San Juan 6:11 - Biblia

¹¹ Jayawe Jesús uipɨsɨ jokua mbɨyape jare umee yasurupái Tumpa pe jese. Joko wi jae umee jemimboe reta pe, jemimboe reta umee yuapɨ ye waerä uwapɨ ñonoï wae reta pe. Jae nunga wi pira chariki mii uyapo kërái mbɨyape uyapo rami. Jare opaete wae reta ukaru jare opa ipunga reta. Jukuärái Jesús umbɨjeta mbɨyape jare pira umɨngaru waerä jokua jeta wae reta.

Guaraní Pe (Western): Simba

¹¹ Jayave Jesús uipɨsɨ jocua mbɨyape jare umee yasurupai Tumpa pe. Jayave umee mbɨyape jemimboe reta pe, jare jemimboe reta umee uguapɨ vae reta pe. Jae ramiño vi umee pira chupe reta. Jare opaete vae jou jare iyangapɨɨ.

San Juan 6:11 Iomraidhean Croise

San Mateo 15:36

Joko wi uipɨsɨ jokua chiu mbɨyape jare pira chariki mii reta, jare umee yasurupái Tumpa pe jese. Jare upɨsäa umee jemimboe reta pe, jemimboe reta umee yuapɨ ye waerä opaete uwapɨ ñonoï wae reta pe.

San Lucas 24:30

Jayawe jae reta uwapɨ mesa pe ukaru waerä. Joko wi Jesús uipɨsɨ mbɨyape, jare umee yasurupái Tumpa pe jese, jare upɨsäa umee chupe reta.

San Juan 21:10

Jare Jesús jei chupe reta: “Peru mbowɨ pira pipɨsɨ wae,” jei chupe reta.

San Juan 21:13

Jayawe Jesús oo upi mbɨyape jare umee chupe reta pira oyɨkue ndiwe.

San Juan 21:9

Jare yuweru ma uwäe reta yawe ɨ jembeɨ pe, uecha reta tata tatäpɨ rewe joko pe. Uecha reta wi pira tatäpɨ iáramo jare mbɨyape wi.

San Juan 6:23

Jayawe yuweru uwäe ïru chalana reta tëta wasu Tiberias wi joko pe. Joko wi mbɨrɨ'ä iko ïruwe ara pe ukaru reta wae – jae ko kiape jou reta mbɨyape yandeYa umbɨjeta chupe reta wae umee yawe yasurupái Tumpa pe.

San Juan 6:9

“Ime kua pe oï pëti kunumi ime onoi pandepo mbɨyape cebada pewa jare mokui pira chariki mii. Erëi jokua ndarau etei uepitɨ kua jeta wae reta pewarä,” jei chupe.

Hechos 27:35

Jare kua jei yawe, Pablo uipɨsɨ mbɨyape jare umee yasurupái Tumpa pe jese opaete wae jowake. Jayawe upɨsäa mbɨyape jare jou.

Romanos 14:6

Jokua oñono tee ñonoï ara reta wae, uyapo ko ñonoï umbutuicha waerä yandeYa jee jokua ara etei. Jae ramiño wi jokua uikuaa soo jou wae reta, jae reta wi ko wɨrowia uyapo ñonoï yandeYa umbɨyerowia waerä jare umeeñoi yasurupái Tumpa pe jembiu re. Jukuärái wi jokua soo jou mbae wae reta, jae nunga wi wɨrowia ko uyapo ñonoï yandeYa umbɨyerowia waerä jare umee wi yasurupái Tumpa pe jembiu re. Mokui rewe uyapo ñonoï ikawi wae Tumpa jowai.

1 Corintios 10:31

Awɨye mii jukuärái ere. Echa’ä pe reta pechakata ko pereko ikawi wae opaete wae jowake, jae reta umbutuicha waerä Tumpa jee pereko rupi. Jukuäraita ko piyapo mbaembae peu wae rupi jare ipotawe mbae piyapo wae rupi wi.

1 Tesalonicenses 5:18

Jare jekuaeño pemee yasurupái Tumpa pe ipotawe mbae uyeyapo pewe wae rupi. Echa’ä jukuärái ko Tumpa uipota piyapo waerä, pe pëti ramiño peï Jesucristo re wae reta.