San Juan 5:2 - Biblia

² Jare ime oï Jerusalén pe öke Owecharöke jee wae iyɨpɨ pe pëti ɨ jɨru tuicha wae. Kua ɨ jɨru jee Betesda judío reta iñee pe. Jare ime pandepo korero reta kua ɨ jɨru iyɨpɨ rupi.

Guaraní Pe (Western): Simba

² Jare ime Jerusalén pe ovecha reta uñemeea jonque iyɨpɨ pe penti estanque tɨpɨ vae hebreo iñee pe Betesda jee vae. Ime cua ɨ iyɨpɨ rupi pandepo o-raɨ.

San Juan 5:2 Iomraidhean Croise

San Juan 19:13

Pilato kua uyandu yawe, onoeka ye Jesús. Jare joko wi oo uwapɨ mburuwicha iwapɨa pe. Jokua tenda iyɨpɨ rupi ipe kawi oï, jare ita ipe kawi wae katuii ko. Kua ko jee Gabata judío reta iñee pe.

San Juan 19:17

Jayawe oñono reta Jesús iyatiɨ re kurusu jae uyekutukata jese wae wɨraa waerä. Jare oo joko wi Jesús kurusu rewe. Jare sɨndaro reta wɨraa uruwäe Äkakuerenda jei chupe reta wae pe. Kua ko jee Gólgota judío reta iñee pe.

San Juan 20:16

Jayawe Jesús jei chupe: “María,” jei chupe. María kua uyandu yawe, uikuaa woi jae yepe Jesús wae. Jayawe uyerowa ye ikotɨ jare jei chupe: “¡Raboni!” jei chupe. Kua uipota jei iñee pe, “Oporomboe wae.”

San Juan 5:3

Jokua korero rupi uyapakua yureko jeta imbaerasɨ wae reta – jae ko jesa mbae wae reta, jare ipuere mbae uwata wae reta, jare ipuere mbae omɨ wae reta wi. Opaete kua reta uäro yureko ɨ omɨ waerä.

San Juan 7:21

Jare Jesús jei chupe reta: “Che amɨnguera pëti kuimbae mbutuu ara pe, jare jokua jaekawi’ä oï pewe. Pe reta pere: ‘Jae uparawɨkɨ oï ara mbutuu pe,’ pere.

Hechos 21:40

Jayawe sɨndaro reta itenondewaete jei chupe: “Jaekawi,” jei. “Ndepuere nemɨngeta reta,” jei chupe. Jayawe Pablo uyemboɨ grada ɨwate oï wae pe, jare ipo pɨpe umɨkïi opaete joko pe ñonoï wae reta. Jare opaete wae kïi yawe, Pablo umbɨpɨ umɨngeta reta jae reta iñee pe etei – jae ko hebreo ñee pe. Jare jei chupe reta kuärái:

Apocalipsis 9:11

Jare jokua tuku reta imburuwicha wasu ko jae araɨwakue. Jae ime onoi mbaepuere opaete jokua ɨwɨkua wasu juwa mbae wae pe ñonoï wae reta re. Jare jae jee ko hebreo ñee pe Abadón. Jare griego ñee pe jae jee ko Apolión.