San Juan 6:51 - Biblia

⁵¹ “Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

Guaraní Pe (Western): Simba

⁵¹ Che co jae tembíu tecove umee vae. Che agüeyɨ ayu ara güi. Ipotave cua tembíu jou vae güɨnoita tecove opa mbae vae —jei Jesús chupe reta—. Jare jocua tembíu ameeta vae cherete co. Ameeta cherete ɨvɨ pegua reta güɨnoi vaerã tecove —jei.

San Juan 6:51 Iomraidhean Croise

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Lucas 22:19

Jae nunga wi Jesús uipɨsɨ mbɨyape jare uyapo wi yasurupái jese. Jayawe upɨsäa mbɨyape jare umee jemimboe reta pe, jare jei chupe reta umbɨjaanga rewe: “Kua ko jae cherete ameeta aï peré wae. Añawe wiwe peuta kua piyemɨmandúa waerä cheré,” jei chupe reta.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

San Juan 11:26

Jare opaete jekowe ñonoï wae cheré wɨrowia wae reta yurekota jaeño mái pewa. ¿Nderowia pa kua che jae aï ndewe wae?” jei Jesús Marta pe.

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 3:14

“Yanemandúa kawi ñaï: Arakaete yanderamɨkue reta yureko yawe ɨwɨtini wasu rupi, Moisés oñono ɨwɨra re pëti mboiraanga jiero bronce pewa jare umbɨyemboɨ oñono. Jare jukuärái ipotawe kía mboi uichuu wae umae jese yawe, ukuera woi,” jei chupe. “Jae ramiño wi jokua mboiraanga rami, ïru wae reta cheñonota ɨwɨra re che kuimbaerä ayeyapo wae, jare chembɨyemboɨta cheñono.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

San Juan 6:41

Jayawe judío itenondewa reta umbɨpɨ uyemɨngetangeta wɨari Jesús kotɨ. Echa’ä chupe reta pewarä ikawi’ä Jesús jei yawe: “Che ko jae mbɨyape ara wi ayu wae.”

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

San Juan 6:48

Che ko jae mbɨyape tekowe opa mbae wae amee wae,” jei Jesús chupe reta.

San Juan 6:50

Erëi kua mbɨyape ara wi ou wae ikawiete ye ko. Echa’ä kía jou kua mbɨyape wae, ikota jaeño mái pewa,” jei.

San Juan 7:38

“Jare ime yawe kía cheré wɨrowia wae, ipɨa wi jeta ɨ usɨrɨta tekowe umee wae. Echa’ä jukuärái uyekuatía oï Tumpa iñeerɨru pe,” jei chupe reta.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Efesios 5:25

Jare jae wi kuimbae reta jembireko rewe wae pe kuärái: Tuau jembireko kërái Cristo uau opaete jese wɨrowia wae reta rami. Yaikuaa Cristo yanderauete, echa’ä jae uñemee umano waerä yanderé.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

1 Pedro 2:4

YandeYa Jesús ko jae pëti ita tekowe onoi wae rami jare tëta iyapoa reta wɨrɨ̈ro omombo iyuwi reta wae rami. Erëi yepe tëi jeta wae reta wɨrɨ̈ro Jesús, jesewe jae ko yandeRu Tumpa etei uiparawo wae. Jare Tumpa pewarä jae ko pëti ita ipöraete jare jepɨete wae rami. Jare pe reta perowia ma jese ramo,

1 Juan 2:2

Jare jae etei ko uñemee umano waerä mbaembae yayawɨ Tumpa kotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Jare yandereño’ä ko Cristo umano. Jae umano tëi ko wi opaete ɨwɨ pewa reta re.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.