San Juan 6:45 - Biblia

⁴⁵ “Pëti kuimbae Tumpa iñee arakae umɨmbeu wae uikuatía cheré wɨrowiata wae reta re kuärái: ‘Tumpa etei omboeta oï opaete jae reta.’ Jukuärái uyekuatía oï,” jei. “Jayawe opaete kía kía uyapɨsaka jare uyemboe cheRu re wae reta yuweruta chekotɨ,” jei chupe reta.

Guaraní Pe (Western): Simba

⁴⁵ Tumpa iñee aracae umɨmbeu vae uicuatía cuarãi: ‘Jare Tumpa omboeta opaete vae.’ Jucuarãi uicuatía —jei—. Ipotave uyapɨsaca Tumpa re jare uyemboe Tumpa jei chupe vae re vae outa checotɨ —jei—.

San Juan 6:45 Iomraidhean Croise

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

Marcos 1:2

Ime iko arakaete pëti kuimbae Tumpa iñee umɨmbeu wae Isaías jee wae. Jae uikuatía Tumpa iñee kuärái: “YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe.

San Lucas 1:70

Kua añawe uyeyapo oï wae, jae ko arakae Tumpa jei wae etei. Echa’ä jae jei yanderepɨta oï yanderowaicho reta wi jare opaete ñaneamɨtäa wae reta wi. Jukuärái jei Tumpa jae iñee arakae umɨmbeu wae reta rupi. Jare jokua kuimbae reta jupi wae ko.

San Lucas 18:31

Jayawe Jesús ueni ikotɨ jokua doce jemimboe reta jare jei chupe reta: “Mase, pe reta pikuaa peï añawe ya ñaï Jerusalén kotɨ. Jare aipota pikuaa kawi waerä kua: Joko pe uyeyapota oï opaete Tumpa iñee arakae umɨmbeu wae reta uikuatía che kuimbaerä ayeyapo wae re,” jei.

San Juan 10:27

“Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:65

Joko wi jei chupe reta: “Amokue pe reta perowia’ä cheré, jare jokua jeko pewa che jae ma pewe ipuere’ä kía ou chekotɨ cheRu mbaetɨ yawe umɨkɨrëɨ,” jei Jesús chupe reta.

Hechos 13:40

Jare Pablo jei wi chupe reta: “Jayawe piyandareko kawi piyé awɨye waerä uyeyapo pewe kërái Tumpa iñee arakae umɨmbeu wae reta jei wae rupi,” jei. “Echa’ä pëti wae uikuatía kuärái:

Hechos 7:42

“Jáeramo Tumpa iarasɨ rewe uyerowa chuwi reta, jare ueya reta umbɨadora reta waerä ipotawe mbae jae reta uipota wae re. Jayawe jae reta umae mbaembae ara re oï wae jare umbɨadora reta jokua mbaembae re. Echa’ä pe reta pikuaa Tumpa jei arakaete kía jae iñee umɨmbeu wae rupi kuärái: ‘Israel pewa reta, ¿chemaerä yerá piyuka mbaemɨmba reta, jare chemaerä yerá peru mbaembae ikawi wae jokua cuarenta año ɨwɨtini wasu rupi piko rambuewe?

Efesios 1:17

Aeka aï chupe umee pewe waerä arakuaa Espíritu Santo rupi, jukuärái pikuaa kawi waerä Tumpa, yandeYa Jesucristo Tu jupiete ye wae.

Filipenses 3:15

Jukuäraita ko yayemɨngeta yandepɨa pe opaete yande yakuakuaa ma Tumpa kotɨ wae reta. Erëi amokue wae pe reta mbaetɨ yawe pepɨayemɨngeta che rami kua mbaembae re, Tumpa uikuaakata pewe kërái ikawi ko piyemɨngeta waerä pepɨa pe.

1 Tesalonicenses 4:9

Che ndarau aikuatía pewe kua tupapire pe piyerau päwe waerä. Echa’ä Tumpa etei jukuärái pemboe.

Hebreos 10:16

“Che ko jae Tumpa aikoño mái wae. Jare che tae kuärái: Taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: che añonota aï chiñee jae reta ipɨa pe jare jukuärái jae reta opata uikuaa kawi.” Jukuärái jei.

1 Juan 2:27

Erëi awɨye piyapɨsaka jese reta, echa’ä pe reta ime ma penoi Espíritu Santo pemboe waerä. Tumpa etei ko umee ma pewe Espíritu Santo, jare jae jekuaeño uyemɨngeta añetete wae. Espíritu Santo ipuere’ä etei iyapu. Jare kërái jae pemboe wae rupi, jekuaeño piñemɨïru kawi Cristo ndiwe.