San Juan 6:50 - Biblia

⁵⁰ Erëi kua mbɨyape ara wi ou wae ikawiete ye ko. Echa’ä kía jou kua mbɨyape wae, ikota jaeño mái pewa,” jei.

Guaraní Pe (Western): Simba

⁵⁰ Che co jae tembíu ara güi ou vae. Cua tembíu jou vae ndarau umano —jei—.

San Juan 6:50 Iomraidhean Croise

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:42

Jei reta iyupe: “¿Jae’ä yerá kua Jesús José taɨ? Echa’ä yaikuaa katu ko tu jare ichɨ wi. Jayawe, ¿kërái yerá añawe jae jei oï, ‘Che ayu ko ara wi’?” jei reta iyupe.

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

San Juan 8:51

“Che tae pewe añetete wae, kía chiñee uyapo wae ndarau umano,” jei chupe reta.

Romanos 8:10

Erëi pe reta jukuärai’ä ko, echa’ä Cristo oï pepɨa pe ramo. Jayawe, yepe tëi perete umanota oï piyawɨ Tumpa kotɨ jeko pewa, erëi pe reta penoi ma ko tekowe ipɨau wae, echa’ä añawe Tumpa umae ma peré pereko mbae wae rami.