San Juan 6:32 - Biblia

³² Jayawe Jesús jei chupe reta: “Che tae pewe añetete wae, Moisés jae’ä ko umee chupe reta mbɨyape ara pewa. CheRu ko umee chupe reta. Jare añawe cheRu uipota umee oï pewe mbɨyape añetete wae ara pewa.

Guaraní Pe (Western): Simba

³² —Añete che jae peve —jei Jesús—, Moisés umee'ã co jembiurã ara güi ou vae. Añave cheRu umeeta peve perembiurã añetete vae ara güi ou vae —jei—.

San Juan 6:32 Iomraidhean Croise

Éxodo 16:4

Jáeramo Tumpa jei Moisés pe: “Mase, che ambouta pewe mbɨyape ara wi, roɨ oa ɨwɨ re wae rami,” jei. “Erëi opa ndimbowe rupi, opaete wae oë omonoo reta yawe iyupe, tomonoo jokua ara pewaräño. Jukuärái uyekuaata uyapota ra reta che jae aï wae rupi, ani uyapota’ä ra reta,” jei.

Éxodo 16:8

Moisés jei wi chupe reta: “Tumpa etei ko umeeta pewe soo peu waerä kaaru rupi. Jare ndimbowe rupi jae umeeta pewe jeta mbɨyape pepunga rewa. Echa’ä jae uyandu ma piyengeta ikotɨ wae. Añetete pe reta piyengeta orekotɨ yawe, Tumpa kotɨ etei ko piyengeta peï,” jei chupe reta.

San Juan 1:9

Echa’ä jokua tembipe uyekuaata ma iko kua ɨwɨ pewa reta pe. Jae añetete pewa ko, jare uikuaaka ɨwɨ pewa reta pe Tumpa rewa.

San Juan 15:1

Joko wi Jesús jei jemimboe reta pe umbɨjaanga rewe: “Che ko jae uva iyɨpɨ añetete wae. Jare cheRu ko jae uva iyandarekoa. Jare opaete cheremimboe reta ko jae uva jäka reta,” jei chupe reta.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

San Juan 6:41

Jayawe judío itenondewa reta umbɨpɨ uyemɨngetangeta wɨari Jesús kotɨ. Echa’ä chupe reta pewarä ikawi’ä Jesús jei yawe: “Che ko jae mbɨyape ara wi ayu wae.”

San Juan 6:50

Erëi kua mbɨyape ara wi ou wae ikawiete ye ko. Echa’ä kía jou kua mbɨyape wae, ikota jaeño mái pewa,” jei.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.