San Juan 5:17 - Biblia

¹⁷ Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

Guaraní Pe (Western): Simba

¹⁷ Ẽrei Jesús jei chupe reta: —CheRu jecuaeño uparavɨquɨ, jare che vi aparavɨquɨ.

San Juan 5:17 Iomraidhean Croise

San Mateo 10:29

“Yande yaikuaa kawi ñaï, yepe tëi wɨra raɨ reta jepɨ'ä ko, erëitu pëti awe wɨra raɨ mbaetɨ umano jare oa ɨwɨ pe peRu Tumpa uipota’ä yawe.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 14:10

“¿Mbaetɨ yerá nderowia che aï cheRu ndiwe jare cheRu oï che ndiwe wae? Kua ñee reta amɨmbeu aï pewe wae ou’ä ko chewiño. CheRu wi ko ou. CheRu pëtiño ko che ndiwe, jare jae ko uparawɨkɨ oï che rupi,” jei.

San Juan 5:16

Jáeramo judío itenondewa reta ueka kërái Jesús pe uiporaraka waerä jare uipota uyukaka reta wi, echa’ä Jesús uyapo iko kua nunga mbae mbutuu ara pe.

San Juan 5:18

Jare Jesús kua jei yawe, jokua judío itenondewa reta jeiete uipota uyukaka. Echa’ä añawe Jesús mbaetɨ jaeño uyawɨ jae reta jei wae mbutuu ara rewa. Añawe jae jei wi Tumpa etei ko jae Tu wae, jare jukuärái jae uyemboyowake iko Tumpa ndiwe. Jokua ko jae teko tuicha wae chupe reta pewarä.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.

Hechos 14:17

Erëitu Tumpa jekuaeño uyekuaaka pewe mbaembae ikawi wae jae uyapo pemaerä wae rupi. Echa’ä jae ombou pewe ama, jare umbɨkuakuaa kawi temitɨ reta ime waerä perembiurä. Jukuärái Tumpa uyapo piyerowia kawi piko waerä.” Jukuärái Pablo jei chupe reta.

Hechos 17:28

Echa’ä Tumpa imbaepuere rupi ime ñanoi tekowe. Jare opa ara rupi jae ko umee yandewe tekowe yaiko waerä. Jare jukuärái wi amokue perëtáɨwa reta uikuatía kuärái: ‘Opaete yande ko jae Tumpa taɨ reta.’ Jukuärái uikuatía reta,” jei chupe reta.

1 Corintios 12:6

Jare yepe tëi Tumpa uparawɨkɨ ambɨe ye ye pëti pëti yande reta rupi, erëi jae pëtiño ko.

Colosenses 1:16

Echa’ä jae etei umbɨyekuaa opaete mbaembae ara pe oï wae jare ɨwɨ pe oï wae, yaecha wae jare yaecha mbae wae (jokua ko jae opaete araɨwa reta opaño kërái rái ime mbaepuere onoi wae). Jukuärái ko uyekuaa opaetei mbaembae Taɨ rupi etei jare Taɨ imaerä etei wi.

1 Tesalonicenses 2:13

Jayawe hermano mii reta, ore jekuaeño numee yasurupái Tumpa pe. Echa’ä ore numɨmbeu pewe yawe Tumpa iñee, pe reta perowia woi Tumpa iñee etei ko. Kuimbae iñee’ä ko. Jukuärái ko añetete, jare jukuärái pe reta perowia wi. Jare yepe tëi täta rupi piporara peï perëtáɨwa reta ipo pe Cristo re perowia ramo, erëi pe reta piporara peï piyerowia rewe. Jare jukuärái uyekuaa oï kërái Tumpa iñee uparawɨkɨ oï pepɨa pe wae, pe Cristo re perowia wae reta. Jukuärái wi uyeyapo Jesucristo re wɨrowia wae reta pe ɨwɨ Judea rupi kerupi rupi uyembatɨ wae rupi. Jae reta täta rupi uiporara wi jëtáɨwa judío reta ipo pe. Jare añawe jukuäraiete wi uyeyapo ma pewe.

Hebreos 1:3

Jare Taɨ iñee imbaepuerete wae rupi opaete jokua mbaembae jekuaeño ime ñonoï. Taɨ rupi uyekuaa Tumpa imbaepuere jembipete ye wae jare kërái etei ko Tumpa wae. Taɨ etei ou kua ɨwɨ pe umano waerä mbaembae yayawɨ Tumpa kotɨ wae re opa umbái waerä yandewi. Joko wi jae ikowe ye ou umanokue wae reta ipɨte wi, jare oo ye ara pe uwapɨ Tumpa iyakata kotɨ kiape onoi mbaepuere Tumpa ndiwe opaete mbaembae re.