San Juan 7:37 - Biblia

³⁷ Jayawe uwäe tabernáculos iara reta iyapɨ pe. Jokua ara ikawiete ïru ara reta wi chupe reta waerä. Jayawe Jesús uyemboɨ jare jei usapɨkai rewe: “Ime yawe kía iɨwe wae, tou chekotɨ tuyemɨngapɨɨ,” jei.

Guaraní Pe (Western): Simba

³⁷ Jocua ara fiesta opata ma yave icavi ete opaete ĩru fiesta iara güi. Jayave Jesús uyemboɨ jare iñeeãta reve jei: —Ime yave quía iúe vae, tou checotɨ ɨ tou —jei—.

San Juan 7:37 Iomraidhean Croise

San Mateo 11:28

Jayawe Jesús jei wi chupe reta: “Opaete pekueri ye ma pepɨatɨtɨ wae reta jare piyembɨpɨa’ä wae reta, peyu mii chekotɨ. Jare che pumbuputuuta,” jei chupe reta.

San Mateo 3:3

Kua Juan ko jae jokua uyekuatiaño mái iko Tumpa iñeerɨru pe jesewa wae. Echa’ä pëti kuimbae Tumpa iñee arakae umɨmbeu wae Isaías jee wae umɨmbeu mbaembae Juan uyapota iko wae rewa kuärái: “Jae oïta ɨwɨtini wasu rupi, jare jeta wae reta yuraata jae oï wae pe. Jare jae usapɨkai rewe jeita chupe reta kuärái: ‘Piyerowa jare piyeyapɨkatu yandeYa kotɨ, echa’ä koiñoete ma oï yandeYa iwäe ara,’ jeita.” Jukuärái jei arakae Isaías Juan rewa.

San Mateo 5:6

Jare uyekoueteta ñonoï wi opaete kía kía uipotaete iko Tumpa jowai jeko mbae wae reta. Echa’ä Tumpa umeeta chupe reta mbaepuere jukuärái yureko reta waerä.

San Juan 1:23

Jayawe Juan jei chupe reta: “Tumpa iñee arakae umɨmbeu wae Isaías uikuatía cheré kuärái: ‘Jae oïta ɨwɨtini wasu rupi, jare jeta wae reta yuraata jae oï wae pe. Jare jae usapɨkai rewe jeita chupe reta kuärái: ‘Piyerowa jare piyeyapɨkatu yandeYa kotɨ, echa’ä koiñoete ma oï iwäe ara,’ jeita chupe reta.’ Jukuärái Isaías arakae uikuatía cheré,” jei Juan chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 4:11

“¿Këraita ra jokua?” jei kuña. “Nde mbaetɨ nenoi mbae pɨpe nenoe waerä ɨ, jare kua ɨkua kɨpe oï. ¿Kiawi pa nde nderuta chewe jokua ɨ tekowe umee wae?

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 5:40

Erëi pe reta pipota’ä etei peyu chekotɨ penoi waerä tekowe opa mbae wae,” jei chupe reta.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

1 Corintios 10:21

Yau yawe copa wi mbae yandeYa juwɨ re uyembɨjaanga oï wae, jare jae nunga wi yau yawe mbae aña reta pewarä wi, jokua ikawi’äete ko Tumpa jowai. Jukuärái wi ko yau yawe mbɨyape yandeYa jete re uyembɨjaanga oï wae, jare yau yawe soo aña reta pewarä wi.

1 Corintios 11:25

Jae ramiño wi opa ma ukaru reta yawe, yandeYa uipɨsɨ copa jare jei chupe reta: “Kua ko uyembɨjaanga oï Tumpa uyapota ma oï wae re. Echa’ä cheruwɨ uyepɨyereta wae rupi jae uyapo oï pëti yemɨngeta ipɨau wae jese wɨrowia wae reta pewarä. Peu kua. Jare kua wiwe opa wese rupi kua yemɨmandúa piyapo yawe, piyapota ko piyemɨmandúa rewe cheré.” Jukuärái Jesús jei chupe reta.

1 Corintios 12:13

Echa’ä yepe tëi opaete yande reta ambɨe ye ye ko yandeyuwi, erëi Espíritu Santo yandapo ma pëti ramiño Cristo re. Yande ko jae Cristo jete pewa rami ipotawe kía ko yande wae. Ipuere ko yande judío ani judío mbae wae, jare uyeyokui wae ani uyeyokui mbae wae. Erëi opaete yande reta pëti ramiño ko ñaï Cristo re, jare yandepuere yayekou oyowake Espíritu Santo re yandepɨa pe oï wae rupi.

Efesios 5:18

Jare awɨye pekause, echa’ä jokua pereruwata kachi rupi. Espíritu Santo uipota pereruwata piko waerä jupi wae rupi. Jayawe piñemee chupe jae pemɨmbaepuere waerä.

Apocalipsis 21:6

“Añawe opaete mbaembae che jae wae opa ma uyeyapo,” jei. “Che ko jae Alfa jare Omega jee wae. Che ko jae iyɨpɨete wae jare iyapɨete wae. Ime yawe kía iɨwe wae, che ameeta chupe jou waerä ɨ tekowe umee wae ɨwororo wi oë wae jepɨ mbae,” jei.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.