San Juan 5:37 - Biblia

³⁷ “Jare jokuaño’ä ko. CheRu chembou wae, jae etei ko uikuaaka pewe kía ko che wae. Erëi pe reta pecha’ä etei, jare iñee piyandu’ä etei wi.

Guaraní Pe (Western): Simba

³⁷ CheRu chembou jare jae etei chemɨmbeu. Piyandu'ãi cheRu iñee jare peecha'ãi —jei—.

San Juan 5:37 Iomraidhean Croise

Éxodo 20:19

Jare jei reta Moisés pe: “Ore nduyapɨsakata nderé nde oremɨngeta yawe,” jei. “Erëi ndukɨyete noï numanota ko Tumpa oremɨngeta yawe,” jei reta Moisés pe.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Mateo 3:17

Jare uyendu ñee ara wi jei kuärái: “Kua ko jae cheRaɨ auete wae. Jae chembɨyerowiaete oï,” jei.

Marcos 1:11

Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Lucas 3:22

Jare Espíritu Santo uweyɨ ou ara wi Jesús re pëti pɨkasu rami. Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 14:9

Jare Jesús jei chupe: “Che ɨma ma aï pe reta ndiwe. ¿Këraita pa nde chekuaa’ä, Felipe?” jei chupe. “Kía cherecha wae, uecha ma ko cheRu. ¿Këraita pa nde ndere neï chewe, ‘Echaka mii orewe ndeRu’?” jei chupe.

San Juan 5:32

Erëi ime ïru wae umɨmbeu oï wi che rewa. Jae ko Juan. Jare che aikuaa jokua jae umɨmbeu pewe wae añetete ko,” jei chupe reta.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

San Juan 8:18

“Añawe piyandu tëi ma che ayembeu pewe wae. Jare ime wi ïru jukuäraiete umɨmbeu oï che rewa. Jae ko cheRu chembou wae,” jei Jesús fariseo reta pe.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

1 Juan 4:12

Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

1 Juan 5:9

Jare yandepuerete yarowia kua ñee re, echa’ä Tumpa wi etei ko ou jare uikuaaka yandewe jae Taɨ re etei. Ou’ä ko ipotawe kuimbae wi.