wi kërái pione reta ukɨye ipatrón wi rami. Echa’ä Espíritu Santo Tumpa umee yandewe wae yandapo’ä oï yakɨye chuwi waerä. Echa’ä Espíritu Santo yandapo ko Tumpa taɨrä yaiko waerä. Jáeramo añawe yandepuere yae Tumpa pe: “CheRu.”

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 7:22

Echa’ä yepe tëi kía pëti pione ko, erëi yandeYa ueni yawe iko waerä jae imaerä, jokua pione uyenduta oï yandeYa uepɨ rami ma ko. Jae ramiño wi yepe tëi kía jae’ä ko pionerä iko wae, erëi yandeYa ueni yawe iko waerä jae imaerä, jae ma ko Cristo pe täta rupi uyeyokui wae.

Gálatas 5:1

YandeYa Cristo yandeyora ma añetete rewe. Jare jae uipota yande yapɨta waerä jekuaeño uyeyora wae reta rami. Jáeramo awɨye pemaeño piyé piko ye waerä Moisés arakae uikuatía wae rupi kía täta uyeyokui wae rami.

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

2 Timoteo 3:7

Jae reta jekuaeño uipota uyandu yemboe ipɨau wae ipotawe kía wi ou wae, erëi ipuere’ä uepitɨ reta añetete wae.

Santiago 1:25

Erëi jukuärai’ä ko kía uyapɨsaka kawi yawe Tumpa iñee re, jare uyapo yawe iñakañɨ mbae rewe jokua ñee jei wae rupi. Echa’ä opaete jae uyapo wae rupi uyekoueteta oï kuri. Echa’ä Tumpa iñee jupi ko jare yandeyora.

Santiago 2:12

Tumpa uikuaaka ma yandewe kërái yaiko waerä, jare jokua yandeyora wae echa rami ko. Jáeramo piko kawi jae jei wae rupi opaete mbae piyapo wae rupi jare pere wae rupi wi. Echa’ä pëti ara yande yayemboɨta ñaï Tumpa jowai, jare uyekuaata oï yayapo ra yapuruau rewe jae jei wae rupi.

1 Pedro 2:16

Tumpa peyora ma ko pereko kachi wae wi. Añawe pe reta ko jae Tumpa pe piyeyokui wae reta. Jáeramo piko mii jukuärái. Awɨye pere peyupe kuärái: “Tumpa cheyora ma. Jáeramo chepuere ayapo mbae kachi wae chepɨawiwe rewe.” Awɨye pere jokua.

2 Juan 1:1

Nde cherindɨ mii Tumpa ndeparawo wae, che ko jae Cristo re wɨrowia wae reta itenondewa. Kua tupapire aikuatía aï ndewe jare nemembɨ reta pe wi. Che puauete ko añetete rewe. Erëi cheño’ä ko puau aï. Jae nunga perau wi opaete ñee añetete wae uikuaa wae reta.