San Juan 8:14 - Biblia

¹⁴ Jayawe Jesús jei chupe reta: “Jukuärái tëi ko. Erëitu kua che jae chiyé wae añetete ko, echa’ä che aikuaa ko ketɨ wi ayu wae jare ketɨ a wae. Erëi pe reta pikuaa’ä jokua rewa. Jáeramo pepuere’ä pere chewe: ‘Nde ndere neï wae mbae’ä ko.’

Guaraní Pe (Western): Simba

¹⁴ —Amɨmbeu ma peve vae pepuere perovia, yepe tẽi chemiari peve chiyee —jei Jesús—. Echa'ã che aicuaa co quetɨ güi ayu jare quetɨ aa vae. Ẽrei pe reta picuaa'ã quetɨ güi ayu jare quetɨ aa vae.

San Juan 8:14 Iomraidhean Croise

San Juan 10:15

Kërái cheRu chekuaa kawi jare che aikuaa kawi wi cheRu, jukuärái wi cheowecha reta ndiwe nduyekuaa kawi. Jare che ameeta ko cherekowe cheowecha reta re aepɨ reta waerä,” jei Jesús chupe reta.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 13:3

Erëi Jesús uikuaa kawi Tu umee ma chupe mbaepuere opaete mbaembae re. Jare uikuaa wi jae Tumpa wi ou wae, jare uikuaa wi oo yeta ma oï Tumpa pe wae.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 16:28

“CheRu wi etei ko ayu kua ɨwɨ pe. Jare añawe a yeta ma aï kua ɨwɨ wi cheRu oï wae pe,” jei Jesús chupe reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 5:31

“Jare mbaetɨ ko cheño ayembeu aï kuärái. Echa’ä jukuärái yawe, pepuereta tëi pere: “¿Këraita ra yaikuaa jae uyemɨngeta wae añetete ko?’

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

2 Corintios 11:31

Tumpa uikuaa chapu’ä etei aï wae. Jae ko yandeYa Jesucristo Tu, jare jae jee tuyembutuichaka jaeño mái pewa.

2 Corintios 12:11

Kua chemiäri ayembutuicha rewe wae rupi ayeyapo ma pëti iyarakuaa mbae wae rami. Erëi pe reta ime penoi teko. Echa’ä pe reta pemiäri kawita tëi ko ïru wae reta pe che rewa. Aramoi che parawete mbae’ä ko, erëi jokua Cristo omondo wae tenondewaete reta pere chupe wae, jae reta mbae pe awe chapɨraa’ä.

2 Corintios 12:19

Aramoi perowia peï nduyerepɨ waeräño ko numɨmbeu noï pewe kua mbaembae. Erëi jukuärai’ä ko. Tumpa jowake ko numɨmbeu noï pewe, ore pëti ramiño noï Cristo re wae reta. Mase cheïru puau wae reta, opaete nduyapo wae, nduyapo ko pe reta pepɨräta waerä Tumpa re.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.