San Juan 7:36 - Biblia

³⁶ ¿Mbae ra jokua uipota jei yandewe jae jei yawe, ‘Pe reta cherekata tëi, erëi ndarau ma chewäe, echa’ä ndarau pepuere peo che ata aï wae pe,’ jei yandewe?” jei reta.

Guaraní Pe (Western): Simba

³⁶ ¿Mbae ra uipota jei, jei yave cuarãi: ‘Cherecata co, ẽrei ndarau chevãe. Ndarau peo che aĩta vae pe?’ —jei reta.

San Juan 7:36 Iomraidhean Croise

San Juan 12:34

Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

San Juan 13:33

“Mase cherɨwɨ mii reta, michi pewaño ma aïta pe reta ndiwe. Koiñoete ma ou oï ara pe reta chereka tëi waerä. Erëi pe reta pepuere’ä peo parawete che ata aï wae pe. Jukuärái che jae judío itenondewa reta pe wi, jare añawe jukuäraiete wi che jae aï pewe,” jei chupe reta.

San Juan 3:4

Jayawe Nicodemo jei: “Ndarau kía ipuere uyapo jukuärái. Yandepuere’ä etei yaa pɨau ye yakuakuaa ma yawe. ¿Këraita pa yandepuere yaike ye yandesɨ jɨe pe yaa pɨau ye waerä?” jei chupe.

San Juan 3:9

Nicodemo jekuaeño uikuaa kawi’ä jare jei Jesús pe: “¿Këraita ra uyeyapo jokua?” jei chupe.

San Juan 6:41

Jayawe judío itenondewa reta umbɨpɨ uyemɨngetangeta wɨari Jesús kotɨ. Echa’ä chupe reta pewarä ikawi’ä Jesús jei yawe: “Che ko jae mbɨyape ara wi ayu wae.”

San Juan 6:52

Jayawe judío reta umbɨpɨ täta rupi uyeaka jae yepái Jesús jei wae re. “¿Këraita pa kua kuimbae umee yandewe jete yau waerä?” jei reta iyupe.

San Juan 6:60

Kua uyandu reta yawe, jeta Jesús ndiwe uwata wae reta jei iyupe: “Kua jae jei wae yawaiete ko. ¿Kía ra jayawe ipuereta wɨrowia jese?” jei reta.

San Juan 7:34

Jare pe reta cherekata tëi, erëi ndarau ma chewäe, echa’ä ndarau pepuere peo che ata aï wae pe,” jei chupe reta.

San Juan 8:21

Jare Jesús jei wi chupe reta: “Che a yeta aï pewi. Jare pe reta cherekata tëi. Erëi ndarau pepuere peo che ata aï wae pe, jare opata pemano peï teko penoi Tumpa kotɨ wae uyembái mbae rewe,” jei chupe reta.

1 Corintios 2:14

Erëi Cristo re wɨrowia mbae wae reta mbaetɨ onoi Espíritu Santo. Jáeramo wɨrɨ̈ro reta mbaembae Tumpa iEspíritu uikuaaka wae, echa’ä jokua mbae’ä ko chupe reta. Jare jae nunga wi ipuere’äwe uikuaa kawi reta jokua mbaembae, echa’ä jaeño Espíritu Santo onoi wae reta ipuere uikuaa jokua mbaembae rewa.