San Juan 7:13 - Biblia

¹³ Erëi kía nungawe jae reta wae wi oë'ä Jesús ipepɨka pe, echa’ä ukɨye reta itenondewa reta wi ramo.

Guaraní Pe (Western): Simba

¹³ Ẽrei opaete vae uquɨye judío reta güi. Jáeramo uyemɨngueta vɨariño reta.

San Juan 7:13 Iomraidhean Croise

San Juan 19:38

Kua jaɨkue rupi pëti kuimbae José jee wae oo Pilato jowai jare jei chupe: “Emaeño mii cheré araa añono waerä Jesús jetekue teöwerenda pe,” jei chupe. Kua José tëta wasu Arimatea pewa ko jare jae ko Jesús jemimboe wi. Erëitu uyekuaaka’ä, echa’ä ukɨye judío itenondewa reta wi ramo. Jayawe Pilato jei chupe: “Jaekawi. Ndepuere nderaa jetekue,” jei chupe. Jayawe José oo umbɨweyɨ kurusu wi Jesús jetekue jare wɨraa.

San Juan 20:19

Jayawe jokua pɨ̈tu – domingo ara pe – Jesús jemimboe reta uyembatɨ jare uyukenda kawi öke reta. Echa’ä ukɨye yureko judío itenondewa reta wi. Erëi aramoiño Jesús ou uyemboɨ jae reta ipɨte pe jare jei chupe reta: “Pepɨakatu,” jei.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 7:1

Kua jaɨkue rupi Jesús jare jemimboe reta ndiwe yuraa tëta wasu reta rupi ɨwɨ Galilea pe. Jesús uipota’ä oo ɨwɨ Judea pe, echa’ä joko pe uipota judío itenondewa reta uyukaka ramo.

San Juan 7:11

Jare Judea pe judío itenondewa reta ueka tëi yureko Jesús. “¿Kiape ra jokua kuimbae pochɨ oï?” jei reta iyupe.

San Juan 7:15

Jare jokua judío itenondewa reta ipɨakañɨ kua Jesús oporomboe wae re jare jei reta iyupe: “¿Kërái ra kua kuimbae pochɨ jeta uikuaa mbaembae kía omboe mbae rewe?” jei reta.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

San Juan 9:34

Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.