San Juan 6:44 - Biblia

⁴⁴ “CheRu ko chembou. Jare ipuere’ä kía ou chekotɨ cheRu umɨkɨrëɨ'ä yawe ou chekotɨ waerä. Jare jokua chekotɨ ou wae reta ambɨjekowe yeta aï kuri ara taɨkuewa pe,” jei chupe reta.

Guaraní Pe (Western): Simba

⁴⁴ CheRu chembou —jei—. CheRu güɨroviaca cheré vaeño ipuere güɨrovia cheré. Jare che ambɨjecove yeta aru umanocue vae reta ipɨte güi ara taɨcuegua vae pe —jei chupe reta—.

San Juan 6:44 Iomraidhean Croise

San Mateo 12:34

“¿Këraita ra jayawe pe pepurumbɨtawɨ wae reta pepuere pemoë ñee ikawi wae? Ndarau pepuere, echa’ä pepɨa kachi oï. Yande pëti pëti wae yandepɨa pe oï wae rupi ko yayemɨngeta,” jei.

San Mateo 16:17

Jayawe Jesús jei Pedro pe: “Nde Simón, Jonás taɨ, ndiyekouete neï. Echa’ä cheRu ara pe oï wae uikuaaka ma ndewe jokua. Mbaetɨ ye kía uikuaaka ndewe wae,” jei chupe.

San Juan 12:32

“Erëi che, ïru wae reta chekututa ñonoï kurusu re jare chembɨyemboɨta cheñono reta. Jare jokua ara uwäe yawe, che amɨkɨrëɨta opaete ɨwɨ pewa reta ou waerä chekotɨ,” jei chupe reta.

San Juan 5:44

“Pe reta pipotaete pe yepái piyembutuichaka waerä. Erëi peka’ä peï Tumpa pembutuichaka waerä. Jare jukuärái yawe, ¿këraita pa pepuere perowia cheré? Ndarau piyapo,” jei chupe reta.

San Juan 6:43

Jayawe Jesús jei chupe reta: “Peya jokua piyemɨngeta peï wae,” jei.

San Juan 6:45

“Pëti kuimbae Tumpa iñee arakae umɨmbeu wae uikuatía cheré wɨrowiata wae reta re kuärái: ‘Tumpa etei omboeta oï opaete jae reta.’ Jukuärái uyekuatía oï,” jei. “Jayawe opaete kía kía uyapɨsaka jare uyemboe cheRu re wae reta yuweruta chekotɨ,” jei chupe reta.

San Juan 6:65

Joko wi jei chupe reta: “Amokue pe reta perowia’ä cheré, jare jokua jeko pewa che jae ma pewe ipuere’ä kía ou chekotɨ cheRu mbaetɨ yawe umɨkɨrëɨ,” jei Jesús chupe reta.

San Juan 8:43

“¿Maera pa pikuaa kawi’ä kua che aikuaaka pewe wae? Echa’ä pe reta pipota’ä piyapɨsaka peï chiñee re. Jáeramo jokua jeko pewa ko pe reta pikuaa’ä peï,” jei chupe reta.

Filipenses 1:29

Echa’ä Tumpa mbaetɨ ko umee pewe Cristo re perowia waeräño. Umee ko pewe wi piporara waerä jae imaerä.

Colosenses 2:12

Ani yandepuere yae kuärái: Ndei Cristo re perowia mbowe, pe reta pikose pere wae rupiño. Jáeramo jekuaeño piyawɨse Tumpa kotɨ, jare jokua jeko pewa pemano wae echa piko Tumpa wi. Erëi pëti ara pe reta piyandu kërái Tumpa imbaepuere tuichaete wae. Jare piyandu wi kërái jae umbɨjekowe ye ueru Cristo umanokue wae reta ipɨte wi wae. Jare perowia yawe jae imbaepuere perepɨ waerä wae re, jayawe Tumpa peapo pëti ramiño Cristo re etei. Kua uipota jei Cristo umano yawe, jare teöwerenda pe oñono reta yawe, pe reta wi pemano rami jae ndiwe. Jare Cristo ikowe ye yawe, pe reta wi Tumpa pembɨjekowe pɨau ye rami ko Cristo ndiwe. Yande ñanoi tekowe ipɨau wae, echa’ä Tumpa opa ma umbái yandewi mbaembae yayawɨ ikotɨ wae.