San Juan 6:14 - Biblia

¹⁴ Jukuärái Jesús uyapo mbae kiawe ipuere’ä uyapo wae uechaka waerä chupe reta Tumpa wi ou wae ko jae. Jare joko pe ñonoï wae reta kua uecha yawe, jei reta iyupe: “Kua kuimbae yepe jae Tumpa iñee umɨmbeu wae Moisés arakae jei Tumpa ombouta iko wae,” jei reta.

Guaraní Pe (Western): Simba

¹⁴ Jare joco pe ñugüɨnoi vae reta uecha ma yave cua mɨacañɨ Jesús uyapo vae, jei reta: —Cua cuimbae jocua Tumpa iñee umɨmbeu vae etei co. Echa'ã Tumpa iñee pe uyecuatía oĩ outa co ɨvɨ pe —jei reta.

San Juan 6:14 Iomraidhean Croise

San Mateo 11:3

pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta. Jayawe jukuärái uyapo reta.

San Mateo 21:11

Jare jokua jeta wae reta yuweru Jesús ndiwe wae reta jei chupe reta: “Kua ko jae Jesús tëta wasu Nazaret pewa, ɨwɨ Galilea pe oï wae. Tumpa ombou umɨmbeu waerä ñee chuwi etei ou wae,” jei reta.

San Lucas 24:19

“¿Mbae pa uasa?” jei Jesús chupe reta. “Jokua Jesús Nazaret pewa pe mbae uyeyapo wae re,” jei reta. “Echa’ä Tumpa ombou jae iñee umɨmbeu waerä. Jare jae uyapo imbaepuere rewe jeta mbaembae ikawi wae, jare ikawi oporomboe wi. Tumpa umae kawi jese, jare jae nunga wi opaete wae reta umae kawi jese,” jei reta.

San Lucas 7:16

Jayawe opaete wae ukɨye jare umbutuicha reta Tumpa jee jei rewe: “Tumpa iñee umɨmbeu wae imbaepuerete wae ou ma kua yandepɨte pe.” Jare jei reta wi: “Tumpa etei yanemborɨ oï, yande jae yandeparawo wae reta,” jei reta.

San Juan 1:21

Jayawe upɨrandu reta ye chupe: “Nde’ä ko jae Cristo yawe, jayawe ¿nde pa ko jae Elías arakae Tumpa iñee nemɨmbeuse wae ndiyekuaa ye ma kua ɨwɨ pe?” Jayawe Juan jei: “Jae’ä ko che.” “Jayawe ¿nde pa ko jae Tumpa iñee umɨmbeu wae Moisés arakae jei Tumpa ombouta iko wae?” jei reta chupe. “Jae’ä ko che,” jei chupe reta.

San Juan 11:27

“Arowia, cheYa,” jei Marta. “Arowia nde ko jae Cristo ndoe chupe wae. Arowia nde ko jae Tumpa Taɨ outa iko kua ɨwɨ pe wae,” jei chupe.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 4:19

Jare kuña jei chupe: “Añawe ramo che aikuaa nde yepe jae Tumpa nembou wae nemɨmbeu waerä jae iñee. Jayawe tapɨrandu ndewe mbae re,” jei.

San Juan 4:25

Jayawe kuña jei Jesús pe: “Che aikuaa jokua yae chupe Mesías wae outa oï – jae wi ko Cristo yae chupe wae. Jare jae ou yawe, umɨmbeuta oï yandewe opaete mbaembae rewa,” jei chupe.

San Juan 4:42

Jei reta kuña pe: “Añawe mbaetɨ ko nde nemɨmbeu orewe ramoño ndorowia noï jese. Añawe ore etei nduyapɨsaka ma jese. Jare añawe ore nduikuaa añetete yepe jae ko Upuruepɨ wae ou kua ɨwɨ pe wae,” jei reta kuña pe.

San Juan 6:2

Jare jeta wae reta yuraa jaɨkue, echa’ä uecha reta kërái Jesús umɨnguera imbaerasɨ wae reta imbaepuere rupiño. Jukuärái Jesús uyapo uechaka waerä chupe reta Tumpa wi ou wae ko jae.

San Juan 6:26

Jayawe Jesús jei chupe reta: “Che tae pewe añetete wae, che ayapo ma pewe mbaembae kiawe ipuere’ä uyapo wae pe reta pikuaa waerä tëi añetete kía ko che wae. Erëi jokua jeko pewa’ä ko pe reta chereka peï. Pe reta chereka peï jokua mbɨyape pemɨngapɨɨ wae ramoño,” jei.

San Juan 6:30

Jare jei reta Jesús pe: “¿Mbae pa ndiyapota orewe nduecha waerä jare ndorowia waerä nderé? Nduipota ndiyapo waerä orewe mbae tuicha wae mbaetɨ kiawe ipuere uyapo wae,” jei reta. “Arakaete Moisés umee yanderamɨkue reta pe maná jou reta waerä ɨwɨtini wasu rupi yureko reta rambuewe. Jukuärái ko jei Tumpa iñeerɨru pe, echa’ä joko pe uyekuatía oï kuärái: ‘Jae umee chupe reta mbɨyape ara pewa jou reta waerä,’ jei. Erëi nde, ¿mbae pa ndiyapota orewe ndorowia waerä nderé?” jei reta chupe.

San Juan 7:40

Jayawe uyandu reta yawe kua ñee, amokue wae reta jei: “Añetete yepe kua kuimbae iñee Tumpa wi etei ko ou. Jae ko jokua arakae Moisés jei outa iko wae,” jei reta.

Hechos 7:37

“Kua Moisés etei jei arakaete yanderamɨkue reta pe: ‘Pëti ara yandeTumpa ikoño mái wae ombouta oï pewe iñee umɨmbeuta wae ñaniñemoñaa reta ipɨte wi, jae chembou rami,’ jei Moisés chupe reta.