San Juan 5:35 - Biblia

³⁵ “Juan ikose pëti mechero jendɨ jare umbɨembipe iko wae rami. Jare pe reta michi pewa miño pipota piyerowia piko jae iñee re.

Guaraní Pe (Western): Simba

³⁵ Juan co jae penti mechero rami. Echa'ã mechero jendɨ jare umee yandeve tembipe. Ɨma ngatu rupi icavi echa peve piyerovia vaerã tembipe Juan umee peve vae re —jei—.

San Juan 5:35 Iomraidhean Croise

San Mateo 11:11

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan upurumbɨsakambu wae wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Mateo 21:26

Erëi yae yawe, ‘Kuimbae retaño ko ombou,’ jayawe ipuereta kua uyembatɨ ñonoï wae reta uyembopochɨ yandekotɨ. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

Marcos 1:5

Jare jeta ɨwɨ Judea pewa reta jare tëta wasu Jerusalén pewa reta yuraañoi reta Juan oï wae pe uyapɨsaka reta waerä iñee re. Jare opaete wae jowake uyembeu reta uñemɨmichi rewe kërái Tumpa kotɨ uyawɨ reta wae. Jare uyembeu reta ma yawe, Juan umbɨsakambu reta ɨ wasu Jordán jee wae pe.

Marcos 6:20

Echa’ä Herodes uikuaa Juan jae ko kuimbae jupi wae jare Tumpa pe uyeyokui wae. Jáeramo uipɨu chuwi, jare umaeño’ä kía re awe uyapo waerä chupe mbae ikawi mbae wae. Jare yepe tëi Herodes tuicha uyembɨpɨa’ä Juan jei chupe wae re, jesewe jekuaeño uipota uyapɨsaka jese.

San Lucas 7:28

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Juan 6:66

Joko wiwe jeta Jesús ndiwe uwata wae reta opa uñatima yewɨ jare uipota’ä ye ma uwata reta jae ndiwe.

2 Pedro 1:19

Jokua ñee re pe reta pepuere perowia. Jae nunga wi pepuere perowiaete Tumpa iñee arakae umɨmbeu wae reta uikuatía wae re. Jare ikawi ko pe reta piyapɨsaka kawi waerä jese. Echa’ä jae reta iñee pëti mechero pɨ̈tumimbi pe jendɨ oï wae rami ko. Jare jukuärái ikota Jesucristo ou ye rewa. Jokua ara uwäe yawe, Cristo ikota yasɨtata ndimbowe uyekuaa wae rami, echa’ä jae umbɨembipe pɨau yeta yandepɨa pe.