San Juan 8:17 - Biblia

¹⁷ “Pe reta imeta tëi ko chererowia, echa’ä pereko rupi etei mokui wae jei yawe mbae oyowakeño, perowiata ko iñee re,” jei chupe reta.

Guaraní Pe (Western): Simba

¹⁷ Peporoyocui pe uyecuatía oĩ cuarãi: ‘Mocui jei vae oyovaque yave, peroviata co.’ Jucuarãi uyecuatía oĩ —jei—.

San Juan 8:17 Iomraidhean Croise

San Mateo 18:16

“Erëi jae uipota’ä yawe uyapɨsaka nderé, jayawe ekua jare eru nde ndiwe pëti wae ani mokui wae, jare ikuaaka ye chupe jeko rewa. Jukuärái iyapo jae reta uikuaa waerä mbae ra piyemɨngeta wae, jare opaete wae uikuaa waerä añetete wae ko nde ndere wae,” jei.

San Juan 10:34

Jayawe Jesús jei chupe reta: “Pe reta etei ime penoi Tumpa iñeerɨru, jare joko pe uyekuatía oï kuärái: ‘Che jae pe reta ko jae tumpa reta.’ Jukuärái uyekuatía oï.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

2 Corintios 13:1

Mokui wese ma a apou pepɨ. Jare añawe ata apou ye aï pepɨ. Kua re mbapɨ wese ma. Pikuaa kawi peï taɨkue rupi apou aiko pepɨ yawe, che jae jokua teko kachi rupi yureko wae reta pe: “Che ayu ye yawe, aiporarakata aï pewe peya’ä yawe pereko kachi. Jare jukuärái ayapota aï ipotawe wae pe ueya’ä yawe jeko kachi,” jae chupe reta. Jare añawe, yepe tëi aï'ä pe reta ndiwe joko pe, erëi pumɨmandúa aï jokua re kua aikuatía aï pewe wae rupi. Echa’ä Tumpa iñeerɨru pe jei yandewe kuärái: “Ime yawe kía teko uyapo wae, imeta ko imiäri jese mokui ani mbapɨ wae uikuaa kawi jokua teko wae, jukuärái yaikuaa waerä añetete ra.” Jukuärái jei.

Gálatas 3:24

Añetete, Tumpa arakae uikuaaka Moisés pe kërái nduiko kawi waerä, awɨye waerä nduiko ore ndoe wae rupiño. Jare Moisés uikuatía wae rupi nduiko rambuewe, jokua uyandareko iko oreré Cristo ou rewa. Erëi añawe Cristo ou ma ko. Jare ore ndorowia ma jese wae reta, Tumpa umae oreré orereko mbae wae rami. Jáeramo mbaetɨ ma ñaï Moisés uikuatía wae imbaepuere pe.

Gálatas 4:21

Pe Moisés arakae uikuatía wae rupi pipota piko wae reta, ikawi ko piyemɨngeta waerä pepɨa pe Moisés uikuatía wae re.

Hebreos 10:28

Arakae rupi kía nunga wae yanderamɨkue reta wɨrɨ̈ro yawe Moisés uikuatía wae, jare ime mokui ani mbapɨ añetete uecha wae reta yawe, jae imeta ko umano kiawe uiparareko mbae rewe.

1 Juan 5:9

Jare yandepuerete yarowia kua ñee re, echa’ä Tumpa wi etei ko ou jare uikuaaka yandewe jae Taɨ re etei. Ou’ä ko ipotawe kuimbae wi.