San Juan 5:34 - Biblia

³⁴ Che aeka’ä kiawe umɨmbeu waerä che rewa. Erëitu kua re pumɨmandúa aï aramoi pe reta perowia waerä Juan jei wae re, jare jukuärái Tumpa perepɨ waerä teko penoi wae wi,” jei chupe reta.

Guaraní Pe (Western): Simba

³⁴ Che aeca'ã quía chemɨmbeu vaerã, ẽrei cua che jae peve piyembɨasaca vaerã —jei Jesús—.

San Juan 5:34 Iomraidhean Croise

San Lucas 13:34

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 5:32

Erëi ime ïru wae umɨmbeu oï wi che rewa. Jae ko Juan. Jare che aikuaa jokua jae umɨmbeu pewe wae añetete ko,” jei chupe reta.

San Juan 5:41

“Chemaerä, mbae’ä ko kía reta chembutuicha waerä.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

Romanos 10:1

Hermano mii reta, aipota tëi ko Israel iñemoñaa reta opaete onoi waerä tekowe opa mbae wae. Jáeramo jekuaeño täta rupi ayerure aï jese reta Tumpa pe.

Romanos 10:21

Erëi Isaías imiäri yawe Israel iñemoñaa reta rewa, jei kuärái: “Tumpa jei ipɨatɨtɨ rewe: ‘Ɨma rupi ma aeni tëi anoi reta uñatima ye chekotɨ waerä. Erëi jae reta jekuaeño uyembowaicho ñonoï chekotɨ, jare uipota’ä etei uyapo reta che jae wae rupi,’ jei Tumpa.” Jukuärái uikuatía Isaías arakae.

Romanos 12:21

Jayawe kía uyapo pewe mbae ikawi mbae wae yawe, piyapo ikawi wae chupe. Awɨye piyepɨ jese. Echa’ä piyepɨ jese yawe, piñemɨamɨrikata jokua mbae ikawi mbae wae pe. Mbae ikawi wae rupi ko pemɨamɨrita mbae ikawi mbae wae.

Romanos 3:3

Erëi aramoi kía jeita: “Jukuärái tëi añetete. Erëi amokue yande judío yaiko wae reta yarowia’ä Tumpa iñee re. Jáeramo Tumpa ndarau uyapo mbaembae jae jei uyapota tëi yanemaerä wae.” Jukuärái ipuere jei tëi kía. Erëi ¿añetete ra Tumpa ndarau uyapo jae jei yandewe wae?

1 Corintios 9:22

Jae ramiño wi che aï yawe ipɨräta’ä ñonoï Tumpa kotɨ wae reta ipɨte pe, che ayeyapo wi jae reta rami. Echa’ä aipota jae reta chererowia katu waerä jare uyekou reta waerä che aporomboe wae rupi. Jayawe jukuärái ko che aiko ipotawe kiape aï wae rupi. Che ayeyapo jae reta rami uyapɨsaka reta waerä chiñee re. Jukuärái aramoi amokue wae reta wɨrowiata chiñee re jare Tumpa uepɨta reta Tatawasurenda wi.

1 Timoteo 4:16

Jare iyandareko kawi ndiyé ndiko kawi waerä jare ndeporomboe kawi waerä. Jekuaeño iñemɨatangätu kua mbaembae re. Echa’ä jukuärái ndiyapo yawe, Tumpa uepɨta jokua nderé uyapɨsaka wae reta kërái jae nderepɨta oï wae rami.

1 Juan 5:9

Jare yandepuerete yarowia kua ñee re, echa’ä Tumpa wi etei ko ou jare uikuaaka yandewe jae Taɨ re etei. Ou’ä ko ipotawe kuimbae wi.