San Juan 6:5 - Biblia

⁵ Jare Jesús uecha jeta wae reta yuweru ñonoï ikotɨ. Jayawe upɨrandu jemimboe Felipe pe: “¿Kiawi pa yawata tembiu yamɨngaru waerä kua jeta wae reta?” jei chupe.

Guaraní Pe (Western): Simba

⁵ Jare Jesús umae yave, uecha jeta vae yugüeru icotɨ. Jayave upɨrandu Felipe pe: —¿Quiape pa yandepuereta yagua mbɨyape cua reta jou vaerã —jei.

San Juan 6:5 Iomraidhean Croise

San Mateo 15:33

Jayawe Jesús jemimboe reta jei chupe: “¿Kiape pa yandepuere ñawäe chupe mbae kua jeta wae reta jou waerä? Echa’ä mbaetɨ kiawe iko kua rupi,” jei reta.

Marcos 6:32

Jayawe jae retaño chalana pe yuraa kïi ngatu wae pe.

San Lucas 9:10

Jare Jesús jemimboe tenondewaete reta uñatima ye oporomboe reta wae wi Jesús oï wae pe. Jare imiäri reta chupe opaete jae reta uyapo wae re. Jayawe Jesús wɨraa reta kïi ngatu wae pe koiño tëta wasu Betsaida wi.

San Juan 1:43

Pɨarewe pe Jesús uipota oo ɨwɨ Galilea kotɨ. Jare uwata iko rambuewe, oñowäiti pëti kuimbae Felipe jee wae ndiwe jare jei chupe: “Eyu che ndiwe ndiko waerä cheremimboerä,” jei chupe.

San Juan 1:44

Kua Felipe tëta wasu Betsaida pewa ko. Andrés jare Pedro jae nunga wi Betsaida pewa ko.

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 1:46

Jayawe Natanael jei chupe: “¿Ipuere yerá mbae ikawi wae uyekuaa Nazaret wi?” jei chupe. “Ya emae jese,” jei Felipe. Jayawe yuraa uwäe reta Jesús oï wae pe.

San Juan 1:48

Jare Natanael jei chupe: “¿Kërái pa nde chekuaa?” jei chupe. Jayawe Jesús jei chupe: “Ndei Felipe nereni mbowe, che aikuaa ɨwa íɨwɨ pe nde ndewapɨ ndiko wae,” jei chupe.

San Juan 4:35

“Jeta wae reta jei: ‘Ñamaetɨ ma. Añawe ñaärota irundɨ yasɨ yewɨ yambaewɨro waerä,’ jei reta. Erëi che tae pewe: Mase, pemae yandeyɨpɨ rupi. Jeta ma ñonoï reta wɨrowia waerä cheré. Jae reta ko jae koo pe awati opa ma yawɨye kawi wae rami,” jei.