San Juan 7:35 - Biblia

³⁵ Jayawe judío itenondewa reta jei iyupe: “¿Ketɨ ra oota kua kuimbae yande awɨye waerä ñawäe chupe? ¿Oota ra aramoi ambɨe ɨwɨ rupi kerupi rupi ñanerëtara reta ñonoï wae rupi? ¿Oota ra oï jokotɨ omboe waerä judío mbae wae reta wi?

Guaraní Pe (Western): Simba

³⁵ Jayave judío reta jei uyupe: —¿Quetɨ ra oota cua cuimbae agüɨye vaerã ñavãe chupe? Oota ndipo judío reta judío mbae vae reta ipɨte rupi uñemɨai vae pe. Omboeta ndipo judío mbae vae reta.

San Juan 7:35 Iomraidhean Croise

San Mateo 12:21

Jare jeta judío mbae wae reta wi wɨrowiata jese.” Jukuärái jei arakae Tumpa Upuruepɨ wae rewa.

San Lucas 2:32

Jae ikota pëti tembipe rami judío mbae wae reta pe, echa’ä jae ndekuaakata oï chupe reta. Jare jae orembutuichata oï, ore Israel pewa nduiko wae reta, echa’ä ore ko jae nde oreparawo wae reta.” Jukuärái jei Simeón.

San Juan 12:20

Jare Jerusalén pe ñonoï wae reta ipɨte pe iko amokue griego reta. Jae reta ko judío mbae wae reta jare yuweru ma kua pascua pe umbutuicha reta waerä Tumpa jee.

San Juan 7:1

Kua jaɨkue rupi Jesús jare jemimboe reta ndiwe yuraa tëta wasu reta rupi ɨwɨ Galilea pe. Jesús uipota’ä oo ɨwɨ Judea pe, echa’ä joko pe uipota judío itenondewa reta uyukaka ramo.

San Juan 8:22

Jayawe judío itenondewa reta jei iyupe: “¿Uyeyukata ra oï? Aramoi jokua jeko pewa jei yandewe, ‘Ndarau pepuere peo che ata aï wae pe,’ jei.” Jukuärái jei tëi iyupe reta.

Hechos 11:18

Jayawe Pedro jei wae uyandu reta yawe, jokua Pedro pe umbɨeta wae reta kïi ngatu upɨta reta. Jare umbɨpɨ umbutuicha reta Tumpa jee jei rewe: “Mase, añawe Tumpa umee ma yepe oï judío mbae wae reta pe wi ipuere waerä ueya ipɨayemɨngeta jupi mbae wae Tumpa rewa. Jukuärái jae reta wi ipuere onoi tekowe opa mbae wae,” jei reta.

Hechos 11:20

Erëitu amokue jokua hermano reta yuraa uwäe tëta wasu Antioquía pe. Jae reta ɨwɨ Chipre pewa ko jare tëta wasu Cirene jee wae pewa ko. Jae reta umbɨpɨ umɨmbeu ñee ikawi wae yandeYa Jesús rewa judío mbae wae reta pe wi.

Hechos 14:1

Jayawe Pablo jare Bernabé yuraa uwäe reta tëta wasu Iconio pe. Jare uike reta pëti tupao pe kërái uyapoñoi wae rami. Jare umbɨpɨ oporomboe reta mbaepuere rewe Jesús rewa. Jáeramo jeta judío reta jare judío mbae wae reta wi joko pe yureko wae wɨrowia reta Jesús re.

Hechos 17:4

Jayawe amokue jokua judío reta wɨrowia Pablo jei wae re. Wɨrowia reta wi jeta kuimbae judío mbae wae reta uipɨu Tumpa wi wae, jare jeta kuña ikokatu wae reta wi. Jayawe kua reta umbɨpɨ uñemɨïru Pablo jare Silas ndiwe.

Hechos 18:4

Jare mbutuu ara reta rupi Pablo oo tupao pe uikuaaka waerä ïru judío reta pe jare judío mbae wae reta pe wi Jesucristo rewa, ipuere waerä jae reta wi wɨrowia jese.

Hechos 21:21

“Erëi ime yembɨawái. Echa’ä jeräkua chupe reta nde ndeyaka neï Moisés uikuatía wae wi jokua judío reta yureko judío mbae wae reta ipɨte rupi wae pe. Echa’ä jeräkua nde ndere chupe reta awɨye waerä umbɨcircuncidaka taɨ reta jare awɨye waerä omomoe reta yandereko,” jei reta chupe.

Hechos 22:21

“Jayawe yandeYa jei chewe: ‘Ekua. Echa’ä che nomondota mbɨrɨ judío mbae wae reta kotɨ,’ jei chewe,” jei Pablo chupe reta.

Romanos 1:16

Mbaetɨ etei chemara amɨmbeu waerä ñee ikawi wae Cristo rewa. Echa’ä opaete jokua ñee re wɨrowia wae reta, Tumpa uepɨta oï reta imbaepuere rupi mbaembae uyawɨ reta ikotɨ wae wi. Jare jukuärái ndarau omombo reta Tatawasurenda pe. Tenonde kua ñee ikawi wae ou judío reta pe rani, erëi añawe ou ma wi judío mbae wae reta pewarä.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

1 Timoteo 2:7

Jare Tumpa cheparawo jare chemondo jae jee re opaete kerupi amɨmbeu waerä iñee. Jare kua che jae aï wae añetete ko. Chapu’ä etei ko aï. Echa’ä Tumpa etei cheparawo amboe waerä judío mbae wae reta pe añetete wae rewa.

2 Timoteo 1:11

Jayawe Tumpa cheparawo, jare chemondo jae jee re etei amɨmbeu waerä jeta wae reta pe jokua ñee jare aporomboe waerä jese.

Santiago 1:1

Pe Israel iñemoñaa piko wae reta opaete piñemɨái peï kerupi rupi wae, che araaka aï pewe saludo. Che ko jae Santiago aikuatía aï pewe wae. Che ko jae pëti wae yandeRu Tumpa jare yandeYa Jesucristo pe ayeyokui wae.

1 Pedro 1:1

Pe Tumpa peparawo wae reta piñemɨái peï ɨwɨ Ponto, Galacia, Capadocia, Asia, jare Bitinia rupi wae reta, che ko jae Pedro aikuatía aï wae. Jesucristo chemondo jae jee re opaete kerupi amɨmbeu waerä jesewa. Tumpa jekuaeño tuicha tipɨakawi pewe jare tuyapo pewe piko waerä pepɨakatu rewe. Añawe pe reta ambɨe ɨwɨ pewa rami ko peï kua ɨwɨ pe, echa’ä pe reta ara pewa ko. Iyɨpɨ wiwe yandeRu Tumpa pekuaaño mái iko. Jare jokua arakuaa rupi jae peparawoño mái pe reta piko waerä jae imaerä. Jare Espíritu Santo peñono tee piko waerä Jesucristo jei wae rupi jare pepɨayoe waerä Tumpa kotɨ Jesucristo juwɨ uyepɨyere wae rupi.