San Juan 6:27 - Biblia

²⁷ “Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

Guaraní Pe (Western): Simba

²⁷ Agüɨye peparavɨquɨ perembiurã ɨmata'ã ico peve vae reño. Ẽrei peparavɨquɨ perembiurã ameeta peve vae re. Che ayeyapo cuimbaerã vae ameeta peve perembiurã opata'ã vae. Echa'ã penoita tecove opa mbae vae. Echa'ã cheRu Tumpa uicuaaca ma peve chepuere ayapo jucuarãi —jei Jesús chupe reta.

San Juan 6:27 Iomraidhean Croise

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

San Mateo 3:17

Jare uyendu ñee ara wi jei kuärái: “Kua ko jae cheRaɨ auete wae. Jae chembɨyerowiaete oï,” jei.

San Mateo 6:19

“Jayawe pe reta awɨye piko mbaembae kua ɨwɨ pewa pembatɨ waeräño,” jei. “Echa’ä kua ɨwɨ pe pembaembae ipuere opa iyukɨrɨ jare kupii reta ipuere opa urükumewa pewi. Jare ipuere wi uike wɨari imonda wae reta opa oñomi pewi pembaembae,” jei.

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

Marcos 1:11

Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

Marcos 9:7

Jayawe jupiwoiño uyekuaa chupe reta amapɨ̈tu jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Piyapɨsaka jese,” jei.

San Lucas 3:22

Jare Espíritu Santo uweyɨ ou ara wi Jesús re pëti pɨkasu rami. Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Lucas 9:35

Jare amapɨ̈tu wi uyendu ñee jei: “Kua ko jae cheRaɨ auete wae. Piyapɨsaka jese,” jei.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 11:42

Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 3:15

Kua imeta ko uyeyapo ipotawe kía wɨrowia cheré wae onoi waerä tekowe opa mbae wae.” Jukuärái jei Jesús Nicodemo pe.

San Juan 3:33

Erëi Tumpa ko ombou jare umee chupe Espíritu Santo opaete imbaepuere rewe. Jáeramo jae jupi umɨmbeu Tumpa iñee. Jare ime yawe kía wɨrowia jae iñee re wae, uikuaa Tumpa iñee añetete yepe.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 6:53

Jayawe Jesús jei chupe reta umbɨjaanga rewe: “Che tae pewe añetete wae, che kuimbaerä ayeyapo wae, pe reta peu’ä yawe cherete jare cheruwɨ, ndarau penoi tekowe añetete pewa,” jei chupe reta.

San Juan 6:54

“Erëi ipotawe kía cherete jare cheruwɨ jou wae, jekuaeño che ndiwe oï, jare che ndarau etei asɨrɨ chuwi. Jokua nunga ime onoi tekowe opa mbae wae, jare che ambɨjekowe yeta aï kuri ara taɨkuewa pe. Jukuärái ko, echa’ä cherete jare cheruwɨ jae ko mbae yau wae jare añetete pewa,” jei chupe reta umbɨjaanga rewe.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

San Juan 6:62

“Jukuärái yawe, ¿këraita ra peï kuri jayawe che kuimbaerä ayeyapo wae cherecha ayupi ye a aï ara pe tenonde aiko wae pe? Che aikuaa aï pe reta pipota’ä jokua nunga Upuruepɨ wae,” jei chupe reta.

San Juan 6:68

Jare Simón Pedro jei chupe: “¿OreYa, ¿kía re pa ndoota nduyemboya?” jei. “Ndeeño ko nemɨmbeu kawi orewe tekowe opa mbae wae kërái nonoi waerä.

San Juan 8:18

“Añawe piyandu tëi ma che ayembeu pewe wae. Jare ime wi ïru jukuäraiete umɨmbeu oï che rewa. Jae ko cheRu chembou wae,” jei Jesús fariseo reta pe.

Hechos 2:22

Jare jei chupe reta wi: “Cherëtara Israel pewa reta, piyapɨsaka kawi chiñee re: Pe reta pikuaa kawi peï Jesús tëta wasu raɨ Nazaret pewa uyapo pepɨte rupi jeta mbaembae kiawe ipuere’ä uyapo wae. Tumpa etei ko uyapo jokua mbaembae reta Jesús rupi jare jukuärái uikuaaka tëi pewe Jesús ko jae Tumpa wi etei ou wae,” jei.

Romanos 4:11

Jare jaɨkue rupi ramo ko Tumpa jei Abraham pe uyembɨcircuncida waerä. Erëi ¿maera ra Tumpa jei Abraham pe uyapo waerä jokua? Jokua circuncisión ko jae pëti yembɨjaangaño, jare uikuaaka ïru wae reta pe kërái Tumpa umae ma iko Abraham re jeko mbae wae rami Abraham wɨrowia iñee re ramo. Jare kua uyeyapo ndei Abraham uyembɨcircuncidaka mbowe. Jáeramo opaete kía kía Tumpa jei wae re wɨrowia wae reta, yepe tëi ko aramoi jae reta uyembɨcircuncidaka mbae wae reta, erëi Abraham ko jae reta tuukue rami. Echa’ä Tumpa umae jese reta wi jeko mbae wae rami jae reta wɨrowia iñee re ramo.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

1 Corintios 6:13

Jare amokue pe reta pere peï kuärái: “Tembiu yanderɨe pewarä ko, jare yanderɨe tembiu pewarä ko wi. Erëi pëti ara Tumpa mokui rewe umbaita oï. Jare jukuärái ko yanderete oï wi. Pëti ara yanderete Tumpa umbaita oï. Jáeramo mbae’ä ko yayapo waerä awasa.” Jukuärái amokue pe reta pere tëi. Erëi jukuärai’ä ko. Añetete pëti ara yanderete kua ɨwɨ pewa opata oï. Erëi Tumpa umbɨjekowe yeta oï yanderete imbaepuere tuichaete wae rupi kërái jae umbɨjekowe ye yandeYa rami. Jayawe yanderete jae’ä ko awasa pewarä – jae ko yayeyokui kawi waerä yandeYa pe. Jare yandeYa ko jae yanderete iYa.

1 Corintios 9:2

Erëi amokue wae reta wɨrowia’ä yandeYa Cristo chembou wae. Erëi pe reta pikuaa kawi peï Cristo ko chembou wae, echa’ä che rupi ko pe reta etei perowia jese. Jesewe amokue wae reta iñera ñeño cheré.

2 Corintios 4:18

Jáeramo ore numae’ä mbaembae uyekuaa oï wae reño – jae ko mbaembae kua ɨwɨ pewaño. Ore numae mbaembae uyekuaa mbae wae re – jae ko mbaembae ara pewa re. Echa’ä mbaembae uyekuaa wae opata oï. Erëi jokua mbaembae uyekuaa mbae wae ndarau etei opa.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Filipenses 2:13

Jare kua pepuerete piyapo, echa’ä Tumpa etei ñanemɨkɨrëɨ jare umee yandewe mbaepuere yayapo waerä jokua mbaembae Tumpa umbɨyerowia wae.

Colosenses 1:29

Jokuaerä ko che aparawɨkɨ aï täta. Jare yepe tëi yawái ko, erëi Cristo imbaepuere rupi chemɨmɨräta che amɨamɨri waerä yembɨawái.

Colosenses 2:22

Erëi opaete kua mbaembae ndarau iko ɨma, jare opata ɨmambae yande yaiporu ma yawe. ¿Këraita pa jayawe ipuere yanemborɨ yayembujupi waerä Tumpa kotɨ? Kuimbae retaño ko yanemboe tëi jukuärái.

Colosenses 3:2

Jekuaeño pepɨa pe piyemɨngeta mbaembae ara pewa re – mbaetɨ mbaembae kua ɨwɨ pewa reño.

1 Tesalonicenses 1:3

Jare yandeRu Tumpa jowai jekuaeño oremandúa noï kërái perowia Tumpa re, jare kërái jokua pemɨkɨrëɨ oï piyeyokui kawi waerä chupe. Jare oremandúa noï wi kërái pe reta jekuaeño piyemborɨ katu peï, echa’ä piyerau päwe añetete rewe ramo. Jare jekuaeño oremandúa noï wi kërái perupɨa peï opaete yembɨawái reta. Echa’ä jukuärái peäro peï perowia katu rewe jokua ara yandeYa Jesucristo ou yeta oï wae. Jokua ara jae umɨñatimata oï yandewe opaete yaiporara wae re.

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

Hebreos 12:16

Jare awɨye piyapo awasa. Awɨye wi piko Esaú iko wae rami. Echa’ä jae uipɨu’ä Tumpa wi jare mbaembae Tumpa pewa wi. Echa’ä jokua taɨrɨpɨyekou Tumpa umeeta tëi iko chupe wae, Esaú owaka tɨwɨ pe tembiu reño.

Hebreos 4:11

Jáeramo ñañemɨatangätuta ko yaputuu waerä añetete pewa, awɨye waerä ñañererükumewa yanderamɨkue reta rami. Jae reta uñererükumewa, echa’ä uyapo’ä reta Tumpa jei wae ramo.

Santiago 1:11

Warasɨ jasɨ oï yawe jare jakuwo oï yawe, opa ñana ipiru jare mbaepotɨ reta opa usururu. Maepöra’ä etei ma. Jukuärái wi ikokatu wae reta uyembɨikokatu oï rewe ukañɨ oo ñonoï.

1 Pedro 1:24

Echa’ä jukuärái jei Tumpa iñeerɨru pe: “Opaete ɨwɨ pewa reta ñana rami ko. Jare opaete jae reta ipöra wae ñana ipotɨ rami ko. Echa’ä kërái ñana ipiru jare ipotɨ reta opa usururu rami, jukuärái wi ɨwɨ pewa reta ipɨräta opata ko jare umanota reta.

2 Pedro 1:17

Ore nduiko jae ndiwe yandeRu Tumpa umbɨyekuaa yawe Jesús imbaepuere jembipe wae. Kua uyeyapo jokua ɨwɨtu wasu Tumpa oñono tee wae re. Jare nduyandu wi ñee ara wi ou wae jei: “Kua ko jae cheRaɨ auete wae. Jae chembɨyerowiaete.” Jukuärái jei.