San Juan 7:39 - Biblia

³⁹ Jesús kua jei yawe, uyemɨngeta iko umbɨjaanga rewe Espíritu Santo re – jae ko Tumpa umeeta iko opaete kía kía Jesús re wɨrowia wae reta pe wae. Jukuärái Jesús jei yawe, ndeiño uñemee chupe reta Espíritu Santo, echa’ä Jesús ndeiño oo ye ara pe ramo.

Guaraní Pe (Western): Simba

³⁹ Jucuarãi uyemɨngueta Jesús Espíritu Santo re. Uipota jei umeeta Espíritu Santo güɨrovia jese vae reta pe. Echa'ã ndei umee Espíritu Santo. Echa'ã Jesús ndei oo ye ara pe.

San Juan 7:39 Iomraidhean Croise

San Mateo 16:14

Jayawe jae reta jei chupe: “Amokue wae jei nde ko jae Juan upurumbɨsakambuse wae. Jare ïru wae reta jei nde ko jae Tumpa iñee arakae umɨmbeu wae Elías. Jare ïru wae reta jei nde ko jae Jeremías, ani ambɨe kuimbae Tumpa iñee arakae umɨmbeu wae ikowe ye wae,” jei reta.

San Mateo 21:11

Jare jokua jeta wae reta yuweru Jesús ndiwe wae reta jei chupe reta: “Kua ko jae Jesús tëta wasu Nazaret pewa, ɨwɨ Galilea pe oï wae. Tumpa ombou umɨmbeu waerä ñee chuwi etei ou wae,” jei reta.

San Lucas 24:49

Erëi imeta mbae rani uyeyapo pewe,” jei chupe reta. “Mase, che ambouta aï pewe Espíritu Santo cheRu jei umeeta oï pewe wae. Jae outa ara wi pemɨmbaepuere waerä. Erëi pepɨtata ko kua tëta wasu Jerusalén pe jokua mbaepuere penoi rewa.” Jukuärái Jesús jei jemimboe reta pe.

San Lucas 3:16

Jáeramo Juan jei chupe reta: “Che pumbɨsakambuño aï ɨ pe. Erëi outa pëti wae imbaepuerete chewi wae. Jare che jupi’ä etei ko ipɨpasa ïcha mii yepe ayora waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

San Lucas 7:16

Jayawe opaete wae ukɨye jare umbutuicha reta Tumpa jee jei rewe: “Tumpa iñee umɨmbeu wae imbaepuerete wae ou ma kua yandepɨte pe.” Jare jei reta wi: “Tumpa etei yanemborɨ oï, yande jae yandeparawo wae reta,” jei reta.

San Juan 1:21

Jayawe upɨrandu reta ye chupe: “Nde’ä ko jae Cristo yawe, jayawe ¿nde pa ko jae Elías arakae Tumpa iñee nemɨmbeuse wae ndiyekuaa ye ma kua ɨwɨ pe?” Jayawe Juan jei: “Jae’ä ko che.” “Jayawe ¿nde pa ko jae Tumpa iñee umɨmbeu wae Moisés arakae jei Tumpa ombouta iko wae?” jei reta chupe. “Jae’ä ko che,” jei chupe reta.

San Juan 1:25

Jare jae reta upɨrandu Juan pe: “Nde jae’ä ko yawe Cristo jare Elías jare Tumpa iñee umɨmbeu wae outa oï wae, jayawe ¿kía pa ko umee ndewe mbaepuere ndepurumbɨsakambu waerä ɨ pe?” jei reta chupe.

San Juan 12:16

Jokua ara Jesús jemimboe reta uikuaa kawi’ä yureko kua mbaembae rewa. Erëi Jesús oo ye ma ara pe yawe ramo jae reta imandúa uyekuatía yepe iko Tumpa iñeerɨru pe kua mbaembae reta uyeyapota iko wae.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 14:13

“Jayawe ipotawe mbae re pe reta piyerure yawe cheRu pe cheree re, che ayapota aï. Echa’ä jukuärái ayapota cheRu jee uyembutuichaka waerä.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 16:14

“Jare jokuaño’ä ko. Jae nunga wi Espíritu Santo uikuaakata oï pewe che aikuaaka chupe wae, jare jukuärái jae cheree umbutuichakata oï,” jei chupe reta.

San Juan 16:7

“Erëi che tae pewe añetete wae, ikawita ko pewe che a ye waerä. Echa’ä che a yewɨ'ä yawe, ndarau ou pewe jokua Oporomborɨ wae. Erëi a ye yawe, ambouta pewe ara wi,” jei chupe reta.

San Juan 17:1

Kua jei ma yawe, Jesús jowaɨwa ara kotɨ umae jare jei: “CheRu mii, uwäe ma ara che amano waerä,” jei. “Añawe kua mbae asata aï wae rupi, ikuaaka mii che ndeRaɨrä aiko wae cheree tuichaete ye ko wae. Jayawe chepuereta aikuaaka nderee tuichaete ye ko wi,” jei.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 20:22

Jare kua jei yawe, Jesús omondo ipütúe ikotɨ reta jei rewe: “Penoi Espíritu Santo,” jei chupe reta.

San Juan 6:14

Jukuärái Jesús uyapo mbae kiawe ipuere’ä uyapo wae uechaka waerä chupe reta Tumpa wi ou wae ko jae. Jare joko pe ñonoï wae reta kua uecha yawe, jei reta iyupe: “Kua kuimbae yepe jae Tumpa iñee umɨmbeu wae Moisés arakae jei Tumpa ombouta iko wae,” jei reta.

San Juan 7:12

Jare joko pe yuweru wae reta uyeaka wɨari jae yepái Jesús re. Amokue wae reta jei: “Kuimbae jeko kawi wae ko jae.” Jare ïru wae reta jei: “Mbaetɨ ko. Jae ko upurumbɨtawɨ wae,” jei reta.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

Hechos 19:2

Jare Pablo upɨrandu chupe reta: “¿Ou pa pepɨa pe Espíritu Santo perowia yawe yandeYa re?” jei. “Mbaetɨ,” jei reta. “Ore nduikuaa’ä etei ime iko Espíritu Santo wae,” jei reta chupe.

Hechos 2:17

‘Tumpa jei kuärái: ‘Kua ko ayapota aï ara taɨkuewa rupi: Ameeta cheEspíritu ipotawe kía chereka wae pe. Jayawe peraɨ reta jare perayɨ reta umɨmbeuta chiñee ïru wae reta pe. Jare aechakata mbaembae amokue kuimbae ukuakuaa wae reta pe ipau rupi. Jare amokue kuimbae taurusu wae reta pe aechakata mbaembae ambɨpau wae echa rami.

Hechos 2:33

“Añawe Tumpa wɨraa ma Jesús ara pe. Jare joko pe uwapɨ oï Tumpa iyakata kotɨ, jare Tumpa ndiwe Jesús ime onoi mbaepuere opaete wae re,” jei. “Tumpa jei umeeta iko Jesús pe ombou waerä Espíritu Santo, jare jukuärái añawe uyapo ma. Echa’ä Jesús etei ombou ma kua Espíritu Santo orewe. Jayawe kua pe reta añawe pecha jare piyandu peï wae Espíritu Santo imbaepuere etei ko,” jei chupe reta.

Hechos 2:38

Jayawe Pedro jei chupe reta: “Opaete pe reta piyawɨ ma Tumpa kotɨ jare jukuärái ime ma penoi teko ikotɨ. Jáeramo peya pepɨayemɨngeta kachi wae jare piyembɨsakambuka ɨ pe Jesucristo jee re. Jukuärái rupi pechakata ïru wae reta pe Tumpa umbái ma ko pewi jokua teko penoi wae. Jare Tumpa umeeta pewe Espíritu Santo,” jei chupe reta.

Hechos 2:4

Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

Hechos 4:31

Jayawe, opa ma uyerure reta yawe Tumpa pe, aramoiño umbɨpɨ uñemɨtɨmo chupe reta kiape uyembatɨ ñonoï wae pe. Jare opaete jae reta Espíritu Santo umɨmbaepuere reta. Jáeramo joko wiwe umɨmbeu reta Tumpa iñee ukɨye mbae rewe.

Romanos 8:9

Erëi añawe pe reta mbaetɨ ma piko jae reta rami. Mbaetɨ ma piko pe reta pere wae rupiño. Añawe Espíritu Santo uyembɨiya ma peré, echa’ä Tumpa iEspíritu oï pepɨa pe ramo. Jare ikawi ko yaikuaa waerä wi kua: mbaetɨ onoi Cristo iEspíritu wae Cristo pewa’ä ko.

2 Corintios 3:8

Erëi ¡ikawiete ye ye ko kua yemɨngeta ipɨau wae Espíritu Santo uyapo oï wae!

Efesios 4:30

Awɨye pembɨpɨatɨtɨ Espíritu Santo Tumpa umee pewe wae. Echa’ä Tumpa umee yandewe Espíritu Santo uikuaaka waerä yandewe jae umbɨepɨ ma ko yande yaiko waerä jae imaerä jaeño mái pewa. Jare Espíritu Santo ñanoi ramo, uikuaaka wi yandewe kërái ara taɨkuewa pe Tumpa opata yanderepɨ oï opaete mbae ikawi mbae wae wi.