San Juan 5:30 - Biblia

³⁰ Jare Jesús jei wi judío itenondewa reta pe: “Cheiño chepuere’ä mbae ayapo. Jayawe jokua ara che jae yawe ɨwɨ pewa reta jeko rewa, ayapota’ä aï cheño aipota wae rupi. CheRu ko jeita oï chewe mbae jae waerä. Jáeramo jupi ko jokua mbae che jaeta aï wae, echa’ä mbaetɨta ayemɨngeta aï che aipota waeño. Ayemɨngetata aï chembou wae uipota wae,” jei chupe reta.

Guaraní Pe (Western): Simba

³⁰ Cheiño chepuere'ã mbae ayapo. Che apuruãa cheRu umɨmbeu cheve vae rupi. Jáeramo apuruãa jupi vae rupi. Echa'ã ayapo'ã jae vae rupiño. Ayapo chembou vae jei vae rupi —jei—.

San Juan 5:30 Iomraidhean Croise

Génesis 18:25

Ndarau nembái jupi wae reta jupi mbae wae reta ndiwe. Ndarau jupi wae reta nemboyowakeño jupi mbae wae reta ndiwe. Nde ko jae opaete ɨwɨ pewa reta iYa jupi wae, jare ndiyapota jupi wae rupi,” jei Abraham Tumpa pe.

San Mateo 26:39

Jayawe Jesús usɨrɨ katu chuwi reta, jare uñeñono ipɨtía re ɨwɨ re. Jare uyerure Tu pe kuärái: “CheRu mii, nde ndipota yawe, embɨasa mii chewi kua aiporarata aï wae. Erëi awɨye tuyeyapo che jae waeño. Tuyeyapo chewe nde ndere wae,” jei.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 17:4

“Añawe che opa ma ayapo mbarawɨkɨ nde nemee chewe wae. Jare jukuärái ambutuichaka ma nderee kua ɨwɨ pewa reta jowake,” jei.

San Juan 18:11

Jayawe Jesús jei Pedro pe: “Iñono ye ndekɨsepuku jɨru pe. CheRu umee chewe aiporara waerä wae, aiporara ñotái ko,” jei chupe.

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

San Juan 8:50

“Añetete chemaerä che aipota’ä ayembutuicha. Erëi ime oï pëti wae uipota cheree uyembutuichaka waerä. Jae ko cheRu Tumpa. Jae uikuaakata chiñee añetete wae ko,” jei.

Romanos 15:3

Ñamae mii yandeYa Cristo re. Echa’ä yepe tëi jae ko opaete wae iYa, erëi jae awe uyapo’ä mbae uyembɨyerowia waerä. Jae uyapo yandeRu Tumpa jei wae, yepe tëi täta uiporara jokua jeko pewa. Jukuärái uikuaaka yandewe Tumpa iñeerɨru pe. Echa’ä joko pe yaikuaa Cristo jei Tu pe kuärái: “Jokua ñee ikawi mbae oï ndekotɨ wae, jae nunga wi oa oï cheré.” Jukuärái uyekuatía oï.

Romanos 2:2

Yaikuaa ñaï Tumpa uyapo oï jupi wae rupi jae uiporaraka yawe jokua teko ikawi mbae uyapo wae reta pe.

Romanos 2:5

Erëi nde ndipota’ä ndeya jare jekuaeño ndepɨatäta neï. Jare jokua jeko pewa Tumpa iarasɨ wasu jekuaeño ukuakuaa oï ndekotɨ. Jare Tumpa jokua uitɨta oï nderé uwäe yawe ara opaete ɨwɨ pewa reta uyemboɨ waerä jae jowai jae jei waerä jae reta jeko re. Jare jokua ara ramo Tumpa uiporarakata oï ndewe täta rupi.