San Juan 6:63 - Biblia

⁶³ “Jare jokua ara che a ye yawe, ¿këraita pa penoi tekowe opa mbae wae pe retaiño? Ndarau pepuere, echa’ä jaeño Tumpa iEspíritu umee kua nunga tekowe. Jare kua chiñee mii reta ou ko Espíritu Santo wi jare ueru tekowe opa mbae wae.

Guaraní Pe (Western): Simba

⁶³ Jaeño Espíritu Santo ipuere umee tecove opa mbae vae. Yanderete ipuere'ã umee yandeve cua nunga tecove. Cua amɨmbeu ma peve vae ɨvɨ pegua'ã co. Jae co tecove opa mbae vae pegua —jei Jesús—.

San Juan 6:63 Iomraidhean Croise

Génesis 2:7

Jayawe Tumpa uyapo kuimbae ɨwɨkuí wi, jare umee chupe ipütuerä. Jukuärái kuimbae umbɨpɨ tekowe onoi.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 6:68

Jare Simón Pedro jei chupe: “¿OreYa, ¿kía re pa ndoota nduyemboya?” jei. “Ndeeño ko nemɨmbeu kawi orewe tekowe opa mbae wae kërái nonoi waerä.

Hechos 5:20

“Pekua ye tupao wasu joka pe, jare jekuaeño pemɨmbeu tëta wasu pewa reta pe kërái onoi reta waerä tekowe ipɨau wae.” Jukuärái jei araɨwa chupe reta.

Romanos 10:17

Erëitu yaikuaa ñaï jaeño kía uyapɨsaka ñee ikawi wae re Cristo rewa wae ipuere wɨrowia jese.

Romanos 2:25

Erëi aramoi pe reta piyemɨngeta tëi peï pepɨa pe: “Tumpa ndarau uiporaraka chewe, echa’ä che ko jae ayembɨcircuncidaka wae. Tumpa chapo ma jae imaerä,” pere tëi. Erëi awɨyeta ko perowia jukuärái. Echa’ä jaeño ikawita tëi pewe piyembɨcircuncidaka wae, jekuaeño piyapo yawe opaete Tumpa jei wae rupi. Erëi piyawɨ yawe Tumpa jei wae, jayawe Tumpa pewarä mbae’ä ko piyembɨcircuncidaka peï wae. Oyowakeño peï uyembɨcircuncidaka mbae wae reta rami – jae ko judío mbae wae reta rami.

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 15:45

Yaikuaa kawi waerä kua mbaembae rewa, yaecha ñamae yandetenondewaete reta Adán jare Cristo re. Uyekuatía oï Tumpa iñeerɨru pe kuärái: “Kuimbae tenondewaete Adán jee wae umbɨpɨ tekowe onoi.” Jukuärái jei, jare jokua uyemɨngeta oï tekowe ɨwɨ pewa re. Erëi Cristo ko jae yandetenondewaete taɨkue rupi outa iko wae, jare jae ko umee yandewe tekowe ara pewa.

Gálatas 5:25

Jare Espíritu Santo umee ma yandewe tekowe ipɨau wae. Jáeramo yaiko mii Espíritu Santo jei wae rupi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Gálatas 6:15

Añetete, yande pëti ramiño ñaï Jesucristo re ramo, mbae’ä ko yayembɨcircuncidaka ma wae. Jare mbae’ä ko wi yayembɨcircuncidaka mbae wae. Erëi mbae ikawi wae ko jae tekowe ipɨau wae ñanoi wae.

1 Tesalonicenses 2:13

Jayawe hermano mii reta, ore jekuaeño numee yasurupái Tumpa pe. Echa’ä ore numɨmbeu pewe yawe Tumpa iñee, pe reta perowia woi Tumpa iñee etei ko. Kuimbae iñee’ä ko. Jukuärái ko añetete, jare jukuärái pe reta perowia wi. Jare yepe tëi täta rupi piporara peï perëtáɨwa reta ipo pe Cristo re perowia ramo, erëi pe reta piporara peï piyerowia rewe. Jare jukuärái uyekuaa oï kërái Tumpa iñee uparawɨkɨ oï pepɨa pe wae, pe Cristo re perowia wae reta. Jukuärái wi uyeyapo Jesucristo re wɨrowia wae reta pe ɨwɨ Judea rupi kerupi rupi uyembatɨ wae rupi. Jae reta täta rupi uiporara wi jëtáɨwa judío reta ipo pe. Jare añawe jukuäraiete wi uyeyapo ma pewe.

1 Timoteo 4:8

Echa’ä yanderete ñamɨmɨräta yayemungúe rupi yawe, michi pewaño ikawi yandewe. Erëi ñañemɨmɨräta kawi yawe Tumpa re, jokua ko ikawiete yandewe. Añetete, ikawi oï yandewe añawe tekowe pe ñaï rambuewe, jare ikawita wi yandewe kuri Tumpa ndiwe ma ñaï yawe.

Hebreos 13:9

Erëi kua ɨwɨ pe ime jeta yemboe ambɨe ye ye wae reta. Jáeramo piyandareko kawi piyé, echa’ä pemaeño piyé yawe, jokua yemboe reta ipuere pembopia Jesucristo wi. Erëi ikawi ko yande reta jekuaeño ñañemɨmɨräta waerä Tumpa ipɨakawi re. Jeta wae reta uipota tëi uñemɨmɨräta Tumpa re teko tembiu pewa rupi. Erëi mbaetɨi yanemborɨ jokua nunga teko reta.

Hebreos 4:12

Jayawe yayapɨsaka Tumpa iñee re, echa’ä iñee tekowe pewa ko yanemaerä jare ime onoi mbaepuere. Jare ikawiete ko pëti kɨsepuku jaimbeyowai wi. Pëti kɨsepuku ipuere uyasɨa yandewi ñanekäwe iyuapɨka rupi jare ipuere omondoo yandewi. Erëi Tumpa iñee imbaepuerete ko kɨsepuku wi. Echa’ä Tumpa iñee uike yandepɨa pe jare uikuaaka yandewe yandepɨayemɨngeta rewa ikawi ra oï ani ikawi’ä ra.

Santiago 1:18

Jare Tumpa uipota ramo, yandapo taɨ retarä ñee añetete wae yarowia wae rupi, jare jukuärái ñaneñono tee waerä jae imaerä opaete ïru jembiapo reta wi.

1 Pedro 1:23

Echa’ä pe reta pea pɨau ye ma ko jare penoi ma tekowe ipɨau wae. Kua nunga tekowe ndarau opa, echa’ä ou’ä ko peru jare pesɨ wi. Ou ko Tumpa iñee rupi. Jare Tumpa iñee jekuaeño ikota jaeño mái pewa.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

1 Pedro 3:21

Jare jokua ko jae pëti yembɨjaanga yembɨsakambu re. Echa’ä jukuärái rupi pe reta penoi tekowe opa mbae wae. Erëi mbaetɨ ɨ peyoe wae rupi penoi tekowe opa mbae wae. Pe reta penoi tekowe opa mbae wae, echa’ä Tumpa uyapo ma peï waerä jae jowai pepɨa pembɨjeko mbae rewe. Jare jokua ko pemɨmbeu piyembɨsakambuka yawe ɨ pe. Añetete yandeYa Jesucristo ikowe ye ou umanokue wae reta ipɨte wi, jare jokua rupiño ko yande ñanoi tekowe opa mbae wae.