San Juan 6:57 - Biblia

⁵⁷ “CheRu ikoño mái wae chembou, jare che aiko jae imbaepuere rupi. Jae ramiño wi jokua cherete jou wae ikota che chembaepuere rupi,” jei chupe reta umbɨjaanga rewe.

Guaraní Pe (Western): Simba

⁵⁷ CheRu güɨnoi tecove opa mbae vae jare jae chembou, jare che anoi tecove opa mbae vae cheRu güi. Jae ramiño vi jocua cherete jou vae güɨnoita tecove opa mbae vae chegüi —jei chupe reta—.

San Juan 6:57 Iomraidhean Croise

San Mateo 16:16

Jayawe Simón Pedro jei chupe: “Nde ko jae Cristo ndoe chupe wae. Nde ko jae Tumpa ikoño mái wae Taɨ,” jei chupe.

San Juan 14:19

“Ndei ɨma mbowe, kua ɨwɨ jeko rupi yureko wae reta ndarau ye ma cherecha. Erëi pe reta cherecha yeta peï kuri. Jare che aikowe yeta aï ramo, pe reta penoita wi tekowe ipɨau wae.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

San Juan 5:26

Jukuäraita ko, echa’ä kërái cheRu ko jae tekowe iYa, jukuäraiete wi jae umee chewe che aï waerä tekowe iYarä.

San Juan 6:29

Jayawe Jesús jei chupe reta: “Perowia Tumpa ombou wae re – jae ko che. Kua ko jae mbarawɨkɨ Tumpa uipota piyapo waerä wae,” jei chupe reta.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

1 Corintios 15:45

Yaikuaa kawi waerä kua mbaembae rewa, yaecha ñamae yandetenondewaete reta Adán jare Cristo re. Uyekuatía oï Tumpa iñeerɨru pe kuärái: “Kuimbae tenondewaete Adán jee wae umbɨpɨ tekowe onoi.” Jukuärái jei, jare jokua uyemɨngeta oï tekowe ɨwɨ pewa re. Erëi Cristo ko jae yandetenondewaete taɨkue rupi outa iko wae, jare jae ko umee yandewe tekowe ara pewa.

2 Corintios 13:4

Añetete Cristo uyekutuka iko kurusu re imbaepuere mbae wae rami, erëi ikowe ye ou umanokue wae reta ipɨte wi Tumpa imbaepuere rupi. Jae ramiño wi ore etei mbaetɨ mbaepuere nonoi. Erëi pe reta pikuaata ore jae nunga wi nduiko Cristo rami Tumpa imbaepuere rupi. Jukuärái pe reta pikuaata pecha yawe kërái ore nduikota kuri pepɨte rupi.

Gálatas 2:20

Echa’ä che arowia Cristo re ramo, cherekowe indechikue umano rami jokua kurusu re Cristo ndiwe. Jare ndarau ye ma aiko tenonde aiko rami, echa’ä añawe Cristo oï ma chepɨa pe. Jare añawe imeño cherekowe aï rambuewe, jekuaeño arowiata Tumpa Taɨ re. Echa’ä jae cherau jare uñemee umano waerä cheré.

1 Tesalonicenses 1:9

Añawe ipotawe kerupi ndoo wae rupi imiäri reta orewe kërái mbae piyapo wae ore nduiko yawe pepɨ. Echa’ä imiäri reta orewe kërái pe reta piyerowa ma Tumpa ikoño mái wae jare añetete wae kotɨ tumparaanga reta wi.

Hebreos 9:14

Erëi Cristo juwɨ ikawiete ye ko mbaemɨmba reta juwɨ wi. Echa’ä mbaemɨmba juwɨ jare ipotawe ïru mbae uyapo reta tëi wae ipuere’ä yandepɨayoe añetete rewe. Erëi Jesucristo juwɨ opa oyoe yandepɨa yanembɨjekose wae wi, jukuärái yandepuere waerä yayeyokui Tumpa ikoño mái wae pe. Echa’ä Cristo jeko mbaei ko jare uñemee umano waerä yanderé Espíritu Santo ikoño mái wae imbaepuere rupi.

1 Juan 4:9

Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.