San Juan 4:48 - Biblia

⁴⁸ Jayawe Jesús jei: “Mbaetɨ ayapo pewe yawe mbaembae kiawe ipuere’ä uyapo wae, ndarau etei ndipo perowia cheré,” jei.

Guaraní Pe (Western): Simba

⁴⁸ —Aechaca'ã peve yave mɨacañɨ reta, ndarau perovia cheré —jei Jesús chupe.

San Juan 4:48 Iomraidhean Croise

Números 14:11

Jayawe Tumpa jei Moisés pe: “Chembaepuere tuicha wae rupi ayapo ma mbaembae ipuere mbaei kía uyapo wae Israel iñemoñaa reta pewarä. Erëi jesewe jae reta wɨrowia’ä ñeño cheré jare chererɨ̈ro ñonoï reta.

San Mateo 16:1

Jayawe yuweru amokue fariseo reta jare saduceo reta Jesús oï wae pe, jare jei reta chupe: “Añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta.

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Mateo 27:42

Jae reta jei: “Jae ndaye uepɨ ïru wae reta, erëi ipuere’ä uyerepɨ jae. Añetete jae ko yanemburuwicha wasurä yawe, yaecha tuweyɨ añawe kurusu wi. Jayawe ramo yarowiata jese kuri yande reta,” jei reta.

Marcos 13:22

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Lucas 10:18

Jayawe Jesús jei chupe reta: “Che aecha pe reta pemɨamɨri jae reta itenondewa – jae ko Satanás. Aecha jae oa ara wi amaterere oa wae rami,” jei.

San Lucas 16:31

“Erëi Abraham jei chupe: ‘Ipuere ko kía ikowe ye oo tëi nderɨwɨ reta pe umanokue wae reta ipɨte wi. Erëi jokuawe ndarau wɨrowiaka chupe reta Tumpa re, jae reta uipota’ä uyapɨsaka yawe Tumpa iñeerɨru re,’ jei chupe.” Jukuärái jei Jesús jemimboe reta pe.

San Juan 12:37

Jesús uyapo ma judío reta jowake jeta mbaembae kiawe ipuere’ä uyapo wae uikuaaka chupe reta waerä tëi kía ko jae wae. Erëi jesewe opaete seri wɨrowia’ä jese.

San Juan 2:18

Jayawe judío itenondewa reta yuweru jei Jesús pe: “Nde ndere kua tupao wasu pe ‘cheRu jëta.’ Jayawe añetete Tumpa nembou yawe ndiyapo waerä kua mbaembae, yaecha echaka orewe mbae tuicha wae kiawe ipuere’ä uyapo wae ore nduikuaa waerä,” jei reta chupe.

San Juan 20:29

Jare Jesús jei chupe: “Añawe cherecha yawe ramo nderowia neï cheré. Erëi uyekoueteta ñonoï jokua cherecha mbae rewe wɨrowia cheré wae reta,” jei chupe.

San Juan 4:49

“Cherɨkeɨ mii,” jei mburuwicha parawete, “ya miño cherëta pe ndei cheraɨ umano mbowe chewi,” jei chupe.

Hechos 14:3

Jesewe Pablo jare Bernabé upɨta reta joko pe ɨma rupi. Jare jekuaeño omboe reta ukɨye mbae rewe yandeYa rewa opaete uyapɨsaka jese wae reta. Jare yandeYa umee mbaepuere Pablo jare Bernabé pe uyapo reta waerä opaete jowake jeta mbaembae kiawe ipuere’ä uyapo wae. Jukuärái yandeYa uechaka iko tëta wasu pewa reta pe kërái añetete ko iñee wae.

Hechos 15:12

Joko wi Bernabé jare Pablo umɨmbeu chupe reta kërái jae reta rupi Tumpa uyapo jeta mbaembae kiawe ipuere’ä uyapo wae judío mbae wae reta ipɨte rupi. Jare opaete uyembatɨ yureko wae reta kïiño uyapɨsaka jese reta.

Hechos 2:19

Jae nunga wi che ambɨyekuaata aï ara re jare ɨwɨ re mbaembae pepɨakañɨ rewe pecha waerä. Imeta tuwɨ, tata, jare tatäti.

Hechos 2:22

Jare jei chupe reta wi: “Cherëtara Israel pewa reta, piyapɨsaka kawi chiñee re: Pe reta pikuaa kawi peï Jesús tëta wasu raɨ Nazaret pewa uyapo pepɨte rupi jeta mbaembae kiawe ipuere’ä uyapo wae. Tumpa etei ko uyapo jokua mbaembae reta Jesús rupi jare jukuärái uikuaaka tëi pewe Jesús ko jae Tumpa wi etei ou wae,” jei.

Hechos 2:43

Jare Jesús jemimboe tenondewaete reta uyapo jeta mbaembae Tumpa imbaepuere rupi kiawe ipuere’ä uyapo wae. Jáeramo opaete tëta wasu Jerusalén pewa reta ipɨakañɨete jare uipɨuete Tumpa wi.

Hechos 4:30

“Jare emee mii wi orewe mbaepuere ndeRaɨ jupi wae Jesús jee re ndupurumɨnguera waerä jare nduyapo waerä ïru mbaembae kiawe ipuere’ä uyapo wae.” Jukuärái uyerure reta Tumpa pe.

Hechos 5:12

Jokua ara reta rupi Jesús jemimboe tenondewaete reta uyapo jeta mbaembae kiawe ipuere’ä uyapo wae tëta wasu pewa reta jowai rupi. Jare jokua rupi uechaka chupe reta Tumpa imbaepuere. Jare opaete Cristo re wɨrowia wae reta jekuaeño uyembatɨ tupao wasu ikorero wasu Salomón jee wae pe.

Hechos 6:8

Jayawe jokua chiu kuimbae reta wi pëti wae ko jee Esteban. Jae ipɨrätaete Tumpa kotɨ. Jare Tumpa umee chupe arakuaa jare mbaepuere jekuaeño uyapo waerä mbaembae kiawe ipuere’ä uyapo wae opaete wae reta jowai.

Hechos 7:36

“Jayawe Moisés onoe wɨraa reta ɨwɨ Egipto wi. Jare Tumpa imbaepuere rupi jae uyapo jeta mbaembae kiawe ipuere’ä uyapo wae ɨwɨ Egipto pe, jare Mar Pɨ̈ta jee wae pe, jare cuarenta año ɨwɨtini wasu rupi yureko reta rambuewe,” jei chupe reta.

Romanos 15:19

Jare jokuaerä wi ko Espíritu Santo umee chewe mbaepuere ayapo waerä mbaembae kiawe ipuere’ä uyapo wae. Jayawe jukuärái opa ma amɨmbeu araa araa chupe reta ñee ikawi wae Cristo rewa opaete kerupi Jerusalén wiwe ɨwɨ Ilírico pe rewa.

1 Corintios 1:22

Erëi ïru wae reta pewarä, kua ñee mbaetɨ jaekawi chupe reta. Echa’ä jeta judío reta uipota tëi uecha reta rani ore nduyapo waerä mbaembae kuimbaeño ndarau etei ipuere uyapo wae ndei wɨrowia reta mbowe. Jare judío mbae wae reta jekuaeño ueka tëi ñonoï arakuaa jae reta iyarakuaa rupiño.

2 Corintios 12:12

Pe reta pikuaa kawi ko che aiko yawe pe reta ndiwe, che ayekuaaka kawi pewe chepɨawasu rewe Cristo chemondo jae jee re. Jare Tumpa imbaepuere rupi ayapo mbaembae kiawe ipuere’ä uyapo wae jukuärái rupi uyekuaa waerä che ko jae Cristo chemondo wae.

2 Tesalonicenses 2:9

Erëi ndei jokua uyeyapo mbowe, jokua kuimbae ikawi mbaete oï jese wae outa tuicha imbaepuere rewe. Jare Satanás imbaepuere rupi uyapota oï jeta mbaembae kuimbae reta ipuere’ä uyapo wae, jare jukuärái umbɨpɨakañɨta reta. Erëi jokua mbaembae uyekuaata Tumpa imbaepuere echa rami.

Hebreos 2:4

Jare Tumpa etei uikuaaka jokua jae reta jei wae añetete ko. Echa’ä jae etei umee chupe reta ipuere waerä jae reta uyapo mbaembae opa kërái raí rupi kuimbae retaño ipuere’ä uyapo wae. Jae nunga wi Espíritu Santo umee mbaepuere ambɨe ye ye wae reta jokua ñee re wɨrowia wae reta pe kërái Tumpa uipota wae rupi.