San Juan 4:6 - Biblia

⁶ Jare jokua tëta wasu raɨ iyapɨ re ime oï pëti ɨkua kɨpe wae Jacob arakaete oyoo wae. Jayawe Jesús jare jemimboe reta ndiwe yuraa uwäe yawe joko pe, ara mbɨteta ma iko. Jare Jesús ikandɨ, echa’ä uwata reta ma mbɨrɨ ramo. Jayawe Jesús uwapɨ jokua ɨkua iyɨpɨ mii pe uputuu.

Guaraní Pe (Western): Simba

⁶ Jocua ɨvɨ pe oĩ penti ɨcua. Jocua ɨcua jee Jacob iɨcua. Jayave Jesús uguapɨ ɨcua iyɨpɨ pe. Echa'ã mbɨrɨ ma uguata, jare icandɨ. Jare doce pota rupi ma.

San Juan 4:6 Iomraidhean Croise

San Mateo 27:45

Jayawe ara mbɨte wiwe uñemɨpɨ̈tumimbi mbapɨ ora rupi opaete jokua ɨwɨ rupi.

San Mateo 4:2

Jesús iko joko pe cuarenta ara rupi ukaru mbae rewe. Jáeramo iyembaɨete iko.

San Mateo 8:24

Jare aramoiño ou ɨwɨtu täta, jare ɨ opa uyembɨaparoaroa jare uike chalana japɨpe. Erëi Jesús oke oï.

San Lucas 2:7

Erëi mbaetɨ chupe reta o ipotawe tëta pe. Jáeramo María imembɨrɨpɨ kuimbae mii oa pëti o mbaemɨmba reta jokai japɨpe oï wae pe. Jare María oñoma imembɨ mii ñomaka reta pe jare umbɨyapakua mbaemɨmba reta ikaruarɨru pe.

San Lucas 9:58

Jayawe Jesús jei chupe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Juan 11:9

Jayawe Jesús jei umbɨjaanga rewe: “Mbaetɨ mbae wi yakɨye waerä. Ime doce ora onoi ara. Ara rupi uwata wae ndarau ipɨsapäa, echa’ä onoi warasɨ jembipe,” jei.

San Juan 4:12

Jare wi, ¿këraita pa nde ndepuere nemee orewe ɨ ikawiete wae kua ɨ wi? Yanderamɨkue Jacob etei ko oyoo arakae kua ɨkua ueya orewe. Jare jae etei, jare taɨ reta, jare opaete jɨmba reta wi kua ɨkua wi jou ɨ. ¿Nde yerá ndepuerete chuwi?” jei chupe.

San Juan 4:5

Jokua ɨwɨ pe ime oï pëti tëta wasu raɨ Sicar jee wae. Jare joko wi koiño ime oï ɨwɨ Jacob arakae umee taɨ José pe wae.

San Juan 4:7

Jare Jesús uputuu iko rambuewe, jemimboe reta opa yuraa tëta wasu raɨ pe owa waerä jembiurä. Aramoiño ou uwäe pëti kuña Samaria pewa ɨ onoe waerä jokua ɨkua wi. Jare Jesús jei chupe: “Emee mii tau ndeɨɨ,” jei chupe.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

Hebreos 2:17

Jáeramo jae imeta ko uyeyapo yande rami etei uyapo waerä yandewe kërái rupi yaya waerä Tumpa re. Jae uyeyapo yandesacerdote tenondewaeterä jupi wae. Jare jae uiporara wae rupi opa umbái yandewi mbaembae yayawɨ Tumpa kotɨ wae. Añawe yandepuere yarowia katu jese jae uyapo waerä mbarawɨkɨ jupi yanemaerä Tumpa jowai, jukuärái yandepuere waerä yaya Tumpa re. Jare jae yande rami etei iko ramo, jae umae yanderé yandeparareko rewe.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.