San Juan 8:31 - Biblia

³¹ Jayawe Jesús jei jokua wɨrowia jese wae reta pe: “Pe reta jekuaeño piyapo yawe jokua che pomboe wae re, jayawe añetete rewe pikota cheremimboe retarä.

Guaraní Pe (Western): Simba

³¹ Jayave Jesús jei jocua judío güɨrovia jese vae reta pe: —Jecuaeño piyapo yave che jae peve piyapo vaerã vae, picota co cheremimboe retarã añetete vae.

San Juan 8:31 Iomraidhean Croise

San Mateo 24:13

“Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei.

San Juan 1:47

Jayawe Jesús uecha Natanael ou oï ikotɨ yawe, jei: “Mase, ko ou pëti kuimbae Israel pewa ikawi wae, upurumbɨtawɨ'ä etei wae,” jei.

San Juan 2:2

Jare uparea reta wi Jesús jare jemimboe reta pe.

San Juan 8:36

“Jare tëta iya taɨ onoita mbaepuere ombopoika waerä uyeyokui wae reta. Jayawe che Tumpa Taɨrä aiko wae pombopoika yawe, añetete piyembopoikata ko,” jei Jesús chupe reta.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

Hechos 26:22

Erëi Tumpa cherepɨ chuwi reta ramo, imeño aiko kua ara rewa. Jare jekuaeño amɨmbeu aï kua mbaembae opaete wae reta pe, iparawete wae reta wiwe jare mburuwicha reta pe awe,” jei. “Jokua mbaembae Moisés jare ïru kuimbae Tumpa iñee arakae umɨmbeu wae reta jei uyeyapota iko wae re, jokua reño ko che amɨmbeu wi.

Romanos 11:22

Añawe aipota pe reta pepɨa pe piyemɨngeta waerä mokui mbae re. Pëti ko jae Tumpa uiporaraka jokua judío reta pe jae reta wɨrɨ̈ro Jesucristo ramo. Erëi ïru wae ko jae kua: Jae uechaka oï ipɨakawi pe judío mbae piko wae reta pe. Erëitu pe reta mbaetɨ yawe jekuaeño piyeko jae ipɨakawi re, pikota ɨwɨra jäka kía uyasɨa omombo wae rami.

Romanos 2:7

Echa’ä amokue wae reta ikɨrëɨete uyembutuichaka Tumpa pe. Jare uipota yureko reta jaeño mái pewa Tumpa ndiwe. Jáeramo jae reta uyapo ikawi wae. Jare Tumpa umeeta chupe reta tekowe opa mbae wae.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

1 Timoteo 2:15

Erëi kuña reta ipuereta uyerepɨka pëti kuña imembɨ rupi - jae ko Cristo. Jayawe kuña reta jekuaeño torowia reta jese, jare tupuruau reta, jare tuñeñono tee reta Tumpa pewarä, jare toyopia iyuwi reta jete uipota wae.

1 Timoteo 4:16

Jare iyandareko kawi ndiyé ndiko kawi waerä jare ndeporomboe kawi waerä. Jekuaeño iñemɨatangätu kua mbaembae re. Echa’ä jukuärái ndiyapo yawe, Tumpa uepɨta jokua nderé uyapɨsaka wae reta kërái jae nderepɨta oï wae rami.

2 Timoteo 3:14

Erëi nde, jekuaeño erowia yemboe añetete wae ndiyemboe ma jese wae re. Nde ndikuaa neï jokua yemboe añetete wae ko, echa’ä ndikuaa kawi neï nde nemboea reta jae ko nderowia katu jese wae reta.

Hebreos 3:14

Yanemandúa kawi ñaï kërái yarowia katu Cristo re jaeramo yarowia jese yawe. Jukuärái wi jekuaeño yarowia katu jese ara taɨkuewa uwäe rewa. Echa’ä jukuärái yayapo yawe, uyekuaata añetete ñanoi ma ko tekowe Cristo ndiwe.

Hebreos 8:9

Kua mbaetɨta ko jokua yemɨngeta ayapo tamɨkue reta ndiwe wae rami, jokua ara che opa anoe aru reta yawe ɨwɨ Egipto wi. Echa’ä jae reta uyapo’ä jokua upɨta tëi uyapo reta waerä wae. Jáeramo che opa aeya reta.

Santiago 1:25

Erëi jukuärai’ä ko kía uyapɨsaka kawi yawe Tumpa iñee re, jare uyapo yawe iñakañɨ mbae rewe jokua ñee jei wae rupi. Echa’ä opaete jae uyapo wae rupi uyekoueteta oï kuri. Echa’ä Tumpa iñee jupi ko jare yandeyora.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.

1 Juan 2:24

Jáeramo jekuaeño tupɨta pepɨa pe jokua iyɨpɨ wiwe piyemboe jese wae. Jare jukuärái yawe, jekuae ñotái ko piñemɨïru kawi Tumpa Taɨ ndiwe jare yandeRu Tumpa ndiwe etei wi.

2 Juan 1:9

Ipotawe kía ueya yawe Cristo oporomboe wae iko waerä ambɨe yemboe rupi wae, kua nunga reta mbaetɨ etei onoi Tumpa. Erëi kía jekuaeño iko yawe Cristo oporomboe wae rupi, yandeRu Tumpa jare Tumpa Taɨ mokui rewe ñonoï jae ndiwe.