San Juan 5:29 - Biblia

²⁹ Ikawi wae uyapo wae reta ikowe yeta onoi waerä tekowe opa mbae wae. Jare ikawi mbae wae uyapo wae reta ikowe yeta uiporara waerä jaeño mái pewa,” jei chupe reta.

Guaraní Pe (Western): Simba

²⁹ Icavi vae uyapo vae reta icove yeta ou tecove opa mbae vae güɨnoi vaerã, jare icavi mbae vae uyapo vae reta icove yeta ou uñeãaca vaerã —jei Jesús chupe reta—.

San Juan 5:29 Iomraidhean Croise

Hechos 24:15

“Jae nunga wi tamɨmbeu ndewe che arowia Tumpa umbɨjekowe yeta oï umanokue reta wae. Jae umbɨjekowe yeta oï jupi wae reta jare jupi mbae wae reta. Jukuärái ko wɨrowia tëi wi kua chembɨjeko wae reta.

1 Timoteo 6:18

Jare ere wi chupe reta uyapo waerä jeta mbaembae ikawi wae, jare jekuaeño umee reta waerä mbaembae onoi wae wi omborɨ waerä uata oï chupe reta wae pe.

Hebreos 10:27

Jaeño ma ñaärota yakɨye rewe Tumpa uiporaraka waerä yandewe. Añetete koiño ma oï ara Tumpa opa umbái waerä jowaicho reta kërái tata tuicha jendɨ wae mbae opa uapɨ wae rami.

Hebreos 13:16

Jare jekuaeño yanemandúa yayapo waerä ikawi wae jare yayemborɨ katu waerä päwe rewe ime ñanoi wae rupi. Echa’ä jukuärái rupi ko yambɨyerowia ñaï wi Tumpa añawe rupi.

1 Pedro 3:11

Tusɨrɨ ikawi mbae wae wi, jare tuyapo ikawi wae. Jekuaeño tueka kërái iko waerä ipɨakatu rewe opaete wae ndiwe.