San Juan 5:16 - Biblia

¹⁶ Jáeramo judío itenondewa reta ueka kërái Jesús pe uiporaraka waerä jare uipota uyukaka reta wi, echa’ä Jesús uyapo iko kua nunga mbae mbutuu ara pe.

Guaraní Pe (Western): Simba

¹⁶ Jare Jesús uyapo ma amocue cua nunga mɨacañɨ mbutuu ara pe. Cua jeco pegua judío reta uipota uyapo icavi mbae vae chupe. Uipota vi uyuca.

San Juan 5:16 Iomraidhean Croise

San Mateo 12:13

Jayawe Jesús jei kuimbae ipo jowaicho utini wae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi. Oyowake ma oï ipo jowaicho ikawi wae ndiwe.

Marcos 3:6

Jayawe fariseo reta opa oë joko wi. Jare umbɨpɨ uyemboemboe reta mburuwicha Herodes jee wae imborɨa reta ndiwe kërái rupi ipuere uyukaka reta waerä Jesús.

San Lucas 6:11

Jayawe Moisés uikuatía wae re oporomboe wae reta jare fariseo reta pochɨete Jesús kotɨ, jare uyemboemboe reta kërái uyapo waerä mbae ikawi mbae wae Jesús kotɨ.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 10:39

Jayawe jokua judío itenondewa reta uipota ye tëi uipɨsɨ Jesús, erëi jae ukañɨ chuwi reta.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 5:10

Jare amokue judío itenondewa reta uecha jokua kuimbae jupa upi wɨraa oï, jare jei reta chupe: “Kua ara mbutuu ara ko. Moisés arakae uikuatía wae rupi yaikuaa jupi’ä ko kía wɨraa waerä jupa ara mbutuu pe,” jei reta chupe.

San Juan 5:13

Erëi kuimbae ukuera wae uikuaa’ä kía nunga kuimbae etei ko jokua umɨnguera wae. Echa’ä jeta wae reta joko pe ñonoï jare Jesús oo ma jae reta ipɨte rupi.

San Juan 5:15

Jayawe kuimbae oo umɨmbeu judío itenondewa reta pe Jesús ko umɨnguera wae.

San Juan 5:17

Erëi Jesús ukɨye’ä chuwi reta. Jae jei chupe reta: “CheRu jekuaeño uyapo oï mbarawɨkɨ ipɨakawi pewa. Jare jukuärái che ayapo aï wi,” jei chupe reta.

San Juan 5:18

Jare Jesús kua jei yawe, jokua judío itenondewa reta jeiete uipota uyukaka. Echa’ä añawe Jesús mbaetɨ jaeño uyawɨ jae reta jei wae mbutuu ara rewa. Añawe jae jei wi Tumpa etei ko jae Tu wae, jare jukuärái jae uyemboyowake iko Tumpa ndiwe. Jokua ko jae teko tuicha wae chupe reta pewarä.

San Juan 7:21

Jare Jesús jei chupe reta: “Che amɨnguera pëti kuimbae mbutuu ara pe, jare jokua jaekawi’ä oï pewe. Pe reta pere: ‘Jae uparawɨkɨ oï ara mbutuu pe,’ pere.

San Juan 7:25

Jayawe amokue Jerusalén pewa reta jei: “¿Jae’ä yerá kua kuimbae mburuwicha reta uipota tëi uyukaka ñonoï wae?