San Juan 8:20 - Biblia

²⁰ Jesús kua jei tupao wasu joka pe korepoti Tumpa pewarä uñemee wae jɨru iyɨpɨ pe. Erëi yepe tëi jowaicho reta jowai iko, erëi jowaicho reta ndei uipɨsɨ, echa’ä ndei uwäe ara Tumpa uiparawo wae Jesús uyepɨsɨka waerä.

Guaraní Pe (Western): Simba

²⁰ Cua jei Jesús Tumpa jo pe corepoti Tumpa pegua jɨru reta ñugüɨnoi vae pe. Echa'ã joco pe oporomboe. Ẽrei uipɨsɨ'ã quía. Echa'ã ndei uvãe uyepɨsɨ vaerã.

San Juan 8:20 Iomraidhean Croise

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

San Mateo 27:6

Jayawe sacerdote itenondewa reta omonoo jokua korepoti jare jei: “Kua korepoti mano jepɨ ko. Jáeramo jupi’ä etei ko ñañono waerä korepoti jɨru pe tupao wasu pewarä. Jukuärái Moisés arakae uikuatía,” jei reta.

Marcos 12:41

Jare kaaru katu ma yawe, Jesús uwapɨ iko tupao wasu joka pe, korepoti Tumpa pewarä uñemee wae jɨru jowai. Jare uecha jeta yuweru wae reta oñono ñonoï korepoti jɨru pe. Jeta jae reta ikokatu wae reta ko, jare oñono reta jeta korepoti jɨru pe.

Marcos 12:43

Jayawe Jesús ueni jemimboe reta jare jei chupe reta: “Che tae pewe añetete wae, pea kuña iparawete mii wae ime umano wae umee jetaete ye ïru wae reta wi Tumpa jowai,” jei.

San Lucas 20:19

Jayawe jokua sacerdote itenondewa reta jare Moisés uikuatía wae re oporomboe wae reta uikuaa kawi Jesús jei iko chupe reta wae – jae reta ko jokua uvarupa uiporu wae reta rami, echa’ä wɨrɨ̈ro reta Jesús. Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä uipɨsɨka reta yawe, aramoi jokua uyembatɨ wae reta uyembopochɨta ikotɨ.

San Lucas 21:1

Jare Jesús tupao wasu joka pe iko yawe, uecha ikokatu wae reta oñono ñonoï ikorepoti korepoti jɨru pe. Kua korepoti jɨru ko oï kiape oñono reta waerä korepoti Tumpa pewarä.

San Juan 10:39

Jayawe jokua judío itenondewa reta uipota ye tëi uipɨsɨ Jesús, erëi jae ukañɨ chuwi reta.

San Juan 2:4

Jayawe Jesús jei ichɨ pe: “Chesɨ mii, kua jae’ä ko mbae re yayembɨpɨa’ä jese waerä. Ndei wɨteño ko uwäe ara ayapo waerä cheparawɨkɨ,” jei chupe.

San Juan 7:14

Jare tabernáculos iara reta mbɨte ma uasa yawe, Jesús uike tupao wasu joka pe jare joko pe umbɨpɨ oporomboe.

San Juan 7:30

Jáeramo kua uyandu reta yawe, amokue wae reta uipota tëi uipɨsɨ Jesús. Erëi mbaetɨ kiawe ipuere uipɨsɨ, echa’ä ndei uwäe iko ara jae uyepɨsɨka waerä.

San Juan 7:44

Jare amokue wae uipota tëi uipɨsɨ Jesús, erëi kiawe uipɨsɨ'ä.

San Juan 7:8

“Pekua, pe reta, pembɨasa waerä tabernáculos iara reta. Che ata’ä rani, echa’ä ndei ara uwäe che a waerä joko pe.” Jukuärái Jesús jei tɨwɨ reta pe.

San Juan 8:2

Jare pɨarewe pe ndimboweasɨ jae oo ye tupao wasu joka pe. Jayawe jeta wae reta yuweru ikotɨ, jare jae uwapɨ jare umbɨpɨ omboe reta.

San Juan 8:59

Jare kua uyandu reta yawe, opaete wae reta pëti pëti wae upi ita uyapi uyuka waerä tëi Jesús. Erëitu jae ukañɨ chuwi reta jare oë oo tupao wasu wi jae reta ipɨte wi etei.