San Juan 6:40 - Biblia

⁴⁰ “Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

Guaraní Pe (Western): Simba

⁴⁰ Ipotave cherecha vae güɨnoita tecove opa mbae vae cheré güɨrovia yave, jare che ambɨjecove yeta aru umanocue vae reta ipɨte güi ara taɨcuegua vae pe. Cua uipota cheRu —jei Jesús.

San Juan 6:40 Iomraidhean Croise

Isaías 53:2

Echa’ä Tumpa ipɨayemɨngeta ko uecha waerä chupe uyeyokui wae ukuakuaa oï pëti ɨwɨra jäka jeñɨ oï japo wi ɨwɨ utini oï wae pe rami. Jae mbaetɨ onoi mburuwicha imbaepuere. Jae mbaetɨ ko kuimbae maepöraete wae. Yayemboya rape’ä jese, echa’ä jae mbaetɨ uyekuaa kawi yandewe ramo.

Números 21:9

Jayawe Moisés uyapo pëti mboiraanga jiero bronce pewa, jare oñono pëti ɨwɨra puku wae re, jare umbɨyatɨka. Joko wi ipotawe mboi uichuu wae umae jese yawe, ukuera woi.

San Mateo 10:15

“Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, jokua tëta wasu pewa reta tätaete ye uiporarata ñonoï jokua arakae tëta wasu Sodoma jare Gomorra pewa reta wi,” jei Jesús chupe reta.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

San Lucas 2:30

Añawe aecha ma kua nde nembou orerepɨ waerä wae.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 11:24

“Aikuaa ko, cheYa,” jei Marta. “Aikuaa jae ikowe yeta oï ara taɨkuewa pe, Tumpa umbɨjekowe ye yawe opaete umanokue wae reta,” jei chupe.

San Juan 11:25

Jayawe Jesús jei chupe: “Che ko jae tekowe amee wae jare umanokue wae reta ambɨjekowe ye wae,” jei chupe. “Cheré wɨrowia wae reta, yepe tëi umano, erëi ikowe yeta ñonoï.

San Juan 12:45

Jae ramiño wi kía cherecha wae, uecha ko oï wi chembou wae,” jei.

San Juan 12:50

“Jare che aikuaa jokua mbaembae cheRu jei chewe jae waerä wae, jokua ueru tekowe opa mbae wae opaete wɨrowia jese wae reta pe. Jáeramo ko amɨmbeu kawi ma opaete jae jei chewe wae,” jei Jesús chupe reta.

San Juan 14:17

Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

San Juan 14:19

“Ndei ɨma mbowe, kua ɨwɨ jeko rupi yureko wae reta ndarau ye ma cherecha. Erëi pe reta cherecha yeta peï kuri. Jare che aikowe yeta aï ramo, pe reta penoita wi tekowe ipɨau wae.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

San Juan 6:39

“Jare cheRu uipota wae ko jae kua: Jae uipota che ayandareko kawi waerä jae umee chewe wae reta re. Ndarau pëti awe ukañɨ chewi. Jare cheRu uipota ambɨjekowe ye reta waerä umanokue wae reta ipɨte wi ara taɨkuewa pe,” jei.

San Juan 6:44

“CheRu ko chembou. Jare ipuere’ä kía ou chekotɨ cheRu umɨkɨrëɨ'ä yawe ou chekotɨ waerä. Jare jokua chekotɨ ou wae reta ambɨjekowe yeta aï kuri ara taɨkuewa pe,” jei chupe reta.

San Juan 6:54

“Erëi ipotawe kía cherete jare cheruwɨ jou wae, jekuaeño che ndiwe oï, jare che ndarau etei asɨrɨ chuwi. Jokua nunga ime onoi tekowe opa mbae wae, jare che ambɨjekowe yeta aï kuri ara taɨkuewa pe. Jukuärái ko, echa’ä cherete jare cheruwɨ jae ko mbae yau wae jare añetete pewa,” jei chupe reta umbɨjaanga rewe.

San Juan 8:56

“Jare perukue Abraham arakaete uikuaa kawi iko che ayuta aiko wae jare jae uyerowiaete iko jokua re. Tumpa uechaka chupe chewäe ara jare jae ipɨakatu iko jokua re,” jei Jesús chupe reta.

Romanos 5:21

Jáeramo kërái yaikose teko yareko wae ipo pe jare jokua yanembɨsɨrɨ iko Tumpa wi, jukuärái wi añawe Tumpa ipɨakawi wae ipo pe ko ñaï jare ime ma ñanoi tekowe opa mbae wae. Echa’ä ime yawe kía wɨrowia yandeYa Jesucristo re wae, Tumpa umae jese jeko mbae wae rami.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Hebreos 11:1

Jayawe, ¿kërái ra yarowia kawi Tumpa re? Ime jeta mbaembae ikawi wae Tumpa jei umeeta oï yandewe wae. Jare yande ñaäro yawe jokua mbaembae yarowia katu rewe, jukuärái ko yarowia kawi Tumpa re. Jae nunga wi Tumpa uikuaaka yandewe jeta mbaembae yaecha’ä wae rewa. Jare yande yarowia kawi yawe jokua mbaembae re, jukuärái ko yarowia kawi Tumpa re.

Hebreos 11:27

Jare Moisés wɨrowia Tumpa jei wae re ramo, ukɨye’ä mburuwicha wasu iarasɨ wi jare oë oo ɨwɨ Egipto wi. Yepe tëi Tumpa uyekuaa mbae wae ko, erëi Moisés uñemɨmɨräta jese uecha oï rami.

1 Pedro 1:8

Yepe tëi pecha’ä Jesucristo, erëi jesewe pe reta peau ko. Jare yepe tëi añawe ndeiño pecha, erëi perowia ma jese, jare penoi ko yerowia tuichaete wae yandepuere rape’ä ñanemiäri jese wae.

1 Juan 2:25

Jare kua ko jae Tumpa jei umeeta oï yandewe wae – tekowe opa mbae wae.

Judas 1:21

Pe reta pikuaa peï yandeYa Jesucristo umeeta oï pewe tekowe opa mbae wae peparareko ramo. Jare añawe jokua peäro peï rambuewe, jekuaeño pemandúa kërái Tumpa perau wae re.