San Juan 5:39 - Biblia

³⁹ “Pe reta peratangätu peï piyemboe waerä Tumpa iñee re, echa’ä perowia peï jokoropi ko pikuaata tekowe opa mbae wae penoi waerä. Jokua jaekawi tëi ko, echa’ä Tumpa iñee pe cheré ko umɨmbeu oï.

Guaraní Pe (Western): Simba

³⁹ Jecuaeño pemɨngueta Tumpa iñee pe uyecuatía oĩ vae. Echa'ã pepɨa pe piyemɨngueta joco pe pevãe quirãi pepuere penoi tecove opa mbae vae. Jare Tumpa iñee pe uyecuatía oĩ vae che co chemɨmbeu —jei Jesús chupe reta—.

San Juan 5:39 Iomraidhean Croise

Salmo 16:11

Nde ndikuaaka chewe chembɨjekowe yeta neï wae umanokue wae reta ipɨte wi. Jare ayerowiaeteta, echa’ä nde che ndiwe neïta jaeño mái pewa ramo.

Isaías 8:20

Ikawi ko yaeka waerä chupe iyarakuaa jare jokua jae jei wae. Kía ambɨe ye jei Tumpa iñee re wae oï pɨ̈tumimbi pe.

San Mateo 22:29

Jayawe Jesús jei chupe reta: “Pe reta pikuaa’ä Tumpa iñee uyekuatía oï wae, jare pikuaa’ä etei wi kërái ko Tumpa imbaepuere wae. Jáeramo piyawɨ ko piyemɨngeta umanokue wae reta rewa.

Marcos 10:3

Jayawe Jesús jei chupe reta: “¿Kërái pa Moisés uikuatía wae pemɨngeta kua rewa?” jei chupe reta.

Marcos 12:10

“¿Pemɨngeta’ä yerá Tumpa iñeerɨru pe uyekuatía oï wae? Echa’ä joko pe uyekuatía oï umbɨjaanga rewe Upuruepɨ wae re kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi.

San Lucas 16:29

“Jayawe Abraham jei chupe: ‘Nderɨwɨ reta ime onoi Tumpa iñeerɨru. Tuyapɨsaka reta jokua re,’ jei chupe.

San Lucas 16:31

“Erëi Abraham jei chupe: ‘Ipuere ko kía ikowe ye oo tëi nderɨwɨ reta pe umanokue wae reta ipɨte wi. Erëi jokuawe ndarau wɨrowiaka chupe reta Tumpa re, jae reta uipota’ä uyapɨsaka yawe Tumpa iñeerɨru re,’ jei chupe.” Jukuärái jei Jesús jemimboe reta pe.

San Lucas 24:25

Jayawe Jesús jei chupe reta: “Pearakuaa mbae echa ko pe reta. ¿Pepuere’ä mbate pa pikuaa? Echa’ä arakaete ma Tumpa iñee umɨmbeu wae reta uikuatía kua mbaembae uasata iko wae. ¿Këraita pa ndeiño perowia jese?” jei chupe reta.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 5:32

Erëi ime ïru wae umɨmbeu oï wi che rewa. Jae ko Juan. Jare che aikuaa jokua jae umɨmbeu pewe wae añetete ko,” jei chupe reta.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 5:40

Erëi pe reta pipota’ä etei peyu chekotɨ penoi waerä tekowe opa mbae wae,” jei chupe reta.

San Juan 5:46

Erëi Moisés uikuatía wae perowia yawe añetete rewe, chererowiata tëi ko. Echa’ä Moisés uikuatía wae cheré ko umɨmbeu.

San Juan 7:52

Erëi ïru reta jei Nicodemo pe: “¿Nde yerá jae wi Galilea pewa? Yaecha iyemboe kawi jese. Tumpa pëti wese awe uiparawo’ä kía Galilea pewa jae iñee umɨmbeu waerä,” jei reta chupe.

Hechos 13:27

“Tëta wasu Jerusalén pewa reta jare itenondewa reta wɨrowia’ä Jesús ko jae Upuruepɨ wae Tumpa wi ou wae. Jae reta uikuaata tëi ko kua rewa. Echa’ä opa mbutuu ara pe uyapɨsaka reta tëi kía umɨngeta Tumpa iñee arakae umɨmbeu wae reta uikuatía wae re. Jare joko pe uyekuatía kawi oï Upuruepɨ wae outa iko wae rewa,” jei. “Erëi jae reta uikuaa kawi’ä. Jáeramo umbɨjeko reta Jesús uyukaka reta waerä. Jare jukuärái opa uyapo reta jokua uyekuatía oï wae uikuaaka yandewe uyeyapota iko wae,” jei.

Hechos 17:11

Jokua tëta wasu pewa judío reta jeko kawiete tëta wasu Tesalónica pewa reta wi. Echa’ä jae reta jekuaeño ikɨrëɨ rewe uyapɨsaka reta Tumpa iñee re. Jare opa ara rupi umɨngetañoi reta Tumpa iñee uyekuatía oï wae uikuaa kawi reta waerä añetete ra ko Pablo oporomboe wae.

Hechos 26:27

Jare Pablo jei mburuwicha wasu Agripa pe: “Chemburuwicha wasu Agripa, ¿nderowia pa Tumpa iñee arakae umɨmbeu wae reta uikuatía wae? Che aikuaa nderowia ko jese,” jei chupe.

Romanos 1:2

Jare jae ko ñee Tumpa jei arakae rupi uikuaakata iko yandewe wae. Echa’ä jukuärái uikuatía Tumpa iñee arakae umɨmbeu wae reta Tumpa iñeerɨru jupi wae rupi.

Romanos 3:2

Che tae jaekawiete ko judiorä yaiko wae. Echa’ä Tumpa umee yandewe iñee yayandareko kawi waerä jese awɨye waerä ukañɨ.

Colosenses 3:16

YandeYa Cristo iñee jekuaeño tuiko pepɨa pe. Piyembɨarakuaa päwe opaete arakuaa rewe. Pekäta wi Tumpa pe pemee rewe yasurupái chupe salmo reta, jare himno reta, jare ipotawe käta reta Tumpa jee pembutuicha waerä.

Hebreos 11:16

Erëi jukuärai’ä uyapo reta. Jae reta ikɨrëɨete yureko pëti ɨwɨ ikawiete ye wae pe – jae ko ɨwɨ ara pe oï wae pe. Jáeramo Tumpa uyerowiaete jae reta iTumparä iko ramo. Jukuärái yaikuaa, echa’ä Tumpa uyapɨkatu pëti tëta wasu jae reta imaerä ara pe.

Hebreos 11:35

Amokue kuña reta wɨrowia Tumpa re ramo, uecha ye jëtara umano chuwi wae, echa’ä Tumpa umbɨjekowe ye ueru chupe reta umanokue wae reta ipɨte wi ramo. Erëi amokue wɨrowia Tumpa re wae reta tuicha uiporara jowaicho reta ipo pe jare umano reta. Jae reta ueya yawe Tumpa re wɨrowia wae, jayawe opoita tëi chuwi reta. Erëi jae reta uiporara Tumpa uikuaku mbae rewe. Echa’ä uikuaa reta jukuärái ikawieteta iko chupe reta Tumpa umbɨjekowe ye ueru reta yawe.

Josué 1:8

“Jekuaeño iyemboe kawi chiñee uyekuatía oï wae re. Ara rupi jare pɨ̈tu rupi iyemɨngeta ndepɨa pe jesewa jekuaeño nemandúa ndiyapo kawi waerä opaete che jae wae rupi,” jei. “Jukuärái ndikokatuta jare ikawita ndiko opaete mbaembae ndiyapo wae rupi,” jei.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.