San Juan 5:19 - Biblia

¹⁹ Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

Guaraní Pe (Western): Simba

¹⁹ Jayave Jesús jei chupe reta: —Añete che jae peve, che co jae Tumpa Taɨ. Cheiño chepuere'ã mbae ayapo. Ayapo jocua aecha cheRu uyapo oĩ vaeño. CheRu uyapo oĩ vae che ayapo vi —jei—.

San Juan 5:19 Iomraidhean Croise

Génesis 1:1

Iyɨpɨ wiwe Tumpa uyapo ara jare ɨwɨ.

Génesis 1:26

Joko wi Tumpa jei: “Yayapo kuimbae yande echa rami. Jae tonoi mbaepuere pira reta re, jare wɨra reta re, jare opaete mbaemɨmba reta re, jare opaete ɨwɨ rupi uyewichɨ wae reta re,” jei.

Éxodo 4:11

Jayawe Tumpa jei Moisés pe: “¿Kía pa uyapo ɨwɨ pewa reta iyururä? ¿Kía pa uyapo iyapɨsa mbae wae jare iñee mbae wae? ¿Kía pa umee ɨwɨ pewa reta pe jesarä jare uyapo jesa mbae wae? Jaeño che, ndeTumpa, chepuere ayapo,” jei chupe.

Isaías 44:24

Tumpa jei kuärái: “Che ko jae Tumpa aikoño mái wae ndeRepɨ wae. Che ko jae ndapoa ndesɨ jɨe pe ndiko wiwe. Che ko jae opaete wae iYa jare opaete mbaembae iyapoa. Cheño ko jae ara jare ɨwɨ iyapoa. Mbaetɨ ye kía.” Jukuärái jei Tumpa.

San Mateo 26:39

Jayawe Jesús usɨrɨ katu chuwi reta, jare uñeñono ipɨtía re ɨwɨ re. Jare uyerure Tu pe kuärái: “CheRu mii, nde ndipota yawe, embɨasa mii chewi kua aiporarata aï wae. Erëi awɨye tuyeyapo che jae waeño. Tuyeyapo chewe nde ndere wae,” jei.

San Lucas 21:15

Echa’ä che etei ameeta pewe ñee jare arakuaa piyemɨngeta waerä. Jare jukuärái pëti awe perowaicho reta ipuereta’ä peré jare uikuaata’ä mbae jei waerä pewe,” jei chupe reta.

San Juan 10:18

Mbaetɨ kía ipuere upɨ̈ro chewi cherekowe, erëi amanota aï chekɨrëɨ rewe. Chepuere amee cherekowe, jare ime wi anoi mbaepuere aikowe ye waerä. Jukuärái chepuere ayapo, echa’ä jokuaerä cheRu chembou ayapo waerä. Jokua añawe che jae pewe,” jei Jesús chupe reta.

San Juan 12:49

echa’ä chiñee ou’ä chewiño. CheRu ko chembou, jare jae ko jei chewe mbae jae waerä jare kërái jae waerä,” jei.

San Juan 12:50

“Jare che aikuaa jokua mbaembae cheRu jei chewe jae waerä wae, jokua ueru tekowe opa mbae wae opaete wɨrowia jese wae reta pe. Jáeramo ko amɨmbeu kawi ma opaete jae jei chewe wae,” jei Jesús chupe reta.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 2:19

Jayawe Jesús jei chupe reta: “Opa perukachi kua tupao, jare che amupüa yeta mbapɨ ara pe,” jei chupe reta.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.

Hechos 2:24

“Erëi yepe tëi pe reta piyukaka Jesús, jesewe Tumpa umbɨjekowe ye ueru umanokue wae reta ipɨte wi,” jei. “Jesús uiporaraete mano pe. Erëi Tumpa uepɨ chuwi, echa’ä mano imbaepuere’ä etei jese ramo.

Romanos 6:4

Jare yande ñamano rami ma Cristo ndiwe ramo, ñaneñono rami wi ko jae ndiwe teöwerenda pe. Erëi Cristo upɨta’ä joko pe. Echa’ä yandeRu Tumpa imbaepuere jupiete ye wae rupi umbɨjekowe ye Cristo ueru umanokue wae reta ipɨte wi. Jare jukuärái rami uyapo yandewe wi yandepuere yaiko waerä tekowe ipɨau wae rupi – mbaetɨ jekuaeño yaiko waerä teko kachi rupi.

Romanos 8:11

Jare Tumpa iEspíritu oï pepɨa pe ramo, jokua Espíritu rupi etei ko Tumpa umbɨjekowe yeta oï perete umanota oï wae. Jukuärái ko jokua Espíritu rupi etei wi Tumpa umbɨjekowe ye Jesucristo ueru umanokue wae reta ipɨte wi. Jare jukuärái wi ko uyeyapota oï pewe.

1 Corintios 15:12

Jayawe ore numɨmbeu pewe jesäka kawi rupi kërái Cristo ikowe ye ou umanokue wae reta ipɨte wi. Jayawe, ¿këraita pa amokue pe reta pere peï ndarau kiawe ikowe ye ou umanokue wae reta ipɨte wi?

2 Corintios 4:14

Jare wi ore nduikuaa Tumpa orembɨjekowe yeta oï umanokue wae reta ipɨte wi. Jukuärái Tumpa uyapo yandeYa Jesús pe, jare jukuärái wi jae uyapota oï orewe. Jare pewe reta wi jae uyapota oï jukuärái. Echa’ä päwe rewe jae yandereraata oï Jesús jowai yayekou waerä jae ndiwe.

2 Corintios 5:10

Echa’ä pëti ara Cristo uwapɨta iwapɨa mburuwicha wasu pewa re, jare opaete wae yayemboɨta ñaï jae jowai. Jare jokua ara jae umɨñatimata oï yandewe pëti pëti pe kua ɨwɨ pe yaiko rambuewe yayapo wae re. Jae umɨñatimata yandewe ikawi wae yayapo wae re jare ikawi mbae wae yayapo wae re.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

Efesios 3:16

¡Tuichaete ko yandeRu Tumpa imbaepuere jupiete wae! Jare aeka aï Tumpa pe umɨmɨräta waerä pepɨa Espíritu Santo rupi.

Filipenses 3:21

Jae umbɨambɨeta oï yanderete kua ɨwɨ pewa ikawiete ye oï waerä jae jete imbaepuerete wae ara pewa rami. Jukuärái yandeYa uyapota oï jae imbaepuere tuichaete wae rupi. Kua ko jae mbaepuere jae ime onoi opaete mbaembae re wae.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Colosenses 1:11

Jae nunga wi pe reta piko yawe Tumpa pembɨyerowia waerä, Tumpa pemɨmɨrätata imbaepuere tuichaete wae pe, jukuärái pepuere waerä jekuaeño perupɨa ipotawe mbae pepɨawasu rewe jare piyerowia rewe.

Colosenses 1:16

Echa’ä jae etei umbɨyekuaa opaete mbaembae ara pe oï wae jare ɨwɨ pe oï wae, yaecha wae jare yaecha mbae wae (jokua ko jae opaete araɨwa reta opaño kërái rái ime mbaepuere onoi wae). Jukuärái ko uyekuaa opaetei mbaembae Taɨ rupi etei jare Taɨ imaerä etei wi.

1 Tesalonicenses 4:14

Echa’ä yande yarowia Jesús umano jare ikowe ye ou umanokue wae reta ipɨte wi. Jáeramo yande yarowia ñaï wi Jesús ou ye yawe, Tumpa uyapota opaete wae Jesús re wɨrowia rewe umano wae reta umɨïru waerä Jesús.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.