San Juan 7:32 - Biblia

³² Jare fariseo reta uikuaa jeta wae reta uyemɨngeta wɨari yureko Jesús rewa kërái jae ko Cristo wae. Jayawe fariseo reta jare sacerdote itenondewa reta ndiwe ombou sɨndaro tupao wasu iyandarekoa reta uipɨsɨ waerä tëi Jesús.

Guaraní Pe (Western): Simba

³² Jare fariseo reta uyandu jeta vae iñeenguru ñugüɨnoi Jesús re. Jayave sacerdote reta itenondegua reta jare fariseo reta ombou jembiocui reta uipɨsɨ vaerã Jesús.

San Juan 7:32 Iomraidhean Croise

San Mateo 12:14

Jayawe fariseo reta opa oë joko wi, jare umbɨpɨ uyemboemboe reta kërái rupi ipuere uyukaka waerä Jesús.

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 26:58

Jare Pedro oo wi Jesús jaɨkue, erëi mbɨrɨ katu mii upɨta chuwi. Jare uike oo sacerdote tenondewaete joka pe, jare oo uwapɨ sɨndaro tupao wasu iyandarekoa reta uwapɨ ñonoï wae pe uecha waerä mbae ra uasata wae.

San Juan 11:46

Erëitu amokue wae reta yuraa umɨmbeu fariseo reta pe Jesús mbae ikawi wae uyapo wae re.

San Juan 12:19

Jayawe fariseo reta jei iyupe: “Mase, kua kuimbae pochɨ, opaete wae reta yuraa ñonoï jupie. Jare yandepuere’ä yayopia chuwi,” jei reta iyupe.

San Juan 18:3

Jayawe Judas oo jokotɨ sɨndaro romano reta ndiwe. Jare yuraa reta wi jae jupie amokue fariseo reta jare sacerdote itenondewa reta isɨndaro reta. Opa yuraa reta mechero rewe jare kɨsepuku rewe uipɨsɨ reta waerä Jesús.

San Juan 7:30

Jáeramo kua uyandu reta yawe, amokue wae reta uipota tëi uipɨsɨ Jesús. Erëi mbaetɨ kiawe ipuere uipɨsɨ, echa’ä ndei uwäe iko ara jae uyepɨsɨka waerä.

Hechos 5:26

Jayawe tupao wasu isɨndaro reta itenondewa oo amokue isɨndaro reta ndiwe jare uipɨsɨ ueru reta Jesús jemimboe tenondewaete reta. Erëi uipɨu rewe ueru reta. Echa’ä tëta wasu pewa reta umae kawi Jesús jemimboe tenondewaete reta re jare ipuere ko uyapi reta ita pe sɨndaro reta uyuka reta waerä.