San Juan 5:46 - Biblia

⁴⁶ Erëi Moisés uikuatía wae perowia yawe añetete rewe, chererowiata tëi ko. Echa’ä Moisés uikuatía wae cheré ko umɨmbeu.

Guaraní Pe (Western): Simba

⁴⁶ Echa'ã Moisés uicuatía vae perovia yave, chereroviata tẽi co. Echa'ã Moisés uicuatía vae che co chemɨmbeu —jei—.

San Juan 5:46 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Génesis 18:18

Echa’ä Abraham iñemoñaa reta rupi ayapota aï pëti tëta wasu tuicha wae jare imbaepuerete wae. Abraham rupi opaete ɨwɨ pewa reta uyekouta.

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 28:14

“Niñemoñaa reta jetaeteta ko ɨwɨkuïti ɨwɨ pewa jeta ye ye wae rami. Jae reta opata tɨnee kua ɨwɨ warasɨ uike wae kotɨ wi warasɨ oë wae kotɨ rewa, jare ɨaña kotɨ wi yembɨ kotɨ rewa. Jare opaete ɨwɨ pewa reta uyekouta nde rupi jare niñemoñaa rupi,” jei.

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 5:47

Erëi perowia’ä Moisés uikuatía wae ramo, ndarau wi perowia chiñee re.” Jukuärái jei Jesús judío itenondewa reta pe.

Hechos 26:22

Erëi Tumpa cherepɨ chuwi reta ramo, imeño aiko kua ara rewa. Jare jekuaeño amɨmbeu aï kua mbaembae opaete wae reta pe, iparawete wae reta wiwe jare mburuwicha reta pe awe,” jei. “Jokua mbaembae Moisés jare ïru kuimbae Tumpa iñee arakae umɨmbeu wae reta jei uyeyapota iko wae re, jokua reño ko che amɨmbeu wi.

Romanos 10:4

Erëi Cristo opa ma jupi uyapo yandepepɨka pe opaete Moisés uikuatía wae rupi. Jare jukuärái añawe Tumpa umae opaete kía Cristo re wɨrowia wae reta re jeko mbae wae rami.

Gálatas 2:19

Echa’ä ndarau kiawe ipuere umbɨyerowia Tumpa Moisés arakae uikuatía wae rupi. Jukuärái che aipotase tëi ayapo, erëi jokua Moisés uikuatía wae umaeño’ä cheré ambɨyerowia waerä Tumpa, echa’ä jaeño uikuaaka chewe teko pe aï ayawɨ ramo. Erëi añawe Moisés arakae uikuatía wae ndarau ye ma ime onoi mbaepuere cheré, echa’ä amano rami ma ko chuwi ramo. Añawe ramo chepuere aiko Tumpa pewarä añetete rewe.

Gálatas 3:10

Erëi opaete kía Moisés arakae uikuatía wae rupi uipota tëi uyembujupika Tumpa kotɨ wae reta, jae reta añetete ko ñonoï Tumpa iarasɨ pe. Echa’ä Tumpa iñeerɨru pe uyekuatía oï kuärái: “Kía mbaetɨ uyapo yawe opaetei Tumpa uikuatiaka wae rupi, Tumpa iarasɨ toa jese.” Jukuärái uyekuatía oï.

Gálatas 3:13

Jayawe yepe tëi yande yaiko’ä ko jupi rupi opaete Tumpa arakae jei Moisés pe wae rupi, jare jokua jeko pewa Tumpa iarasɨ pe yaikose, jesewe yandeYa Cristo yanderepɨ ma chuwi. Echa’ä Tumpa iarasɨ oata tëi iko yanderé wae oa Cristo re yandepepɨka pe jae uyekutuka iko kurusu re rambuewe. Jukuärái jei yandewe Tumpa iñeerɨru pe jei yawe: “Kía uyekutuka ɨwɨra re wae, Tumpa iarasɨ toa jese.”

Gálatas 3:24

Añetete, Tumpa arakae uikuaaka Moisés pe kërái nduiko kawi waerä, awɨye waerä nduiko ore ndoe wae rupiño. Jare Moisés uikuatía wae rupi nduiko rambuewe, jokua uyandareko iko oreré Cristo ou rewa. Erëi añawe Cristo ou ma ko. Jare ore ndorowia ma jese wae reta, Tumpa umae oreré orereko mbae wae rami. Jáeramo mbaetɨ ma ñaï Moisés uikuatía wae imbaepuere pe.