San Juan 5:23 - Biblia

²³ “Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Guaraní Pe (Western): Simba

²³ Jucuarãi opaete vae chepɨuta uipɨu cheRu rami. Chepɨu'ã vae uipɨu'ã vi cheRu. Echa'ã jae co chembou —jei—.

San Juan 5:23 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 10:37

“Erëi ime yawe kía uauete tu jare ichɨ chewi wae, jupi’ä ko iko waerä cheremimboerä. Jae ramiño wi ime yawe kía uauete isambiaɨ reta chewi wae, jupi’ä ko iko waerä cheremimboerä.

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Mateo 12:21

Jare jeta judío mbae wae reta wi wɨrowiata jese.” Jukuärái jei arakae Tumpa Upuruepɨ wae rewa.

San Mateo 15:8

‘Kua reta iyuru wiño ko uipɨu chewi,’ jei Tumpa. ‘Erëi ipɨa pe uipɨu’ä etei chewi reta.

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

San Lucas 10:16

“Ime yawe kía uyapɨsaka peré wae, cheré uyapɨsaka oï rami ko. Jare ime yawe kía pererɨ̈ro wae, che etei ko chererɨ̈ro wi. Jare chererɨ̈ro wae, wɨrɨ̈ro wi ko chembou wae.” Jukuärái Jesús jei jokua setenta jemimboe reta pe ndei jae omondo reta mbowe.

San Juan 14:1

Jayawe Jesús jei wi jemimboe reta pe: “Awɨye pepɨatɨtɨ. Perowia Tumpa re jare perowia wi cheré,” jei chupe reta.

San Juan 16:14

“Jare jokuaño’ä ko. Jae nunga wi Espíritu Santo uikuaakata oï pewe che aikuaaka chupe wae, jare jukuärái jae cheree umbutuichakata oï,” jei chupe reta.

San Juan 17:10

“Opaete chembae reta nembae ko wi. Jare opaete nembae reta chembae ko wi. Jare jae reta mbaembae uyapo wae rupi cheree uyembutuichaka oï,” jei.

Romanos 1:7

Aikuatía aï pewe kua tupapire mii opaete tëta wasu Roma pe piko wae pe, Cristo re perowia wae reta pe. Tumpa perau jare pereni piko tee waerä jae imaerä. YandeRu Tumpa jare yandeYa Jesucristo jekuaeño tipɨakawi pewe jare tuyapo pewe piko waerä pepɨakatu rewe.

Romanos 15:12

Jare uyekuatía oï wi kërái Isaías arakaete jei kuärái: “Outa oï pëti wae Isaí iñemoñaa pewa. Jae ikota judío mbae wae reta imburuwicha wasurä. Jare jese ko judío mbae wae reta wɨrowia katuta ñonoï.” Jukuärái uyekuatía oï.

Romanos 6:22

Erëi añawe, ime yawe jokua kɨrëɨ mbae kachi piyapo waerä wae, jokua kɨrëɨ ndarau ye ma onoi mbaepuere peré. Ndarau ma piko jokua kɨrëɨ pe täta rupi piyeyokui waerä, echa’ä Tumpa peyora ma ko chuwi jare añawe täta rupi piyeyokui peï Tumpa pe. Jare jokua ikawita oï pewe, echa’ä opa ara rupi jekuaeño pereko oya katu oo oï jupi wae re. Jare jae nunga wi perekowe opa yawe kua ɨwɨ pe, imeta penoi tekowe opa mbae wae.

Romanos 8:9

Erëi añawe pe reta mbaetɨ ma piko jae reta rami. Mbaetɨ ma piko pe reta pere wae rupiño. Añawe Espíritu Santo uyembɨiya ma peré, echa’ä Tumpa iEspíritu oï pepɨa pe ramo. Jare ikawi ko yaikuaa waerä wi kua: mbaetɨ onoi Cristo iEspíritu wae Cristo pewa’ä ko.

1 Corintios 1:3

YandeRu Tumpa jare yandeYa Jesucristo jekuaeño tipɨakawi pewe jare tuyapo pewe piko waerä pepɨakatu rewe.

1 Corintios 10:31

Awɨye mii jukuärái ere. Echa’ä pe reta pechakata ko pereko ikawi wae opaete wae jowake, jae reta umbutuicha waerä Tumpa jee pereko rupi. Jukuäraita ko piyapo mbaembae peu wae rupi jare ipotawe mbae piyapo wae rupi wi.

1 Corintios 16:22

Ime yawe kía uau’ä yandeYa Jesucristo wae, Tumpa tuiporaraka chupe. ¡Eyu ye, nde, oreYa!

1 Corintios 6:19

Ani aramoi ¿pikuaa’ä yerá piko perete ko jae Espíritu Santo jëta wae? Jukuärái ko, echa’ä Tumpa umbɨepɨ ma ko jepɨete ye wae pe reta piko waerä jae imaerä, jare umee pewe Espíritu Santo pepɨa pe oï wae. Jáeramo añawe perete jare perekowe pembae’ä ma ko. Jae ko Tumpa imaerä. Jáeramo pembutuicha Tumpa jee mbaembae piyapo perete pɨpe wae rupi.

2 Corintios 1:9

Añetete ko, ndorowia tëi jaeño mái opa nukañɨ. Erëi kua uasa orewe ore nduyemboe waerä orepuere’ä ko nduyeko oriyé orepɨräta reño. Jaeño orepuere nduyeko Tumpa re, echa’ä jaeño ipuere umbɨjekowe ye umanokue wae reta.

2 Corintios 13:14

YandeYa Jesucristo jekuaeño tipɨakawi pewe. Jare yandeRu Tumpa jekuaeño tuechaka pewe perau wae. Jare jae nunga wi Espíritu Santo jekuaeño tuñemɨïru kawi opaete pe reta ndiwe. Jukuärái tuiko.

2 Corintios 5:14

Echa’ä ore nduikuaa Cristo yanderauete ko, jare jokua oremɨatangätu oï. Echa’ä nduikuaa Cristo umano yanderé. Jáeramo opaete yande ñamano rami wi ko yandereko indechikue wi.

Efesios 6:24

Tumpa tipɨakawi opaete yandeYa Jesucristo uauete wae reta pe. Jukuärái tuiko.

2 Timoteo 1:12

Jáeramo Jesucristo jowaicho reta cheñonoka kua peresorɨru pe. Erëi che chemara’ä aï aiporara aï wae re, echa’ä aikuaa aï Jesucristo. Jare arowia katu aï jese chemborɨta oï wae opa ayapo waerä jokua jae umee chewe ayapo waerä wae. Jare jokua ara jae ou ye yawe, jae umeeta oï chewe mbae ikawi wae jokua ayapo wae re.

Hebreos 1:6

Taɨ ko jae opaete mbaembae iYa. Jare Tumpa ombou yawe kua ɨwɨ pe, jei: “Opaete araɨwa reta chewe uyeyokui wae tumbutuicha kua cheRaɨ jee,” jei.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

2 Pedro 3:18

Jekuaeño pekuakuaa Tumpa kotɨ yandeRepɨ wae yandeYa Jesucristo ipɨakawi rupi. Jare arakuaa jesewa tukuakuaa peré. ¡Jae jee tuyembutuichaka añawe jare jaeño mái pewa! Jukuärái tuiko.

1 Juan 2:23

Echa’ä ime yawe kía wɨrɨ̈ro Tumpa Taɨ wae, jae mbaetɨ etei ko onoi yandeRu Tumpa. Erëi ime yawe kía jei, “Jesús ko jae Tumpa Taɨ” wae, yandeRu Tumpa etei ko onoi wi.

2 Juan 1:9

Ipotawe kía ueya yawe Cristo oporomboe wae iko waerä ambɨe yemboe rupi wae, kua nunga reta mbaetɨ etei onoi Tumpa. Erëi kía jekuaeño iko yawe Cristo oporomboe wae rupi, yandeRu Tumpa jare Tumpa Taɨ mokui rewe ñonoï jae ndiwe.