San Juan 5:4 - Biblia

⁴ Echa’ä jae reta wɨrowia amo amo pe uweyɨ pëti araɨwa omoomɨ waerä ɨ. Jare ɨ omɨ yawe, jokua imbaerasɨ wae tenondete uike jokua ɨ pe wae ukuerata ipotawe mbaerasɨ wi.

Guaraní Pe (Western): Simba

⁴ Echa'ã amo amo pe ugüeyɨ penti ángel omomɨ vaerã ɨ. Jare ɨ omɨ ma yave, jocua imbaerasɨ vae tenonde voi uique ɨ pe vae ucuera ipotave imbaerasɨ güi.

San Juan 5:4 Iomraidhean Croise

San Mateo 11:12

“Juan upurumbɨsakambu wae umbɨpɨ Tumpa iñee umɨmbeu wiwe añawe rewa, jeta wae reta uñemee ma ñonoï Tumpa pe Tumpa iko waerä jae reta imburuwicha wasurä. Jare jukuärái uñemɨái oo oï Tumpa imbaepuere mburuwicha wasu pewa. Erëi jeta jeko kachi wae reta uipota tëi oyopia reta,” jei.

San Mateo 6:33

“Opaetei mbae wi piñono tenonde Tumpa pemburuwicha wasurä opaete mbaembae rupi. Jare pekɨrëɨ piyapo jupi rupi jae jowai. Jare jukuärái piyapo yawe, jae umeeta pewe wi jokua mbaembae uata oï pewe wae,” jei chupe reta.

San Lucas 13:24

“Jeta wae reta uipotata tëi jokua. Erëi ikota chupe reta pëti öke ipɨraɨ wae jeta wae reta uipota tëi uike pɨpe wae rami. Jáeramo piñemɨatangätu pike waerä jokoropi,” jei.

San Lucas 16:16

Jayawe Jesús jei wi chupe reta: “Ndei Juan ou mbowe, Moisés jare ïru arakae Tumpa iñee umɨmbeu wae reta uikuatía wae uyemɨmbeu,” jei. “Erëi Juan ou wiwe ñee ikawi wae uyemɨmbeu ma oï kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jeta wae reta uipota Tumpa iko waerä imburuwicha wasurä,” jei.

San Juan 5:3

Jokua korero rupi uyapakua yureko jeta imbaerasɨ wae reta – jae ko jesa mbae wae reta, jare ipuere mbae uwata wae reta, jare ipuere mbae omɨ wae reta wi. Opaete kua reta uäro yureko ɨ omɨ waerä.

San Juan 5:5

Jare imbaerasɨ wae reta ipɨte pe oï pëti kuimbae treinta y ocho año ma ipuere mbae uwata wae.

San Juan 5:7

“Aipota tëi,” jei parawete, “erëi mbaetɨ kía chemɨinge waerä ɨ pe ɨ omɨ yawe. Yepe tëi che añapañere a parawete, erëi jesewe imeñoi kía tenonde uike chewi wae,” jei chupe.

1 Corintios 6:11

Jare jukuärái pikose amokue pe reta. Erëi añawe Tumpa opa oyoe pewi opaete kua mbaembae ikawi mbae wae. Añawe jae peñono tee jae imaerä jare umae peré pereko mbae wae rami. Jukuärái Tumpa uyapo iEspíritu rupi, echa’ä añawe pe reta peï pëti ramiño yandeYa Jesucristo re ramo. Jáeramo awɨye ye ma piko jupi mbae wae reta rami.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.