San Juan 7:18 - Biblia

¹⁸ “Kua che jae wae añetete ko. Chapu’ä etei ko aï pewe, echa’ä che aipota ambutuicha chembou wae jee. Erëi jukuärai’ä ko jokua iñee rupii oporomboe wae reta. Jae reta jaeño uipota uyembutuichaka waerä,” jei chupe reta.

Guaraní Pe (Western): Simba

¹⁸ Ipotave vae jae iñee reño oporomboe yave, jae uipota ĩru vae reta pe uyembutuichaca vaerãño. Ẽrei quía ueca umbutuicha vaerã ombou vae, jae oporomboe añete vae re. Iyapu'ã co —jei Jesús—.

San Juan 7:18 Iomraidhean Croise

San Mateo 6:9

“Jayawe pe reta piyerure yawe Tumpa pe, piyerureta ko kuärái: ‘OreRu mii ara pe neï wae, nderee tuñeñono tee opaete ïru tee reta wi.

San Juan 11:4

Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

San Juan 12:28

Joko wi Jesús uyerure Tu pe: “CheRu mii, tuyembutuichaka nderee,” jei. Jayawe jupiwoi ou ñee ara wi jei: “Cheree ambutuichaka ma. Jare jokua ayapo yeta aï,” jei.

San Juan 12:43

Jáeramo umɨmbeu’ä reta kía pe awe wɨrowia reta Jesús re wae. Añetete jae reta uipotaete umbɨyerowia japicha retaño Tumpa wi etei.

San Juan 5:41

“Chemaerä, mbae’ä ko kía reta chembutuicha waerä.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

1 Tesalonicenses 2:6

Ore ndueka’ä nduiko pe reta jare ïru wae reta piyemɨngeta kawi waerä oreré. Jare yepe tëi Cristo etei oremondo iñee numɨmbeu waerä, jare jukuärái ore orepuere tëi ndoe pewe oremborɨ waerä, erëi nduyapo’ä jukuärái.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.