San Juan 7:12 - Biblia

¹² Jare joko pe yuweru wae reta uyeaka wɨari jae yepái Jesús re. Amokue wae reta jei: “Kuimbae jeko kawi wae ko jae.” Jare ïru wae reta jei: “Mbaetɨ ko. Jae ko upurumbɨtawɨ wae,” jei reta.

Guaraní Pe (Western): Simba

¹² Jare joco pe ñugüɨnoi vae reta uyeaca uyupii Jesús re. Amocue vae jei: —Cuimbae jecocavi vae co jae. Ĩru vae reta jei: —Jecocavi'ã co. Upurumbɨtavɨ vae co.

San Juan 7:12 Iomraidhean Croise

San Mateo 10:25

“Erëi uyemboe wae iko yawe imboea rami, jokua ikawi ko. Jare pione iko yawe ipatrón rami, jae nunga wi ikawi ko. Jayawe piyandareko kawi piyé, echa’ä jei reta ma chewe, ‘Añawasu.’ Jare jukuärái uyapo reta ma chewe yawe che peYarä aï wae, ¡oeteta uyapo reta pewe cheremimboerä piko wae reta!” jei Jesús chupe reta.

San Mateo 21:46

Jáeramo jae reta uipota tëi jawoi pewa uipɨsɨka reta Jesús. Erëi ukɨye reta uipɨsɨka waerä. Echa’ä joko pe uyembatɨ ñonoï jeta wae reta wɨrowia Tumpa ko ombou Jesús umɨmbeu waerä ñee chuwi etei ou wae. Jare aramoi jae reta uyembopochɨta jokua mburuwicha reta kotɨ, jae reta uipɨsɨka yawe Jesús.

San Mateo 27:63

Jare jei reta chupe: “Oremburuwicha, oremandúa ma noï, ndei umano mbowe jokua upurumbɨtawɨse pochɨ wae jei, ‘Mbapɨ ara ma uasa yawe, aikowe yeta ayu aï kuri umanokue wae reta ipɨte wi,’ jeise uyemɨngeta.

San Lucas 18:19

Jayawe Jesús jei chupe: “¿Maera pa ndere chewe jupi wae? Mbaetɨ ko pëti awe jupi wae. Jaeño ko Tumpa jupi wae,” jei.

San Lucas 23:47

Jare Jesús ikurusu jowai uyemboɨ oï sɨndaro reta itenondewa. Jae uecha yawe kua mbae uyeyapo wae, umbutuicha Tumpa jee jare jei: “Añetete yepe, kua kuimbae ko jae jupi wae,” jei.

San Lucas 23:50

Jare joko pe oï wi pëti kuimbae José jee wae. Jae ko tëta wasu Arimatea pewa. Jokua oï ɨwɨ Judea pe. José ko jae pëti mburuwicha ipɨakawi wae jare jupi wae. Echa’ä ikawi’ä chupe ïru mburuwicha reta uyukaka Jesús wae. Jae uäro iko ikɨrëɨ rewe Tumpa oï waerä opaete wae imburuwicha wasurä jaeño mái pewa.

San Lucas 6:45

“Jare jukuärái wi kía ipɨa ikawi oï wae onoi mbae ikawi wae ipɨa pe, jare joko wi omoë iñee ikawi wae,” jei. “Jare kía ipɨa ikawi’ä oï wae onoi ipɨa pe mbae ikawi mbae wae, jare joko wi omoë iñee ikawi mbae wae. Echa’ä yande pëti pëti wae yandepɨa pe oï wae rupi ko yayemɨngeta,” jei chupe reta.

San Lucas 7:16

Jayawe opaete wae ukɨye jare umbutuicha reta Tumpa jee jei rewe: “Tumpa iñee umɨmbeu wae imbaepuerete wae ou ma kua yandepɨte pe.” Jare jei reta wi: “Tumpa etei yanemborɨ oï, yande jae yandeparawo wae reta,” jei reta.

San Juan 6:14

Jukuärái Jesús uyapo mbae kiawe ipuere’ä uyapo wae uechaka waerä chupe reta Tumpa wi ou wae ko jae. Jare joko pe ñonoï wae reta kua uecha yawe, jei reta iyupe: “Kua kuimbae yepe jae Tumpa iñee umɨmbeu wae Moisés arakae jei Tumpa ombouta iko wae,” jei reta.

San Juan 7:32

Jare fariseo reta uikuaa jeta wae reta uyemɨngeta wɨari yureko Jesús rewa kërái jae ko Cristo wae. Jayawe fariseo reta jare sacerdote itenondewa reta ndiwe ombou sɨndaro tupao wasu iyandarekoa reta uipɨsɨ waerä tëi Jesús.

San Juan 7:47

Jayawe fariseo reta jei: “¿Pe retawe opa ma piyembɨtawɨka wi?

San Juan 7:52

Erëi ïru reta jei Nicodemo pe: “¿Nde yerá jae wi Galilea pewa? Yaecha iyemboe kawi jese. Tumpa pëti wese awe uiparawo’ä kía Galilea pewa jae iñee umɨmbeu waerä,” jei reta chupe.

San Juan 9:16

Jayawe amokue fariseo reta jei: “Tumpa wi’ä ko ou jokua kuimbae Jesús. Echa’ä jae uyapo oï awɨyeta tëi uyapo mbutuu ara pe wae,” jei reta. Erëi ïru fariseo reta jei: “Erëi, mase, jae uyapo mbaembae kiawe ipuere’ä uyapo wae. ¿Ipuereta ra kía Tumpa kotɨ uyawɨ wae uyapo kua nunga mbaembae?” jei reta. Jayawe jae reta ipuere’ä oyowake uyemɨngeta pëti ramiño.

Hechos 11:24

Bernabé ko jae kuimbae jupi wae, jare wɨrowia kawi Tumpa re wae, jare uyekuaa jese Espíritu Santo jei wae rupi iko wae. Jayawe jae omborɨ jeta jokua tëta wasu pewa reta wɨrowia waerä yandeYa re.

Romanos 5:7

Kua re ikawi yayemɨngeta waerä yandepɨa pe. Jeta’ä uipota umee jekowe pëti jupi wae re. Erëi aramoi imeta kía ipɨakawiete wae re umee jekowe wae.

Filipenses 2:14

Opaete mbaembae piyapo wae, piyapota ko piyengeta mbae rewe jare piyeaka mbae rewe.