San Juan 5:22 - Biblia

²² “Jare jokuaño’ä ko. Pe reta perowia tëi Tumpa jowai ko piyemboɨta peï ara taɨkuewa pe jae jei waerä pereko re. Erëi añetete cheRu jeita’ä mbae awe kía pe jeko rewa. Echa’ä cheRu umee ma chewe che jae Taɨrä aï wae pe che ayapo waerä jokua. Che ko jaeta aï opaete pëti pëti wae pe ime penoi tekowe opa mbae wae ani mbaetɨ penoi wae,” jei chupe reta.

Guaraní Pe (Western): Simba

²² CheRu ndarau uãa ɨvɨ pegua reta. Echa'ã umaeñota cheré aãa vaerã —jei—.

San Juan 5:22 Iomraidhean Croise

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 3:35

YandeRu Tumpa uau Taɨ jare oñono opaete mbaembae ipo pe.

San Juan 5:27

Jare wi cheRu umee ma chewe mbaepuere che jae waerä ɨwɨ pewa reta jeko re. Che ko jaeta opaete wae pe pëti pëti rupi: “Nde ndiporarata neï ndereko kachi re,” ani, “Nde nenoita tekowe opa mbae wae.” Jare jukuärái ko uñemee ma chewe mbaepuere ayapo waerä, echa’ä che ko jae jokua ‘uyeyapo kuimbaerä wae’ jei chupe reta wae,” jei.

San Juan 9:39

Jare Jesús jei: “Che ayu ko ambɨyekuaa waerä ɨwɨ pewa reta mbae oï ipɨa pe wae. Jokua uikuaa iyupe jesa mbae ñonoï Tumpa kotɨ wae reta, che jesa aipeata chuwi reta. Jare jokua uyererowia tëi ipuere uecha kawi wae reta, ambɨyekuaata kërái añetete jesa mbae ñonoï Tumpa kotɨ wae,” jei.

Hechos 10:42

“Jare Jesús etei jei orewe numɨmbeu waerä ïru wae reta pe kërái Tumpa umee jae iko waerä opaete wae iYarä. Jare ara taɨkuewa uwäe yawe, Tumpa umbatɨta opaetei tekowe onoi wae reta jare umanokue wae reta wi Jesús jowai jae jei waerä jae reta jeko re,” jei Pedro chupe reta.

Hechos 17:31

Jukuärái jei Tumpa, echa’ä jae uiparawo ma pëti ara outa oï wae opaete ɨwɨ pewa reta yayemboɨ waerä jae jowai. Jare jae uiparawo ma pëti kuimbae jei waerä yandereko re jupi rupi. Jare Tumpa uikuaaka ma yandewe añetete ko jae uiparawo jokua kuimbae, echa’ä umbɨjekowe ye ma ueru umanokue wae reta ipɨte wi.” Jukuärái jei Pablo chupe reta.

Romanos 2:16

Jayawe Tumpa mbaetɨta iñakañɨ jokua mbaembae reta wi, ɨwɨ pewa reta uyemboɨ yawe jae jowai. Jokua ara ramo Tumpa oñonota Jesucristo jei waerä jae reta jeko re opaete mbaembae uyapo reta wae rupi, jare mbaembae uyapo wɨari ñonoï wae rupi wi. Jekuaeño jukuärái chemiäri, ñee ikawi wae amɨmbeu aï wae rupi.

2 Corintios 5:10

Echa’ä pëti ara Cristo uwapɨta iwapɨa mburuwicha wasu pewa re, jare opaete wae yayemboɨta ñaï jae jowai. Jare jokua ara jae umɨñatimata oï yandewe pëti pëti pe kua ɨwɨ pe yaiko rambuewe yayapo wae re. Jae umɨñatimata yandewe ikawi wae yayapo wae re jare ikawi mbae wae yayapo wae re.

2 Timoteo 4:1

Pëti ara yandeYa Jesucristo ou yeta oï iko waerä opaete wae imburuwicha wasurä jaeño mái pewa. Jare jokua uyeyapo ma yawe, opaete umanokue wae reta jare opaete jekowe rewe oï wae reta uyemboɨta ñonoï jae jowai jae jei waerä jae reta jeko re. Jáeramo Tumpa jee re jare Jesucristo jee re che ndoyokui kuärái:

1 Pedro 4:5

Erëi pëti ara jae reta uyemboɨta ñonoï Tumpa jowai umɨmbeu reta waerä jae reta mbae uyapo wae. Jukuärái uyapota reta jokua ara umanokue wae reta jare ikowe wae reta wi uyemboɨ reta yawe Tumpa jowai.