San Juan 7:14 - Biblia

¹⁴ Jare tabernáculos iara reta mbɨte ma uasa yawe, Jesús uike tupao wasu joka pe jare joko pe umbɨpɨ oporomboe.

Guaraní Pe (Western): Simba

¹⁴ Fiesta mbɨte ma yave, Jesús oo Tumpa jo pe umbɨpɨ oporomboe.

San Juan 7:14 Iomraidhean Croise

San Mateo 21:12

Jayawe Jesús oo uike tupao wasu joka pe kiape judío mbae wae reta ipuere uyembatɨ umbutuicha reta waerä Tumpa jee. Erëi joko pe ime jeta wae reta owaka ñonoï mbaemɨmba uñemee waerä Tumpa pe wae. Jayawe Jesús opa omoë joko wi jokua mbaemɨmba owaka wae reta jare owa ñonoï wae reta wi. Jare jokua uipepɨka korepoti ɨwɨ ambɨe wi ueru wae reta imesa reta Jesús opa umbɨyapara wɨraa chuwi reta. Jae nunga uyapo wi pɨkasu owaka wae reta jenda.

San Mateo 26:55

Jayawe Jesús jei yuweru wae reta pe: “¿Maera pa peyu kɨsepuku rewe jare ɨwɨra rewe chepɨsɨ waerä? ¿Jae yerá che imonda jeko kachi wae?” jei chupe reta. “Opa ara rupi che aporomboe aiko pepɨte rupi tupao wasu joka pe. ¿Maera pa joko pe chepɨsɨ'ä?” jei.

San Lucas 19:47

Jare opaete jokua ara rupi Jesús oporomboe iko tupao wasu joka pe. Jare sacerdote itenondewa reta, jare Moisés uikuatía wae re oporomboe wae reta, jare judío itenondewa reta ueka yureko kërái rupi ipuere uyukaka waerä Jesús.

San Juan 18:20

Jayawe Jesús jei chupe: “Che ayemɨngeta ko opaete wae jowake. Jekuaeño aporomboe tupao reta pe jare tupao wasu joka pe kiape opaete wae uyembatɨñoi wae pe. Che ayemɨngeta wɨari’ä etei,” jei chupe.

San Juan 5:14

Jayawe ndei ɨma mbowe, Jesús owäiti ye jokua kuimbae tupao wasu joka pe jare jei chupe: “Mase, ndekuera ma ko. Añawe wiwe awɨye iyawɨ Tumpa kotɨ, awɨye waerä oa ye nderé mbae ikawi mbaete wae,” jei chupe.

San Juan 7:2

Jare koiñoete ma ou judío reta uyemɨmandúa waerä tabernáculos iara reta re.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

San Juan 7:37

Jayawe uwäe tabernáculos iara reta iyapɨ pe. Jokua ara ikawiete ïru ara reta wi chupe reta waerä. Jayawe Jesús uyemboɨ jare jei usapɨkai rewe: “Ime yawe kía iɨwe wae, tou chekotɨ tuyemɨngapɨɨ,” jei.

San Juan 8:2

Jare pɨarewe pe ndimboweasɨ jae oo ye tupao wasu joka pe. Jayawe jeta wae reta yuweru ikotɨ, jare jae uwapɨ jare umbɨpɨ omboe reta.

San Juan 8:20

Jesús kua jei tupao wasu joka pe korepoti Tumpa pewarä uñemee wae jɨru iyɨpɨ pe. Erëi yepe tëi jowaicho reta jowai iko, erëi jowaicho reta ndei uipɨsɨ, echa’ä ndei uwäe ara Tumpa uiparawo wae Jesús uyepɨsɨka waerä.