San Juan 8:2 - Biblia

² Jare pɨarewe pe ndimboweasɨ jae oo ye tupao wasu joka pe. Jayawe jeta wae reta yuweru ikotɨ, jare jae uwapɨ jare umbɨpɨ omboe reta.

Guaraní Pe (Western): Simba

² Pɨareve pe neimbove asɨ Jesús oo ye Tumpa jo pe. Jayave jeta vae yugüeru jae oĩ vae pe, jare jae uguapɨ omboe reta oĩ.

San Juan 8:2 Iomraidhean Croise

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

San Lucas 21:37

Jare opa ara rupi Jesús oporomboe tupao wasu joka pe. Jare opa pɨ̈tu rupi oë oo upɨta waerä ñaipe Olivorenda jee wae re.

San Lucas 21:38

Jare opa ndimboweasɨ rupi opaete tëta wasu pewa reta yuraa tupao wasu joka pe uyapɨsaka waerä Jesús iñee re.

San Lucas 4:20

Jayawe Jesús umbapúa ye tupapire, jare umee ye tupapire iyandarekoa pe, jare uwapɨ ye. Jare opaete tupao pe ñonoï wae reta umae ngatu jese.

San Lucas 5:3

Jayawe Jesús uyupi Simón ichalana pe, jare ueka Simón pe uruike waerä ɨ pe ɨ jembeɨ pe seri. Jayawe Jesús uwapɨ chalana pe jare japɨpe wi omboe joko pe ñonoï wae reta.

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

San Juan 8:20

Jesús kua jei tupao wasu joka pe korepoti Tumpa pewarä uñemee wae jɨru iyɨpɨ pe. Erëi yepe tëi jowaicho reta jowai iko, erëi jowaicho reta ndei uipɨsɨ, echa’ä ndei uwäe ara Tumpa uiparawo wae Jesús uyepɨsɨka waerä.

San Juan 8:3

Jayawe Moisés uikuatía wae re oporomboe wae reta jare fariseo reta ueru pëti kuña umbɨyemboɨ oñono mbɨte pe. Jae ko pëti kuña uyepokouka awasa uyapo iko wae.

Hechos 5:21

Jayawe pɨarewe ndimboweasɨ Jesús jemimboe tenondewaete reta yuraa ye uike tupao wasu joka pe. Jare umbɨpɨ oporomboe ye reta kërái araɨwa jei chupe reta wae rupi. Jayawe jokua rambuewe, sacerdote tenondewaete jare jae ndiwe yureko wae reta ueni judío itenondewa reta uyembatɨ reta waerä Jesús jemimboe tenondewaete reta kotɨ. Jae reta uikuaa’ä yureko Tumpa onoe ma reta peresorɨru wi. Jayawe omondo sɨndaro reta ueruruka waerä tëi peresorɨru wi Jesús jemimboe tenondewaete reta.