San Juan 5:25 - Biblia

²⁵ “Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

Guaraní Pe (Western): Simba

²⁵ Añete che jae peve, outa ma ara - jáema ou - umanocue vae reta uyandu vaerã chiñee - che co jae Tumpa Taɨ - jare uyandu vae reta icove yeta co —jei Jesús chupe reta—.

San Juan 5:25 Iomraidhean Croise

San Lucas 15:24

Echa’ä kua cheraɨ mii umano rami iko chewi, jare añawe ikowe ye rami ma ko chewe. Jare ukañɨ iko chewi, jare añawe ou wɨte ye ma chepɨ,’ jei tu. Jayawe umbɨpɨ jorɨkatu reta,” jei Jesús chupe reta.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

San Lucas 9:60

Jayawe Jesús jei chupe: “Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe. “Erëi nde, ekua emɨmbeu kërái Tumpa imbaepuere mburuwicha wasu pewa uyembɨpɨ ma kua ɨwɨ pe,” jei chupe.

San Juan 13:1

Añawe koiñoete ma iko pascua iara reta yemɨmandúa pewa. Jare Jesús uikuaa uwäe ma ara ueya waerä kua ɨwɨ oo ye waerä Tu oï wae pe. Jae uauño mái jemimboe reta kua ɨwɨ pe ñonoï wae. Jare añawe jae uechakata iko chupe reta kërái jae uauete reta wae.

San Juan 17:1

Kua jei ma yawe, Jesús jowaɨwa ara kotɨ umae jare jei: “CheRu mii, uwäe ma ara che amano waerä,” jei. “Añawe kua mbae asata aï wae rupi, ikuaaka mii che ndeRaɨrä aiko wae cheree tuichaete ye ko wae. Jayawe chepuereta aikuaaka nderee tuichaete ye ko wi,” jei.

San Juan 4:21

Jayawe Jesús jei chupe: “Iyapɨsaka cheré. Uwäeta ma ara awɨye waerä peo pea ɨwɨtu wasu re pembutuicha waerä yandeRu jee. Jare peota’ä wi Jerusalén pe awe,” jei.

San Juan 4:23

“Erëi uwäeta ara – jae ko añawe etei – jokua añetete rewe Tumpa jee umbutuicha wae reta imeta onoi Tumpa iEspíritu ipɨa pe. Jare jae reta umbutuichata ñonoï Tumpa jee Tumpa iEspíritu rupi jare añetete wae rupi kawi. Jokua nunga reta ko yandeRu Tumpa ueka oï umbutuicha reta waerä jae jee.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 5:28

“Awɨye pepɨakañɨ kua che jae pewe wae re. Echa’ä uwäeta ara opaete umanokue wae reta uyandu waerä chiñee.

San Juan 6:60

Kua uyandu reta yawe, jeta Jesús ndiwe uwata wae reta jei iyupe: “Kua jae jei wae yawaiete ko. ¿Kía ra jayawe ipuereta wɨrowia jese?” jei reta.

San Juan 8:43

“¿Maera pa pikuaa kawi’ä kua che aikuaaka pewe wae? Echa’ä pe reta pipota’ä piyapɨsaka peï chiñee re. Jáeramo jokua jeko pewa ko pe reta pikuaa’ä peï,” jei chupe reta.

San Juan 8:47

Echa’ä pe reta Tumpa taɨ'ä ko. Jokua jeko pewa pipota’ä piyapɨsaka. Jaeño Tumpa taɨ reta uyapɨsaka Tumpa iñee re,” jei Jesús chupe reta.

San Juan 9:27

“Amɨmbeu tëi ma pewe,” jei kuimbae, “erëi pe reta pipota’ä piyapɨsaka cheré. Jáeramo, ¿maera pa pipota jekuae amɨmbeu ye pewe? ¿Pipota yerá piko jae jemimboe retarä wi?” jei chupe reta.

Romanos 6:4

Jare yande ñamano rami ma Cristo ndiwe ramo, ñaneñono rami wi ko jae ndiwe teöwerenda pe. Erëi Cristo upɨta’ä joko pe. Echa’ä yandeRu Tumpa imbaepuere jupiete ye wae rupi umbɨjekowe ye Cristo ueru umanokue wae reta ipɨte wi. Jare jukuärái rami uyapo yandewe wi yandepuere yaiko waerä tekowe ipɨau wae rupi – mbaetɨ jekuaeño yaiko waerä teko kachi rupi.

Efesios 2:1

Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.