San Juan 8:22 - Biblia

²² Jayawe judío itenondewa reta jei iyupe: “¿Uyeyukata ra oï? Aramoi jokua jeko pewa jei yandewe, ‘Ndarau pepuere peo che ata aï wae pe,’ jei.” Jukuärái jei tëi iyupe reta.

Guaraní Pe (Western): Simba

²² —¿Uyeyucata ra? —jei judío reta—. Echa'ã jei ma: ‘Pe reta ndarau pepuere peo che aata vae pe.’

San Juan 8:22 Iomraidhean Croise

Salmo 22:6

Umae ñonoï reta cheré cherekowe jepɨ'ä ko taso rami, mbaetɨ ko kuimbae rami. Opaete wae cheamɨtäa reta jare chererɨ̈ro reta.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 10:20

Jeta jae reta jei iyupe: “Aña uyembɨiya ma jese. Imbɨkere ma kua oï. ¿Maera ra yayapɨsaka yeta jese?” jei reta.

San Juan 7:20

Jayawe jeta joko pe uyembatɨ ñonoï wae reta jei: “¡Aña nemɨmbɨkere oï! ¿Kía pa uipota ndeyuka oï?” jei reta.

San Juan 7:35

Jayawe judío itenondewa reta jei iyupe: “¿Ketɨ ra oota kua kuimbae yande awɨye waerä ñawäe chupe? ¿Oota ra aramoi ambɨe ɨwɨ rupi kerupi rupi ñanerëtara reta ñonoï wae rupi? ¿Oota ra oï jokotɨ omboe waerä judío mbae wae reta wi?

San Juan 8:48

Jayawe judío itenondewa reta jei chupe: “¡Añetete yepe! ¡Samaria pewa pochɨ ko nde, jare aña uyembɨiya ma nderé!” jei reta chupe.

San Juan 8:52

Jayawe judío itenondewa reta jei Jesús pe: “¡Añawe ore nduikuaa kawi ma noï aña uyembɨiya ma nderé! Echa’ä Abraham jare ïru kuimbae reta Tumpa iñee arakae umɨmbeu wae, yepe tëi jae reta uyapo kawi Tumpa jei wae, jesewe opa umano reta. Jáeramo añawe, ¿këraita pa nde ndere neï orewe, ‘Kía uyapo chiñee wae ndarau umano’?” jei reta chupe.

Hebreos 12:3

Pemandúa Jesús re kërái jae urupɨa jeko kachi wae reta pe jae reta uyembowaicho jae ndiwe yawe. Pepɨa pe piyemɨngeta kawi jokua re awɨye waerä pekueri jare awɨye waerä peresawɨrɨ rami Tumpa kotɨ.

Hebreos 13:13

Jáeramo yepe tëi jeta ñanerëtara judío reta opa wɨrɨ̈ro Jesucristo, erëitu yande reta yaya mii jese. Jare Jesucristo re yaya ramo, ñanerɨ̈rota reta wi. Aramoi yanemombota iyuwi reta. Erëitu ñamaeño jese reta.