San Juan 8:15 - Biblia

¹⁵ Pe reta pepurumbɨjeko kua ɨwɨ jeko rupiño. Erëi che ayu’ä ko ayapo waerä jukuärái.

Guaraní Pe (Western): Simba

¹⁵ Pe reta pepuruãa opaete ɨvɨ pegua reta upuruãa rami. Che aãa'ã quía —jei—.

San Juan 8:15 Iomraidhean Croise

San Lucas 12:14

Jayawe Jesús jei chupe: “Tëtara, che ayu’ä ko jokua nunga mbarawɨkɨ ayapo waerä,” jei chupe.

San Juan 12:47

“Erëi ime yawe kía chiñee uyandu wae, erëi jae uyapo’ä yawe che jae wae rupi, jae onoita teko Tumpa jowai. Erëi che’ä ko ambɨjekota aï, echa’ä che jokuaerä'ä ko ayu. Ayu ko aepɨ waerä ɨwɨ pewa reta teko onoi wae wi,” jei.

San Juan 18:36

Jayawe Jesús jei chupe: “Chembaepuere mburuwicha pewa ou’ä ko kua ɨwɨ pewa reta wi,” jei. “Jukuärái yawe moná, uyeyokui chewe wae reta uñerärota tëi awɨye waerä chepɨsɨ judío itenondewa reta. Erëi chembaepuere mburuwicha pewa ou ikotɨ̈a wi. Jae’ä ko kua ɨwɨ pewa,” jei chupe.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

San Juan 7:24

“Awɨye pepurumbɨjeko wɨrae kërái mbae pecha wae rupiño. Pikuaa kawi ranita ko pepurumbɨjeko waerä,” jei Jesús chupe reta.

San Juan 8:11

Jayawe kuña jei: “Mbaetɨ ma kiawe,” jei parawete. Jayawe Jesús jei chupe: “Che jae nunga wi numbɨjeko’ä. Ekua jare awɨye iñatima ye ndereko kachi pe,” jei chupe.

Romanos 2:1

Aramoi imeta kía ipuere jei yandewe jupi ko Tumpa uiporaraka waerä jokua jeko kachi wae reta pe. Erëi che tae jukuärái uyemɨngeta wae pe kuärái: Nde ndere yawe jukuärái, ndiyembɨjeko ma ko neï wi, echa’ä nde ndiyapo wi ko jokua nunga etei teko ikawi mbae wae. Jáeramo jupi ko Tumpa uiporaraka waerä ndewe wi, ipotawe wae rami ko nde wi.

1 Corintios 2:15

Jare jokua Espíritu Santo onoi wae reta ipuere uikuaa kawi ipotawe mbaembae rewa, jare ipuere jei reta ikawi oï ani ikawi’ä oï wae. Erëi ïru wae reta ndarau ipuere uyapo jukuärái. Jae reta ndaraúi ipuere ikawi umae Cristo re wɨrowia wae reta ipɨayemɨngeta re ikawi ra ani ikawi’ä ra wae.

2 Corintios 5:16

Jáeramo añawe wiwe ndarau ye ma numae kía re awe ipotawe kía kua ɨwɨ pewa japicha re umae wae rami. Jukuärái wi numaese Cristo re. Erëi añawe mbaetɨ ye ma jukuärái nduyapo.

Santiago 2:4

Erëi jukuärái piyapo yawe, mbaetɨ ko ikawi piyapo peï. Echa’ä pe reta mbaetɨ ko oyowake pemae peï perapicha re. Añetete ko pemae peï perapicha re pepɨa ikawi mbae rewe.

1 Samuel 16:7

Erëi Tumpa jei Samuel pe: “Awɨye emae imaepöra wae re ani ipuku wae re, echa’ä che arɨ̈ro ma Eliab. Che amae’ä ɨwɨ pewa reta umae wae rami. Opaete wae umae jae reta jowai oï wae reño, erëi che amae ipɨa re,” jei chupe.